ਕੈਲਾਸ਼ ਮਾਨਸਰੋਵਰ ਯਾਤਰਾ 'ਤੇ ਗਏ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਅਪਣੀ ਯਾਤਰਾ ਦੇ ਰੂਹਾਨੀ ਤਜ਼ਰਬਿਆਂ ਨੂੰ ਸਾਂਝਾ ਕੀਤਾ ਹੈ। ਰਾਹੁਲ ਨੇ ਕਿਹਾ ਕਿ ਕੋਈ ਵਿਅਕਤੀ...
ਨਵੀਂ ਦਿੱਲੀ : ਕੈਲਾਸ਼ ਮਾਨਸਰੋਵਰ ਯਾਤਰਾ 'ਤੇ ਗਏ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਅਪਣੀ ਯਾਤਰਾ ਦੇ ਰੂਹਾਨੀ ਤਜ਼ਰਬਿਆਂ ਨੂੰ ਸਾਂਝਾ ਕੀਤਾ ਹੈ। ਰਾਹੁਲ ਨੇ ਕਿਹਾ ਕਿ ਕੋਈ ਵਿਅਕਤੀ ਉਦੋਂ ਕੈਲਾਸ਼ ਜਾਂਦਾ ਹੈ, ਜਦੋਂ ਉਹ ਉਸ ਨੂੰ ਬੁਲਾਉਂਦਾ ਹੈ। ਉਹ ਇਹ ਖੁਸ਼ਕਿਸਮਤੀ ਪਾ ਕੇ ਖੁਸ਼ ਹਨ। ਮਾਨਸਰੋਵਰ ਝੀਲ ਦੀ ਸੁੰਦਰਤਾ ਨੂੰ ਦੱਸਦੇ ਹੋਏ ਕਾਂਗਰਸ ਪ੍ਰਧਾਨ ਨੇ ਇਸ਼ਾਰਿਆਂ ਵਿਚ ਸਰਕਾਰ ਨੂੰ ਵੀ ਨਸੀਹਤ ਦਿਤੀ। ਰਾਹੁਲ ਨੇ ਲਿਖਿਆ ਕਿ ਮਾਨਸਰੋਵਰ ਝੀਲ ਦਾ ਪਾਣੀ ਬੇਹੱਦ ਸ਼ਾਂਤ, ਸਥਿਰ ਅਤੇ ਕੋਮਲ ਹੈ।
The waters of lake Mansarovar are so gentle, tranquil and calm. They give everything and lose nothing. Anyone can drink from them. There is no hatred here. This is why we worship these waters in India.#KailashYatra pic.twitter.com/x6sDEY5mjX
— Rahul Gandhi (@RahulGandhi) 5 September 2018
ਇਹ ਝੀਲ ਸੱਭ ਕੁੱਝ ਦਿੰਦੀ ਹੈ ਅਤੇ ਕੁੱਝ ਨਹੀਂ ਲੈਂਦੀ। ਇਸ ਨੂੰ ਕੋਈ ਵੀ ਕਬੂਲ ਕਰ ਸਕਦਾ ਹੈ। ਇਥੇ ਕੋਈ ਨਫ਼ਰਤ ਨਹੀਂ ਹੈ। ਇਸ ਲਈ ਭਾਰਤ ਵਿਚ ਇਸ ਪਾਣੀ ਨੂੰ ਪੂਜਿਆ ਜਾਂਦਾ ਹੈ। ਰਾਹੁਲ ਨੇ ਅਪਣੀ ਕੈਲਾਸ਼ ਯਾਤਰਾ 'ਤੇ ਲਿਖਿਆ ਕਿ ਇਹ ਖੁਸ਼ਕਿਸਮਤੀ ਉਸੀ ਨੂੰ ਮਿਲਦੀ ਹੈ, ਜਿਸ ਨੂੰ ਕੈਲਾਸ਼ ਬੁਲਾਉਂਦੇ ਹਨ ਅਤੇ ਇਸ ਬੇਹੱਦ ਖੂਬਸੂਰਤ ਯਾਤਰਾ ਦੇ ਦੌਰਾਨ ਮੈਂ ਕੀ ਦੇਖਿਆ, ਉਹ ਤੁਹਾਡੇ ਨਾਲ ਸਾਂਝਾ ਕਰਾਂਗਾ। ਦੱਸ ਦਈਏ ਕਿ ਰਾਹੁਲ ਦੀ ਕੈਲਾਸ਼ ਯਾਤਰਾ 'ਤੇ ਬੀਜੇਪੀ ਅਤੇ ਕਾਂਗਰਸ ਵਿਚ ਘਮਾਸਾਨ ਮਚਿਆ ਹੈ।
Rahul Gandhi
ਬੀਜੇਪੀ ਇਸ ਨੂੰ ਪਖੰਡ ਕਰਾਰ ਦੇ ਰਹੀ ਹੈ, ਤਾਂ ਕਾਂਗਰਸ ਉਸ ਨੂੰ ਇਕ ਸ਼ਿਵਭਕਤ ਅਤੇ ਉਸ ਦੀ ਭਗਤੀ ਵਿਚ ਰੁਕਾਵਟ ਦੱਸ ਰਹੀ ਹੈ। ਇਸ ਦੇ ਨਾਲ ਹੀ ਰਾਹੁਲ ਗਾਂਧੀ ਦੀ ਇਸ ਯਾਤਰਾ ਨੂੰ ਲੈ ਕੇ ਵਿਵਾਦ ਵੀ ਖਡ਼੍ਹਾ ਹੋ ਗਿਆ ਸੀ, ਜਿਸ ਵਿਚ ਕਿਹਾ ਗਿਆ ਸੀ ਕਿ ਯਾਤਰਾ ਦੇ ਦੌਰਾਨ ਰਾਹੁਲ ਨੇ ਮਾਸਾਹਾਰੀ ਭੋਜਨ ਕੀਤਾ ਸੀ। ਹਾਲਾਂਕਿ ਕੁੱਝ ਦੇਰ ਬਾਅਦ ਕਾਠਮੰਡੂ ਦੇ ਰੇਸਤਰਾਂ ਨੇ ਸਫਾਈ ਦਿਤੀ ਕਿ ਰਾਹੁਲ ਨੇ ਸਿਰਫ ਸ਼ਾਕਾਹਾਰੀ ਭੋਜਨ ਹੀ ਕੀਤਾ ਹੈ। 31 ਅਗਸਤ ਤੋਂ ਬਾਅਦ ਇਹ ਰਾਹੁਲ ਗਾਂਧੀ ਦੀ ਪਹਿਲੀ ਟਵਿਟਰ ਪੋਸਟ ਹੈ।
A man goes to Kailash when it calls him. I am so happy to have this opportunity and to be able to share what I see on this beautiful journey with all of you.#KailashYatra
— Rahul Gandhi (@RahulGandhi) 5 September 2018
31 ਅਗਸਤ ਨੂੰ ਰਾਹੁਲ ਗਾਂਧੀ ਨੇ ਸੰਸਕ੍ਰਿਤ ਸ਼ਲੋਕ ਨਾਲ ਕੈਲਾਸ਼ ਪਹਾੜ ਦੀ ਤਸਵੀਰ ਪੋਸਟ ਕੀਤੀ ਸੀ। ਕਾਂਗਰਸ ਪ੍ਰਧਾਨ ਦੀ ਯਾਤਰਾ ਤੋਂ ਪਹਿਲਾਂ ਪਾਰਟੀ ਦੇ ਬੁਲਾਰੇ ਰਣਦੀਪ ਸੁਰਜੇਵਾਲਾ ਨੇ ਕਿਹਾ ਸੀ ਕਿ ਸ਼ਿਵ ਭਗਤ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਕੈਲਾਸ਼ ਮਾਨਸਰੋਵਰ ਯਾਤਰਾ ਲਈ ਨਿਕਲ ਚੁੱਕੇ ਹਨ। ਉਹ ਕੈਲਾਸ਼ ਪਹਾੜ ਦੀ ਪਰਿਕਰਮਾ ਕਰਣਗੇ। ਇਸ ਯਾਤਰਾ ਵਿਚ 12 - 15 ਦਿਨ ਦਾ ਸਮਾਂ ਲੱਗੇਗਾ, ਪਰ ਸੁਰੱਖਿਆ ਕਾਰਨਾਂ ਤੋਂ ਉਨ੍ਹਾਂ ਦੇ ਰੂਟ ਦੀ ਜਾਣਕਾਰੀ ਨਹੀਂ ਦਿਤੀ ਜਾ ਸਕਦੀ ਹੈ।
