ਐਨਜੀਟੀ ਨੂੰ ਦਿਤੀ ਰੀਪੋਰਟ ਵਿਚ ਕਿਹਾ ਗਿਆ ਹੈ ਕਿ ਯਮੂਨਾ ਵਿਚ ਜ਼ਹਿਰੀਲੇ ਤੱਤ ਬਹੁਤ ਤੇਜ਼ੀ ਨਾਲ ਵੱਧ ਰਹੇ ਹਨ।
ਨਵੀਂ ਦਿੱਲੀ : ਯਮੂਨਾ ਦੀ ਹਾਲਤ 'ਤੇ ਅਧਿਐਨ ਲਈ ਬਣਾਏ ਗਏ ਪੈਨਲ ਨੇ ਅਪਣੀ ਰੀਪੋਰਟ ਵਿਚ ਕਿਹਾ ਹੈ ਕਿ ਨਦੀ ਨੂੰ ਬਚਾਉਣ ਲਈ ਫਿਲਮ ਅਤੇ ਟੀਵੀ ਕਲਾਕਾਰਾਂ ਦੀ ਮਦਦ ਲੈਣੀ ਹੋਵੇਗੀ। ਐਨਜੀਟੀ ਨੂੰ ਦਿਤੀ ਰੀਪੋਰਟ ਵਿਚ ਕਿਹਾ ਗਿਆ ਹੈ ਕਿ ਯਮੂਨਾ ਵਿਚ ਜ਼ਹਿਰੀਲੇ ਤੱਤ ਬਹੁਤ ਤੇਜ਼ੀ ਨਾਲ ਵੱਧ ਰਹੇ ਹਨ। ਇਸ 'ਤੇ ਰੋਕ ਲਗਾਉਣ ਲਈ ਦਿੱਲੀ ਐਨਸੀਆਰ ਵਿਚ ਗੁਜਰਾਤ ਦੇ ਸੂਰਤ ਦੀ ਤਰਜ਼ 'ਤੇ ਮੂਰਤੀਆਂ ਨੂੰ ਜਲ ਪ੍ਰਵਾਹ ਕਰਨ ਲਈ ਯੋਜਨਾ ਤਿਆਰ ਕੀਤੀ ਜਾਵੇ।
Ugly reality of Yamuna
ਐਨਜੀਟੀ ਦੇ ਚੇਅਰਮੈਨ ਜਸਟਿਸ ਏ.ਕੇ.ਗੋਇਲ ਨੂੰ ਦਿਤੀ ਰੀਪੋਰਟ ਵਿਚ ਕਿਹਾ ਗਿਆ ਕਿ ਫਿਲਮ ਅਤੇ ਟੀਵੀ ਸਿਤਾਰਿਆਂ ਰਾਹੀਂ ਜਾਗਰੂਕਤਾ ਮੁਹਿੰਮ ਵਿਚ ਲੋਕਾਂ ਨੂੰ ਦੱਸਿਆ ਜਾਵੇ ਕਿ ਉਹ ਅਜਿਹੀ ਮੂਰਤੀਆਂ ਦੀ ਵਰਤੋਂ ਕਰਨ ਜਿਹਨਾਂ ਤੇ ਪੇਂਟ ਨਾ ਹੋਵੇ। ਉਹਨਾਂ ਦਾ ਮੰਨਣਾ ਹੈ ਕਿ ਸਿਤਾਰਿਆਂ ਦੀ ਅਪੀਲ ਦਾ ਲੋਕਾਂ 'ਤੇ ਡੂੰਘਾ ਅਸਰ ਪੈ ਸਕਦਾ ਹੈ। ਯਮੂਨਾ ਦੀ ਸਫਾਈ ਨੂੰ ਲੈ ਕੇ ਬੀਤੇ ਸਾਲ ਜੁਲਾਈ
NGT
ਵਿਚ ਬਣਾਏ ਗਏ ਪੈਨਲ ਵਿਚ ਦਿੱਲੀ ਦੇ ਚੀਫ ਸਕੱਤਰ ਰਹੇ ਸ਼ੈਲਜਾ ਚੰਦਰਾ ਅਤੇ ਬੀਐਸ ਸਜਾਵਨ ਸ਼ਾਮਲ ਹਨ। ਪੈਨਲ ਦਾ ਕਹਿਣਾ ਹੈ ਕਿ ਸਰਕਾਰ ਨੂੰ ਬਨਾਵਟੀ ਤਲਾਅ ਤਿਆਰ ਕਰਨੇ ਚਾਹੀਦੇ ਹਨ। ਇਹਨਾਂ ਥਾਵਾਂ 'ਤੇ ਮੂਰਤੀਆਂ ਨੂੰ ਜਲ ਪ੍ਰਵਾਹ ਕਰਨ ਦਾ ਕੰਮ ਹੋਣਾ ਚਾਹੀਦਾ ਹੈ। ਇਹ ਵੀ ਯਕੀਨੀ ਬਣਾਇਆ ਜਾਣਾ ਚਾਹੀਦਾ ਹੈ ਕਿ ਮੂਰਤੀਆਂ ਦੇ ਜਲ ਪ੍ਰਵਾਹ ਲਈ ਲਿਆਂਦੀ
Tapti River - Surat
ਗਈ ਮੂਰਤੀ ਤਿੰਨ ਫੁੱਟ ਤੋਂ ਜ਼ਿਆਦਾ ਲੰਮੀ ਨਾ ਹੋਵੇ। ਪੈਨਲ ਨੇ ਕਿਹਾ ਕਿ ਸੂਰਤ ਵਿਚ ਤਾਪਤੀ ਨਦੀ ਵਿਚ ਮੂਰਤੀਆਂ ਦੇ ਜਲ ਪ੍ਰਵਾਹ 'ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾਈ ਗਈ ਹੈ। ਲੋਕਾਂ 'ਤੇ ਨਜ਼ਰ ਰੱਖਣ ਲਈ ਸਰਕਾਰ ਨੇ 4000 ਸੀਸੀਟੀਵੀ ਕੈਮਰੇ ਲਗਾਏ ਹਨ। 8000 ਪੁਲਿਸ ਜਵਾਨ, 3250 ਹੋਮਗਾਰਡ, ਸਟੇਟ ਰਿਜ਼ਰਵ ਪੁਲਿਸ ਦੀਆਂ ਅੱਠ ਕੰਪਨੀਆਂ ਦੇ ਨਾਲ ਹੀ ਬੀਐਸਐਫ ਅਤੇ
Idol immersion
ਆਰਏਐਫ ਦੇ ਜਵਾਨ ਲੋਕਾਂ ਨੂੰ ਮੂਰਤੀਆਂ ਦੇ ਜਲ ਪ੍ਰਵਾਹ ਤੋਂ ਰੋਕ ਰਹੇ ਹਨ। ਸਿਰਫ ਸਥਾਨਕ ਪੱਧਰ 'ਤੇ ਬਣਾਏ ਤਲਾਅ ਅਤੇ ਟੋਇਆਂ ਵਿਚ ਹੀ ਮੂਰਤੀਆਂ ਦੇ ਜਲ ਪ੍ਰਵਾਹ ਦੀ ਇਜਾਜ਼ਤ ਦਿਤੀ ਗਈ ਹੈ। ਪੈਨਲ ਨੇ ਕਿਹਾ ਹੈ ਕਿ ਦਿੱਲੀ ਦੇ ਡਿਵੀਜ਼ਨਲ ਕਮਿਸ਼ਨਰ ਨੂੰ ਸੂਰਤ ਵਿਚ ਜਾ ਕੇ ਮੂਰਤੀਆਂ ਦੇ ਜਲ ਪ੍ਰਵਾਹ ਲਈ ਤਿਆਰ ਕੀਤੀ ਯੋਜਨਾ ਦੀ ਬਾਰੀਕੀ ਨਾਲ ਸਮੀਖਿਆ ਕਰਕੇ ਉਸ ਨੂੰ ਦਿੱਲੀ ਵਿਚ ਲਾਗੂ ਕਰਨਾ ਚਾਹੀਦਾ ਹੈ।
