ਰੱਖਿਆ ਮੰਤਰਾਲੇ ਦੁਆਰਾ ਦਿੱਤੀ ਗਈ ਜਾਣਕਾਰੀ ਦੇ ਅਨੁਸਾਰ, ਇਸ ਵਾਰ ਸੰਗੀਤਕ ਪ੍ਰਦਰਸ਼ਨ ਦੇ ਕੇ ਦੇਸ਼ ਭਰ ਦੀਆਂ ਫੌਜਾਂ ਦਾ ਧੰਨਵਾਦ ਕੀਤਾ ਜਾਵੇਗਾ।
ਨਵੀਂ ਦਿੱਲੀ- ਕੋਰੋਨਾ ਵਾਇਰਸ ਦੇਸ਼ ਅਤੇ ਵਿਸ਼ਵ ਵਿਚ ਤਬਾਹੀ ਮਚਾ ਰਿਹਾ ਹੈ। ਕੋਰੋਨਾ ਵਾਇਰਸ ਦੇ ਮਾਮਲੇ ਭਾਰਤ ਵਿਚ ਹੁਣ ਤੱਕ 19 ਲੱਖ ਨੂੰ ਪਾਰ ਕਰ ਚੁੱਕੇ ਹਨ। ਇਸ ਵਿਚਕਾਰ 15 ਅਗਸਤ ਅਜ਼ਾਦੀ ਦਿਹਾੜਾ ਵੀ ਨੇੜੇ ਆ ਰਿਹਾ ਹੈ। ਅਜਿਹੀ ਸਥਿਤੀ ਵਿਚ 15 ਅਗਸਤ ਨੂੰ ਸੁਤੰਤਰਤਾ ਦਿਵਸ ਸਮਾਰੋਹ ਨੂੰ ਥੋੜ੍ਹਾ ਵੱਖਰੇ ਢੰਗ ਨਾਲ ਮਨਾਇਆ ਜਾਵੇਗਾ।
File Photo
ਕੋਰੋਨਾ ਕਾਰਨ ਰਾਸ਼ਟਰਪਤੀ ਭਵਨ 90 ਮਹਿਮਾਨਾਂ ਨੂੰ ਸੁਤੰਤਰਤਾ ਦਿਵਸ ਦੇ ਦਿਹਾੜੇ 'ਤੇ ਬੁਲਾਉਣ ਦਾ ਵਿਚਾਰ ਕਰ ਰਿਹਾ ਹੈ। ਇਸ ਵਾਰ ਵੀ ਸੈਨਾਵਾਂ ਲਈ ਸੰਗੀਤਕ ਪ੍ਰਦਰਸ਼ਨ ਦਾ ਆਯੋਜਨ ਕੀਤਾ ਜਾਵੇਗਾ। ਰੱਖਿਆ ਮੰਤਰਾਲੇ ਦੁਆਰਾ ਦਿੱਤੀ ਗਈ ਜਾਣਕਾਰੀ ਦੇ ਅਨੁਸਾਰ, ਇਸ ਵਾਰ ਸੰਗੀਤਕ ਪ੍ਰਦਰਸ਼ਨ ਦੇ ਕੇ ਦੇਸ਼ ਭਰ ਦੀਆਂ ਫੌਜਾਂ ਦਾ ਧੰਨਵਾਦ ਕੀਤਾ ਜਾਵੇਗਾ। ਰੱਖਿਆ ਮੰਤਰਾਲੇ ਦੇ ਅਨੁਸਾਰ ਇਸ ਵਾਰ ਸੈਨਾ, ਹਵਾਈ ਸੈਨਾ ਅਤੇ ਜਲ ਸੈਨਾ ਦੇ ਬੈਂਡ ਸੰਗੀਤ ਦੀ ਪੇਸ਼ਕਾਰੀ ਦੇਣਗੇ।
File Photo
ਇਹ ਪ੍ਰਦਰਸ਼ਨ ਕੋਰੋਨਾ ਯੋਧਿਆਂ ਪ੍ਰਤੀ ਦੇਸ਼ ਦੀ ਸ਼ੁਕਰਗੁਜ਼ਾਰੀ ਅਤੇ ਪ੍ਰਸ਼ੰਸਾ ਦੇ ਰੂਪ ਵਿਚ ਕੀਤੇ ਜਾਣਗੇ। ਆਰਮੀ ਬੈਂਡ 7 ਅਗਸਤ ਨੂੰ ਸ੍ਰੀਨਗਰ ਅਤੇ ਕੋਲਕਾਤਾ ਵਿਚ ਪ੍ਰਦਰਸ਼ਨ ਕਰਨਗੇ। ਤਿੰਨਾਂ ਸੈਨਾਵਾਂ ਦੇ ਬੈਂਡ ਦਿੱਲੀ ਵਿਚ ਤਿੰਨ ਪ੍ਰਦਰਸ਼ਨ ਕਰਨਗੇ। ਇਕ ਲਾਲ ਕਿਲ੍ਹੇ 'ਤੇ, ਇਕ ਰਾਜਪਥ ਵਿਖੇ ਅਤੇ ਇਕ ਇੰਡੀਆ ਗੇਟ' ਤੇ ਇਹ ਪ੍ਰਦਰਸ਼ਨ ਕ੍ਰਮਵਾਰ 8, 9 ਅਤੇ 12 ਅਗਸਤ ਨੂੰ ਹੋਣਗੇ।
Independence Day
8 ਅਗਸਤ ਨੂੰ ਫੌਜੀ ਅਤੇ ਪੁਲਿਸ ਬੈਂਡ ਮੁੰਬਈ, ਅਹਿਮਦਾਬਾਦ, ਸ਼ਿਮਲਾ ਅਤੇ ਅਲਮੋੜਾ ਵਿਚ ਪ੍ਰਦਰਸ਼ਨ ਕਰਨਗੇ। 9 ਅਗਸਤ ਨੂੰ ਚੇਨਈ, ਨਸੀਰਾਬਾਦ, ਅੰਡੇਮਾਨ ਅਤੇ ਨਿਕੋਬਾਰ ਕਮਾਂਡ ਫਲੈਗ ਪੁਆਇੰਟ ਅਤੇ ਡਾਂਡੀ ਵਿਖੇ ਪ੍ਰਦਰਸ਼ਨ ਕਰਨਗੇ। 9 ਅਗਸਤ ਨੂੰ ਇੰਫਾਲ, ਭੋਪਾਲ ਅਤੇ ਝਾਂਸੀ ਵਿਚ ਪ੍ਰਦਰਸ਼ਨ ਕੀਤਾ ਜਾਵੇਗਾ।
