ਜੰਮੂ-ਕਸ਼ਮੀਰ ਦੀ ਮੁੱਖ ਮੰਤਰੀ ਮਹਿਬੂਬਾ ਮੁਫ਼ਤੀ ਨੇ ਏਅਰ ਇੰਡੀਆ ਦੇ ਉਸ ਆਦੇਸ਼ ਤੇ ਟਵੀਟ ਕਰ ਕੇ ਸਰਕਾਰ ‘ਤੇ ਨਿਸ਼ਾਨਾ ਸਾਂਧਿਆ, ਜਿਸ ....
ਜੰਮੂ- ਜੰਮੂ-ਕਸ਼ਮੀਰ ਦੀ ਮੁੱਖ ਮੰਤਰੀ ਮਹਿਬੂਬਾ ਮੁਫ਼ਤੀ ਨੇ ਏਅਰ ਇੰਡੀਆ ਦੇ ਉਸ ਆਦੇਸ਼ ਤੇ ਟਵੀਟ ਕਰ ਕੇ ਸਰਕਾਰ ‘ਤੇ ਨਿਸ਼ਾਨਾ ਸਾਧਿਆ, ਜਿਸ ਵਿਚ ਏਅਰ ਇੰਡੀਆ ਨੇ ਆਪਣੇ ਸਾਰੇ ਕਰੂ ਮੈਂਬਰ ਅਤੇ ਕਾਕਪਿਟ ਕਰੂ ਲਈ ਇਕ ਫਰਮਾਨ ਜਾਰੀ ਕੀਤਾ ਹੈ। ਮੁਫ਼ਤੀ ਨੇ ਟਵੀਟ ਵਿਚ ਗੁੱਸਾ ਜਾਹਿਰ ਕੀਤਾ। ਉਹਨਾਂ ਨੇ ਟਵੀਟ ਵਿਚ ਲਿਖਿਆ ਕਿ ਮੈਂ ਹੈਰਾਨ ਹਾਂ ਕਿ ਆਮ ਚੋਣਾਂ ਸਿਰ ਤੇ ਹਨ; ਅਜਿਹੀ ਸਥਿਤੀ ਵਿਚ ਸਰਕਾਰ ਨੇ ਦੇਸ਼ਭਗਤੀ ਦੀ ਭਾਵਨਾ ਵਿਚ ਅਸਮਾਨ ਨੂੰ ਵੀ ਨਹੀਂ ਬਖਸ਼ਿਆ ਹੈ। ਏਅਰ ਇੰਡੀਆ ਦੇ ਨਿਰਦੇਸ਼ਕ ਅਮਿਤਾਭ ਸਿੰਘ ਨੇ ਇਕ ਸਰਕੂਲਰ ਜਾਰੀ ਕੀਤਾ ਹੈ।
ਕਿ ਤਤਕਾਲ ਪ੍ਰਭਾਵ ਦੇ ਨਾਲ ਸਾਰੇ ਕਰੂ ਮੈਂਬਰ ਅਤੇ ਕਾਕਪਿਟ ਕਰੂ ਨੂੰ ਹਰ ਇਕ ਉਡਾਣ ਦੀ ਘੋਸ਼ਣਾ ਦੇ ਥੋੜੇ ਸਮੇਂ ਬਾਅਦ ਜੋਸ਼ ਦੇ ਨਾਲ ‘ਜੈ ਹਿੰਦ’ ਬੋਲਣਾ ਹੋਵੇਗਾ। ਅਧਿਕਾਰੀਆਂ ਦੇ ਮੁਤਾਬਕ , ਨਵੀਂ ਐਡਵਾਇਜਰੀ ਦੇਸ਼ ਦੇ ਮਾਹੌਲ ਨੂੰ ਵੇਖਦੇ ਹੋਏ ਸਟਾਫ਼ ਲਈ ਰਿਮਾਇੰਡਰ ਹੈ। ਇਸ ਤੋਂ ਪਹਿਲਾਂ ਵੀ ਏਅਰ ਇੰਡੀਆ ਦੇ ਚੇਅਰਮੈਨ ਅਤੇ ਪ੍ਰਬੰਧ ਨਿਦੇਸ਼ਕ ਦੇ ਤੌਰ ਉੱਤੇ 2016 ਵਿਚ ਆਪਣੇ ਪਹਿਲੇ ਕਾਰਜਕਾਲ ਦੇ ਦੌਰਾਨ ਅਸ਼ਵਿਨੀ ਲੋਹਾਨੀ ਨੇ ਪਾਇਲਟ ਲਈ ਇਸੇ ਤਰ੍ਹਾਂ ਦੀ ਐਡਵਾਇਜਰੀ ਜਾਰੀ ਕੀਤੀ।
ਲੋਹਾਨੀ ਨੇ ਮਈ 2016 ਵਿਚ ਆਪਣੇ ਸਟਾਫ਼ ਨੂੰ ਭੇਜੀ ਚਿੱਠੀ ਵਿਚ ਕਿਹਾ ਸੀ ਕਿ ਜਹਾਜ਼ ਦੇ ਕੈਪਟਨ ਨੂੰ ਯਾਤਰਾ ਦੇ ਦੌਰਾਨ ਆਪਣੇ ਮੁਸਾਫਰਾਂ ਨਾਲ ਜੁੜਿਆ ਰਹਿਣਾ ਚਾਹੀਦਾ ਹੈ, ਪਹਿਲਾਂ ਸੰਬੋਧਨ ਦੇ ਅੰਤ ਵਿਚ ਉਨ੍ਹਾਂ ਨੂੰ ‘ਜੈ ਹਿੰਦ’ ਬੋਲਣਾ ਚਾਹੀਦਾ ਹੈ , ਜਿਸਦਾ ਜ਼ਬਰਦਸਤ ਪ੍ਰਭਾਵ ਹੋਵੇਗਾ। ਸਰਕਾਰ ਨੇ ਲੋਹਾਨੀ ਨੂੰ ਦੁਬਾਰਾ ਏਅਰ ਇੰਡੀਆ ਦਾ ਚੇਅਰਮੈਨ ਨਿਯੁਕਤ ਕੀਤਾ ਹੈ। ਉਨ੍ਹਾਂ ਦਾ ਪਹਿਲਾ ਕਾਰਜਕਾਲ ਅਗਸਤ 2015 ਤੋਂ ਅਗਸਤ 2017 ਤੱਕ ਸੀ।
