ਮੁੰਬਈ : ਨਾਗਪੁਰ ਸਦਰ ਥਾਣਾ ਪੁਲਿਸ ਉਸ ਵੇਲੇ ਹੈਰਾਨ ਰਹਿ ਗਈ ਜਦੋਂ ਇਕ ਵਿਅਕਤੀ ਥਾਣੇ ਵਿਚ ਰੁਮਾਲ ਗੁਮ ਹੋ ਜਾਣ ਦੀ ਸ਼ਿਕਾਇਤ ਲੈ ਕੇ ਪਹੁੰਚ ਗਿਆ। ਇੰਨਾ ਹੀ ਨਹੀਂ ਸ਼ਿਕਾਇਤ ਵਿਚ ਇਹ ਵੀ ਕਿਹਾ ਗਿਆ ਕਿ ਰੁਮਾਲ ਦੀ ਕੋਈ ਦੁਰਵਰਤੋਂ ਵੀ ਕਰ ਸਕਦਾ ਹੈ। ਸ਼ਿਕਾਇਤਕਰਤਾ ਰੇਲਵੇ ਦਾ ਪੁਰਾਣਾ ਕਰਮਚਾਰੀ ਹੈ।

file photo

ਨਾਗਪੁਰ ਦੇ ਮਨੀਸ਼ ਨਗਰ ਖੇਤਰ ਦੇ ਨਿਵਾਸੀ ਹਰਸ਼ਵਰਧਨ ਜਿਥੇ ਨੇ ਸੋਮਵਾਰ ਨੂੰ ਸਦਰ ਥਾਣੇ ਵਿਚ ਆਪਣਾ ਰੁਮਾਲ ਚੋਰੀ ਹੋਣ ਦੀ ਰਿਪੋਰਟ ਦਰਜ ਕਰਵਾਈ। ਉਨ੍ਹਾਂ ਪੁਲਿਸ ਨੂੰ ਦੱਸਿਆ ਕਿ ਉਹ ਰੇਲਵੇ ਦਾ ਕਰਮਚਾਰੀ ਹੈ ਅਤੇ ਸੋਮਵਾਰ ਨੂੰ ਮੱਧ ਰੇਲਵੇ ਦੇ ਮੰਡਲ ਪ੍ਰਬੰਧਕ ਦੇ ਦਫ਼ਤਰ ਵਿਚ ਆਪਣੇ ਪੁਰਾਣੇ ਸਾਥੀ ਨੂੰ ਮਿਲਣ ਗਏ ਸਨ। ਦਫ਼ਤਰ ਛੱਡਣ ਸਮੇਂ ਜਿਥੇ ਨੇ ਧਿਆਨ ਦਿੱਤਾ ਕਿ ਉਨ੍ਹਾਂ ਦਾ ਰੁਮਾਲ ਉਨ੍ਹਾਂ ਦੇ ਕੋਲ ਨਹੀਂ ਸੀ। ਉਸਨੇ ਪੁਲਿਸ ਨੂੰ ਦੱਸਿਆ ਕਿ ਉਸਨੂੰ ਸ਼ੱਕ ਹੈ ਕਿ ਰੁਮਾਲ ਚੋਰੀ ਹੋ ਗਿਆ ਅਤੇ ਕੋਈ ਉਸਦੀ ਦੁਰਵਰਤੋਂ ਕਰ ਸਕਦਾ ਹੈ।

file photo

ਸ਼ੁਰੂ ਵਿਚ ਤਾਂ ਪੁਲਿਸ ਨੇ ਵੀ ਮਾਮਲੇ ਨੂੰ ਹਲਕੇ ਵਿਚ ਲਿਆ ਇਸ ਨੂੰ ਇਕ ਤਰ੍ਹਾਂ ਨਾਲ ਮਜ਼ਾਕ ਹੀ ਸਮਝਿਆ। ਪਰ ਪੁਲਿਸ ਨੂੰ ਪਰੇਸ਼ਾਨੀ ਉਦੋਂ ਹੋ ਗਈ ਜਦੋਂ ਹਰਸ਼ਵਰਧਨ ਜਿਥੇ ਨੇ ਅਰਜੀ ਸਵੀਕਾਰ ਕਰਨ ਤੱਕ ਥਾਣਾ ਛੱਡਣ ਤੋਂ ਮਨ੍ਹਾਂ ਕਰ ਦਿੱਤਾ।

file photo

ਪੁਲਿਸ ਨੇ ਦੱਸਿਆ ਕਿ ਹਰਸ਼ਵਰਧਨ ਜਿਥੇ ਦੀ ਸ਼ਿਕਾਇਤ ਲੈ ਲਈ ਗਈ ਹੈ। ਅਰਜੀ ਸਵੀਕਾਰ ਕਰਨ ਤੋਂ ਬਾਅਦ ਹੀ ਹਰਸ਼ਵਰਧਨ ਜਿਥੇ ਥਾਣੇ ਤੋਂ ਬਾਹਰ ਨਿਕਲੇ। ਹੁਣ ਤੱਕ ਇਸ ਮਾਮਲੇ ਵਿਚ ਕੋਈ ਮੁਕੱਦਮਾ ਦਰਜ ਨਹੀਂ ਕੀਤਾ ਗਿਆ ਹੈ।