ਕੇਰਲ ਸਰਕਾਰ ਹੁਣ ਟਰਾਂਸਜੈਂਡਰ ਸਮਾਜ ਲਈ ਸੈਕਸ ਚੇਂਜ ਨੂੰ ਲੈ ਕੇ ਨਵੀਂ ਯੋਜਨਾ ਲਿਆਈ ਹੈ।
ਤੀਰੁਵਨੰਤਪੁਰਮ, ਕੇਰਲ ਸਰਕਾਰ ਹੁਣ ਟਰਾਂਸਜੈਂਡਰ ਸਮਾਜ ਲਈ ਸੈਕਸ ਚੇਂਜ ਨੂੰ ਲੈ ਕੇ ਨਵੀਂ ਯੋਜਨਾ ਲਿਆਈ ਹੈ। ਇਸ ਦੇ ਅਨੁਸਾਰ ਸਰਕਾਰ ਸੈਕਸ ਬਦਲਵਾਉਣ ਵਾਲੇ ਹਰ ਇੱਕ ਟਰਾਂਸਜੈਂਡਰ ਨੂੰ 2 ਲੱਖ ਰੁਪਏ ਹਸਪਤਾਲ ਖਰਚ ਦੇਵੇਗੀ। ਇੰਨਾ ਹੀ ਨਹੀਂ, ਜੋ ਟਰਾਂਸਜੈਂਡਰ ਆਪਣਾ ਪਹਿਲਾਂ ਤੋਂ ਸੈਕਸ ਚੇਂਜ ਕਰਵਾ ਚੁੱਕੇ ਹਨ, ਉਹ ਵੀ ਇਸ ਰਕਮ ਲਈ ਅਰਜ਼ੀ ਦੇ ਸਕਣਗੇ। ਕੇਰਲ ਦੇ ਮੁੱਖ ਮੰਤਰੀ ਪਿਨਰਾਈ ਵਿਜੈਨ ਨੇ ਆਪਣੇ ਫੇਸਬੁਕ ਪੇਜ ਉੱਤੇ ਇਹ ਫੈਸਲਾ ਪੋਸਟ ਕਰਕੇ ਇਸ ਦੀ ਘੋਸ਼ਣਾ ਕੀਤੀ ਹੈ। ਉਨ੍ਹਾਂ ਨੇ ਲਿਖਿਆ ਕਿ ਜੋ ਟਰਾਂਸਜੈਂਡਰ ਚਾਹੁੰਦਾ ਹੈ ਕਿ ਉਹ ਸਰਜਰੀ ਕਰਵਾਕੇ ਮੇਲ ਜਾਂ ਫੀਮੇਲ ਬਣੇ,
ਉਸ ਦੀ ਇਸ ਖਾਹਿਸ਼ ਵਿੱਚ ਆਰਥਿਕ ਤੰਗੀ ਅੜਚਨ ਨਹੀਂ ਬਣੇਗੀ। ਉਹ ਕਿਹਾ ਕਿ ਸਰਕਾਰ ਨੇ ਟਰਾਂਸਜੈਂਡਰਾਂ ਲਈ ਸਿੱਖਿਆ ਦਾ ਅਧਿਕਾਰ ਅਤੇ ਰੁਜ਼ਗਾਰ ਲਾਗੂ ਕੀਤਾ ਹੈ ਅਤੇ ਹੁਣ ਅਸੀ ਉਨ੍ਹਾਂ ਦੇ ਸੈਕਸ ਚੇਂਜ ਕਰਵਾਉਣ ਵਿਚ ਆਉਣ ਵਾਲਾ ਖਰਚ ਵੀ ਚੁੱਕਾਂਗੇ। ਦੱਸ ਦਈਏ ਕਿ ਕੇਰਲ, ਦੇਸ਼ ਦਾ ਪਹਿਲਾ ਅਜਿਹਾ ਰਾਜ ਸੀ ਜਿੱਥੇ ਟਰਾਂਸਜੈਂਡਰਾਂ ਲਈ 2015 ਵਿਚ ਪਾਲਿਸੀ ਬਣਾਈ ਗਈ ਸੀ। ਉੱਚ ਸਿੱਖਿਆ ਵਿਭਾਗ ਨੇ ਟਰਾਂਸਜੈਂਡਰ ਸਮਾਜ ਲਈ ਹਰ ਸਰਕਾਰੀ ਅਤੇ ਸਰਕਾਰੀ ਸਹਾਇਤਾ ਪ੍ਰਾਪਤ ਕਾਲਜਾਂ ਵਿਚ ਦੋ ਸੀਟਾਂ ਰਾਖਵੀਂਆਂ ਕਰਨ ਦਾ ਆਦੇਸ਼ ਦਿੱਤਾ ਸੀ।
ਉਥੇ ਹੀ ਸਾਖਰਤਾ ਮਿਸ਼ਨ ਟਰਾਂਸਜੈਂਡਰ ਸਮਾਜ ਨੂੰ ਟ੍ਰੇਨਿੰਗ ਦੇ ਕੇ ਉਨ੍ਹਾਂ ਨੂੰ ਸਮਾਨ ਪ੍ਰੀਖਿਆ ਪਾਸ ਕਰਨ ਵਿਚ ਮਦਦ ਕਰ ਰਿਹਾ ਹੈ। ਸਾਮਾਜਕ ਨਿਆਂ ਵਿਭਾਗ ਨੇ ਹਾਲ ਹੀ ਵਿਚ ਟਰਾਂਸਜੈਂਡਰਾਂ ਲਈ ਸਵੈ ਰੁਜ਼ਗਾਰ ਯੋਜਨਾ ਵੀ ਸ਼ੁਰੂ ਕੀਤੀ ਹੈ। ਇੰਨਾ ਹੀ ਨਹੀਂ, ਕੌਚੀ ਮੈਟਰੋ ਵਿਚ ਵੀ ਟਰਾਂਸਜੈਂਡਰ ਵੱਖ ਵੱਖ ਅਹੁਦਿਆਂ ਉੱਤੇ ਕੰਮ ਕਰ ਰਹੇ ਹਨ।