ਦੇਸ਼ ਦੇ ਨਵੇਂ ਖੇਤਰਾਂ ਵਿਚ ਫੈਲਿਆ ਕੋਰੋਨਾ ਵਾਇਰਸ
Published : Aug 5, 2020, 11:33 am IST
Updated : Aug 5, 2020, 11:33 am IST
SHARE ARTICLE
Covid 19
Covid 19

ਇਕ ਦਿਨ ਵਿਚ 52050 ਨਵੇਂ ਮਾਮਲੇ, 803 ਮੌਤਾਂ

ਨਵੀਂ ਦਿੱਲੀ, 4 ਅਗੱਸਤ : ਦੇਸ਼ ਵਿਚ ਕੋਰੋਨਾ ਵਾਇਰਸ ਲਾਗ ਦੇ 52050 ਨਵੇਂ ਮਰੀਜ਼ ਸਾਹਮਣੇ ਆਉਣ ਮਗਰੋਂ ਕੁਲ ਪੀੜਤਾਂ ਦੀ ਗਿਣਤੀ 1855745 ਹੋ ਗਈ। ਇਸ ਦੇ ਨਾਲ ਹੀ ਮੰਗਲਵਾਰ ਤਕ 12 ਲੱਖ ਤੋਂ ਵੱਧ ਲੋਕ ਸਿਹਤਯਾਬ ਹੋ ਚੁਕੇ ਹਨ। ਸਿਹਤ ਮੰਤਰਾਲੇ ਨੇ ਕਿਹਾ ਹੈ ਕਿ ਦੇਸ਼ ਵਿਚ ਨਵੇਂ ਖੇਤਰਾਂ ਵਿਚ ਕੋਰੋਨਾ ਵਾਇਰਸ ਲਾਗ ਫੈਲੀ ਹੈ ਪਰ ਭਾਰਤ ਵਿਚ ਲਾਗ ਦੇ ਕੁਲ ਮਾਮਲਿਆਂ ਵਿਚ 82 ਫ਼ੀ ਸਦੀ ਸਿਰਫ਼ 10 ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਤਕ ਸੀਮਤ ਹਨ। ਕੇਂਦਰੀ ਸਿਹਤ ਸਕੱਤਰ ਰਾਜੇਸ਼ ਭੂਸ਼ਣ ਨੇ ਕਿਹਾ ਕਿ ਦੇਸ਼ ਦੇ ਕੁਲ ਮਾਮਲਿਆਂ ਦੇ 66 ਫ਼ੀ ਸਦੀ ਸਿਰਫ਼ 50 ਜ਼ਿਲ੍ਹਿਆਂ ਵਿਚ ਹਨ ਅਤੇ ਕੋਵਿਡ-19 ਨਾਲ ਮੌਤ ਦਰ ਤੇਜ਼ੀ ਨਾਲ ਘਟ ਕੇ 2.10 ਫ਼ੀ ਸਦੀ ਰਹਿ ਗਈ ਹੈ। ਇਹ ਦਰ 25 ਮਾਰਚ ਨੂੰ ਲਾਗੂ ਤਾਲਾਬੰਦੀ ਮਗਰੋਂ ਪਹਿਲੀ ਵਾਰ ਏਨੀ ਘੱਟ ਹੈ।

ਉਨ੍ਹਾਂ ਕਿਹਾ, 'ਕੋਰੋਨਾ ਵਾਇਰਸ ਨਵੇਂ ਖੇਤਰਾਂ ਵਿਚ ਫੈਲ ਗਿਆ ਹੈ ਪਰ ਕੁਲ ਮਾਮਲਿਆਂ ਦੇ 82 ਫ਼ੀ ਸਦੀ ਹੁਣ ਵੀ ਦੇਸ਼ ਦੇ 10 ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਵਿਚ ਸੀਮਤ ਹਨ ਜਿਥੇ ਅੱਜ 50 ਜ਼ਿਲ੍ਹਿਆਂ ਵਿਚ ਕੁਲ ਮਾਮਲਿਆਂ ਦੇ 66 ਫ਼ੀ ਸਦੀ ਮਾਮਲੇ ਹਨ।' ਉਨ੍ਹਾਂ ਦਸਿਆ ਕਿ ਦੇਸ਼ ਵਿਚ ਕੋਵਿਡ-19 ਨਾਲ ਮੌਤ ਦੇ ਲਗਭਗ 68 ਫ਼ੀ ਸਦੀ ਮਾਮਲੇ ਪੁਰਸ਼ਾਂ ਦੇ ਹਨ ਅਤੇ 32 ਫ਼ੀ ਸਦੀ ਮਹਿਲਾ ਪੀੜਤਾਂ ਵਿਚ ਆਏ ਹਨ। 50 ਫ਼ੀ ਸਦੀ ਮਾਮਲੇ 60 ਸਾਲਾ ਜਾਂ ਜ਼ਿਆਦਾ ਉਮਰ ਵਾਲੇ ਰੋਗੀਆਂ ਨਾਲ ਜੁੜੇ ਹਨ।  ਮੰਗਲਵਾਰ ਸਵੇਰੇ ਸਾਂਝੇ ਕੀਤੇ ਗਏ ਅੰਕੜਿਆਂ ਮੁਤਾਬਕ ਪਿਛਲੇ 24 ਘੰਟਿਆਂ ਵਿਚ ਬੀਮਾਰੀ ਨਾਲ 803 ਮਰੀਜ਼ਾਂ ਦੀ ਮੌਤ ਹੋ ਗਈ ਜਿਸ ਨਾਲ ਮ੍ਰਿਤਕਾਂ ਦਾ ਅੰਕੜਾ ਵੱਧ ਕੇ 38938 ਹੋ ਗਿਆ।

File PhotoFile Photo

ਵਿਗਿਆਨੀ ਅਤੇ ਆਈਸੀਐਮਆਰ ਦੇ ਮੀਡੀਆ ਕੁਆਰਡੀਨੇਟਰ ਡਾ. ਲੋਕੇਸ਼ ਸ਼ਰਮਾ ਨੇ ਦਸਿਆ ਕਿ ਦੋ ਅਗੱਸਤ ਤਕ 20864750 ਨਮੂਨਿਆਂ ਦੀ ਜਾਂਚ ਕੀਤੀ ਗਈ ਜਿਨ੍ਹਾਂ ਵਿਚੋਂ 661892 ਨਮੂਨਿਆਂ ਦੀ ਜਾਂਚ ਸੋਮਵਾਰ ਨੂੰ ਕੀਤੀ ਗਈ। ਇਕ ਦਿਨ ਵਿਚ ਹੁਣ ਤਕ ਦੇ ਟੈਸਟਾਂ ਦੀ ਇਹ ਸੱਭ ਤੋਂ ਵੱਧ ਗਿਣਤੀ ਹੈ। ਸ਼ਰਮਾ ਨੇ ਕਿਹਾ, 'ਜੁਲਾਈ ਵਿਚ ਪ੍ਰਤੀ ਦਿਨ ਔਸਤਨ 339744 ਟੈਸਟਾਂ ਨਾਲ ਮਹੀਨੇ ਭਰ ਵਿਚ 10532074 ਟੈਸਟ ਕੀਤੇ ਗਏ ਜੋ ਹੁਣ ਤਕ ਇਕ ਮਹੀਨੇ ਵਿਚ ਹੋਏ ਟੈਸਟਾਂ ਦੇ ਹਿਸਾਬ ਨਾਲ ਸੱਭ ਤੋਂ ਵੱਧ ਹੈ।'  ਦੇਸ਼ ਵਿਚ ਸਰਕਾਰੀ ਖੇਤਰ ਵਿਚ 917 ਅਤੇ ਨਿਜੀ ਖੇਤਰ ਵਿਚ 439 ਟੈਸਟ ਲੈਬਾਂ ਹਨ ਜਿਥੇ ਕੋਰੋਨਾ ਵਾਇਰਸ ਦੀ ਜਾਂਚ ਹੋ ਰਹੀ ਹੈ। 

ਮੌਤ ਦਰ ਤੇਜ਼ੀ ਨਾਲ ਘਟ ਕੇ 2.10 ਫ਼ੀ ਸਦੀ ਰਹੀ : ਸਿਹਤ ਮੰਤਰਾਲਾ- ਦੇਸ਼ ਵਿਚ ਹੁਣ ਤਕ 1230509 ਲੋਕ ਸਿਹਤਯਾਬ ਹੋ ਚੁਕੇ ਹਨ ਅਤੇ 586298 ਮਰੀਜ਼ਾਂ ਦਾ ਇਲਾਜ ਚੱਲ ਰਿਹਾ ਹੈ। ਸਿਹਤ ਮੰਤਰਾਲੇ ਨੇ ਦਸਿਆ ਕਿ ਅੰਕੜਿਆਂ ਮੁਤਾਬਕ ਮਰੀਜ਼ਾਂ ਦੇ ਸਿਹਤਯਾਬ ਹੋਣ ਦੀ ਦਰ ਵੱਧ ਕੇ 66.31 ਫ਼ੀ ਸਦੀ ਹੋ ਗਈ ਜਦਕਿ ਮੌਤ ਦਰ ਵਿਚ ਕਮੀ ਆਈ ਹੈ ਅਤੇ ਇਹ 2.10 ਫ਼ੀ ਸਦੀ ਹੈ। ਕੁਲ ਪੀੜਤਾਂ ਵਿਚ ਵਿਦੇਸ਼ੀ ਵੀ ਸ਼ਾਮਲ ਹਨ। ਮੰਗਲਵਾਰ ਲਗਾਤਾਰ ਛੇਵਾਂ ਦਿਨ ਹੈ ਜਦ ਲਾਗ ਦੇ ਮਾਮਲੇ 50 ਹਜ਼ਾਰ ਤੋਂ ਵੱਧ ਆਏ ਹਨ।

Location: India, Delhi, New Delhi

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

"100 ਰੁਪਏ ਲੁੱਟ ਕੇ 2 ਰੁਪਏ ਦੇ ਕੇ ਆਖੇ ਮੈਂ ਵੱਡਾ ਦਾਨੀ, Sukhbir Badal ਨੂੰ ਸਿੱਧੇ ਹੋਏ Gurdeep Brar | SGPC

13 Sep 2025 1:07 PM

Hoshiarpur Child Muder Case : ਆਹ ਪਿੰਡ ਨਹੀਂ ਰਹਿਣ ਦਵੇਗਾ ਇੱਕ ਵੀ ਪਰਵਾਸੀ, ਜੇ ਰਹਿਣਾ ਪਿੰਡ 'ਚ ਤਾਂ ਸੁਣ ਲਓ ਕੀ.

13 Sep 2025 1:06 PM

ਕਿਸ਼ਤਾਂ 'ਤੇ ਲਿਆ New Phone, ਘਰ ਲਿਜਾਣ ਸਾਰ ਥਾਣੇ 'ਚੋਂ ਆ ਗਈ ਕਾਲ,Video ਦੇਖ ਕੇ ਤੁਹਾਡੇ ਵੀ ਉੱਡ ਜਾਣਗੇ ਹੋਸ਼

12 Sep 2025 3:27 PM

5 year old child killed in hoshiarpur : ਪ੍ਰਵਾਸੀ ਨੇ ਕਿਉਂ ਮਾਰਿਆ ਮਾਸੂਮ ਬੱਚਾ?hoshiarpur Child Muder Case

12 Sep 2025 3:26 PM

Manjinder lalpura usma kand : ਦੇਖੋ ਇਸ ਕੁੜੀ ਨਾਲ MLA lalpura ਨੇ ਕੀ ਕੀਤਾ ਸੀ ! ਕੈਮਰੇ ਸਾਹਮਣੇ ਦੱਸੀ ਗੱਲ

12 Sep 2025 3:26 PM
Advertisement