ਪੱਛਮੀ ਬੰਗਾਲ ਦੇ ਮੁਰਸ਼ੀਦਾਬਾਦ 'ਚ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਪਿੰਡ ਰਾਮਨਗਰ ਦੇ ਵਸਨੀਕ ਨੂੰ ਕੁੱਤੇ ਦੀ ਤਸਵੀਰ ਨਾਲ ਚੋਣ ਕਮਿਸ਼ਨ ਨੇ ਵੋਟਰ ਆਈ ਕਾਰਡ
ਕੋਲਕਾਤਾ: ਪੱਛਮੀ ਬੰਗਾਲ ਦੇ ਮੁਰਸ਼ੀਦਾਬਾਦ 'ਚ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਪਿੰਡ ਰਾਮਨਗਰ ਦੇ ਵਸਨੀਕ ਨੂੰ ਕੁੱਤੇ ਦੀ ਤਸਵੀਰ ਨਾਲ ਚੋਣ ਕਮਿਸ਼ਨ ਨੇ ਵੋਟਰ ਆਈ ਕਾਰਡ ਜਾਰੀ ਕਰ ਦਿੱਤਾ ਹੈ। ਸੁਨੀਲ ਕਰਮਾਕਰ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਸ ਨੇ ਆਪਣੇ ਵੋਟਰ ਕਾਰਡ 'ਚ ਸੁਧਾਰ ਲਈ ਬਿਨੈ ਕੀਤਾ ਸੀ ਤੇ ਜਦੋਂ ਉਸ ਨੂੰ ਇੱਕ ਸੋਧਿਆ ਕਾਰਡ ਮਿਲਿਆ ਤਾਂ ਇਸ ਵਿੱਚ ਉਸ ਦੀ ਫੋਟੋ ਦੀ ਬਜਾਏ ਕੁੱਤੇ ਦੀ ਫੋਟੋ ਲੱਗੀ ਹੋਈ ਸੀ।
File Photo
ਉਸ ਨੇ ਕਿਹਾ, "ਕੱਲ੍ਹ ਮੈਨੂੰ ਦੁਲਾਲ ਸਮ੍ਰਿਤੀ ਸਕੂਲ ਬੁਲਾਇਆ ਗਿਆ ਸੀ ਤੇ ਇਹ ਵੋਟਰ ਕਾਰਡ ਮੈਨੂੰ ਦਿੱਤਾ ਗਿਆ। ਮੈਂ ਫੋਟੋ ਵੇਖੀ। ਉੱਥੇ ਅਧਿਕਾਰੀ ਨੇ ਇਸ 'ਤੇ ਦਸਤਖ਼ਤ ਕੀਤੇ ਤੇ ਮੈਨੂੰ ਦੇ ਦਿੱਤਾ, ਪਰ ਅਧਿਕਾਰੀ ਨੇ ਫੋਟੋ ਨਹੀਂ ਵੇਖੀ। ਸੁਨੀਲ ਨੇ ਕਿਹਾ ਕਿ ਇਹ ਮੇਰੀ ਪਛਾਣ ਨਾਲ ਖਿਲਵਾੜ ਹੈ। ਅਸੀਂ ਬੀਡੀਓ ਦਫ਼ਤਰ ਜਾਵਾਂਗੇ ਤੇ ਬੇਨਤੀ ਕਰਾਂਗੇ ਕਿ ਅਜਿਹਾ ਦੁਬਾਰਾ ਨਾ ਹੋਵੇ।"
File
ਜਦਕਿ, ਬਲਾਕ ਵਿਕਾਸ ਅਫਸਰ (ਬੀਡੀਓ) ਨੇ ਕਿਹਾ ਹੈ ਕਿ ਤਸਵੀਰ ਨੂੰ ਪਹਿਲਾਂ ਹੀ ਸਹੀ ਕਰ ਦਿੱਤਾ ਗਿਆ ਹੈ ਤੇ ਕਰਮਕਰ ਨੂੰ ਸਹੀ ਫੋਟੋ ਦੇ ਨਾਲ ID ਕਾਰਡ ਮਿਲੇਗਾ। ਬੀਡੀਓ ਅਧਿਕਾਰੀ ਨੇ ਕਿਹਾ, “ਇਹ ਉਸ ਦਾ ਆਖਰੀ ਵੋਟਰ ਸ਼ਨਾਖਤੀ ਕਾਰਡ ਨਹੀਂ। ਜੇਕਰ ਕੋਈ ਗਲਤੀ ਹੋਈ ਤਾਂ ਇਸ ਨੂੰ ਦਰੁਸਤ ਕੀਤਾ ਜਾਵੇਗਾ। ਜਿੱਥੋਂ ਤੱਕ ਕੁੱਤੇ ਦੀ ਫੋਟੋ ਦੀ ਗੱਲ ਹੈ, ਇਹ ਆਨਲਾਈਨ ਅਰਜ਼ੀ ਭਰਨ ਵੇਲੇ ਕਿਸੇ ਵੱਲੋਂ ਕੀਤਾ ਹੋ ਸਕਦਾ ਹੈ। ਫੋਟੋ ਪਹਿਲਾਂ ਹੀ ਸਹੀ ਕੀਤੀ ਗਈ ਹੈ। ਹੁਣ ਆਈਡੀ ਕਾਰਡ ਸਹੀ ਫੋਟੋ ਨਾਲ ਮਿਲੇਗਾ।"
