ਪਾਕਿਸਤਾਨ ਵਿਚ ਜੁਲਾਈ ਮਹੀਨੇ ਵਿਚ ਆਮ ਚੋਣਾਂ ਸ਼ੁਰੂ ਹੋਣ ਜਾ ਰਹੀਆਂ ਹਨ। ਹਰ ਪਾਰਟੀ ਵਲੋਂ ਜਨਤਾ ਦੇ ਦਿਲਾਂ ਵਿਚ ਥਾਂ ਬਣਾਉਣ ਲਈ ਅਪਣੇ ਅਪਣੇ...
ਪਾਕਿਸਤਾਨ ਵਿਚ ਜੁਲਾਈ ਮਹੀਨੇ ਵਿਚ ਆਮ ਚੋਣਾਂ ਸ਼ੁਰੂ ਹੋਣ ਜਾ ਰਹੀਆਂ ਹਨ। ਹਰ ਪਾਰਟੀ ਵਲੋਂ ਜਨਤਾ ਦੇ ਦਿਲਾਂ ਵਿਚ ਥਾਂ ਬਣਾਉਣ ਲਈ ਅਪਣੇ ਅਪਣੇ ਤਰੀਕੇ ਨਾਲ ਪ੍ਰਚਾਰ ਕੀਤਾ ਜਾ ਰਿਹਾ ਹੈ। ਉਥੇ ਹੀ ਇਨ੍ਹਾਂ ਪਾਰਟੀਆਂ ਦੇ ਪ੍ਰਚਾਰ ਤੋਂ ਇਲਾਵਾ ਟਰਾਂਸਜੈਂਡਰ ਸਮਾਜ ਦੇ ਮੈਂਬਰ ਵੀ ਇਨ੍ਹਾਂ ਚੋਣਾਂ ਦਾ ਹਿੱਸਾ ਬਣਨ ਜਾ ਰਹੇ ਹਨ। ਦੱਸ ਦਈਏ ਕਿ ਇਹ ਚੋਣਾਂ 25 ਜੁਲਾਈ ਨੂੰ ਹੋਣ ਜਾ ਰਹੀਆਂ ਹਨ। ਪਾਕਿਸਤਾਨ ਵਿਚ 25 ਜੁਲਾਈ ਨੂੰ ਹੋਣ ਵਾਲੀਆਂ ਇਨ੍ਹਾਂ ਆਮ ਚੋਣਾਂ ਵਿਚ ਇਨ੍ਹਾਂ ਸੀਟਾਂ ਉੱਤੇ ਟਰਾਂਸਜੈਂਡਰ ਸਮਾਜ ਦੇ 13 ਮੈਂਬਰ ਚੋਣ ਲੜਨਗੇ। ਸੰਪੂਰਣ ਪਾਕਿਸਤਾਨ ਟਰਾਂਸਜੈਂਡਰ ਚੋਣ ਨੈੱਟਵਰਕ (ਏਪੀਟੀਐਨ) ਵਲੋਂ ਬੁੱਧਵਾਰ ਨੂੰ ਇਸਦੀ ਜਾਣਕਾਰੀ ਦਿੱਤੀ ਗਈ ਹੈ।
ਡਾਨ ਨੇ ਚੋਣਾਂ ਲੜਨ ਵਾਲੇ ਟਰਾਂਸਜੈਂਡਰ ਦੇ ਨਾਮਾਂ ਦਾ ਵੀ ਵੇਰਵਾ ਦਿੱਤਾ ਹੈ। ਡਾਨ ਦੇ ਮੁਤਾਬਕ, ਟਰਾਂਸਜੈਂਡਰ ਨੇਤਾਵਾਂ ਵਿਚ ਨਾਇਬ ਅਲੀ ਅਤੇ ਲੁਬਨਾ ਲਾਲ, ਪਾਕਿਸਤਾਨ ਤਹਿਰੀਕ - ਏ - ਇਨਸਾਫ਼ ਗੁਲਾਈ ਟਿੱਕਟਾਂ ਉੱਤੇ ਚੋਣ ਲੜਨਗੇ। ਜਦਕਿ ਬਾਕੀ 11 ਉਮੀਦਵਾਰ ਆਜ਼ਾਦ ਖੜ੍ਹੇ ਹੋ ਕਿ ਇਨ੍ਹਾਂ ਚੋਣਾਂ ਵਿਚ ਭਾਗ ਲੈਣਗੇ। ਉਨ੍ਹਾਂ ਨੇ ਕਿਹਾ ਕਿ ਘੱਟ ਤੋਂ ਘੱਟ 2 ਟਰਾਂਸਜੈਂਡਰਾਂ ਵਿਚੋਂ ਇੱਕ ਪੇਸ਼ਾਵਰ ਵਿਚ ਅਤੇ ਇੱਕ ਬੈਕੁੰਠ ਵਿਚ ਅਪਣਾ ਨਾਮਜ਼ਦਗੀ ਪੱਤਰ ਜਮ੍ਹਾ ਨਹੀਂ ਕਰਾ ਸਕੇ ਸਨ,ਉਨ੍ਹਾਂ ਇਸਦਾ ਕਾਰਨ ਇਹ ਦੱਸਿਆ ਕਿ ਚੋਣ ਲੜਨ ਦੀ ਗੱਲ ਪਤਾ ਲੱਗਣ ਤੋਂ ਬਾਅਦ ਉਨ੍ਹਾਂ ਨੂੰ ਬੁਰੀ ਤਰ੍ਹਾਂ ਨਾਲ ਮਾਰਿਆ ਕੁੱਟਿਆ ਗਿਆ ਅਤੇ ਬਹੁਤ ਬੁਰੀ ਸ਼ਬਦਾਵਲੀ ਬੋਲ ਕਿ ਉਨ੍ਹਾਂ ਨੂੰ ਬੇਇੱਜ਼ਤ ਕੀਤਾ ਗਿਆ। ਦੱਸ ਦਈਏ ਕਿ 2009 ਵਿਚ ਪਾਕਿਸਤਾਨ ਵੱਲੋਂ ਕਾਨੂੰਨੀ ਰੂਪ ਵਿਚ ਥਰਡ ਜੈਂਡਰ ਨੂੰ ਪਹਿਚਾਣ ਦੇਣ ਵਾਲਾ ਦੁਨੀਆ ਦੇ ਪਹਿਲੇ ਦੇਸ਼ਾਂ ਵਿਚੋਂ ਇੱਕ ਬਣ ਗਿਆ ਹੈ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਟਰਾਂਸਜੈਂਡਰਾਂ ਨਾਲ ਕੀਤੇ ਇਸ ਦੁਰਵਿਹਾਰ ਤੋਂ ਬਾਅਦ ਚੋਣਾਂ ਵਿਚ ਇਨ੍ਹਾਂ ਸੀਟਾਂ ਤੇ ਕੌਣ ਕਾਬਜ਼ ਹੁੰਦਾ ਹੈ।