ਔਰਤ ਮੁਜ਼ੱਫਰਪੁਰ ਦੀ ਵਸਨੀਕ ਹੈ। ਉਸ ਦੇ ਬੇਟੇ ਨੂੰ ਸਾਹ ਲੈਣ ਵਿਚ ਮੁਸ਼ਕਲ ਆ ਰਹੀ ਸੀ
ਬਿਹਾਰ - ਬਿਹਾਰ ਦੀ ਰਾਜਧਾਨੀ ਪਟਨਾ ਦੇ ਵੱਕਾਰੀ ਪਟਨਾ ਮੈਡੀਕਲ ਕਾਲਜ ਹਸਪਤਾਲ (ਪੀਐਮਸੀਐਚ) ਵਿਚ ਮਰੀਜ਼ਾਂ ਦੀ ਦੁਰਦਸ਼ਾ ਨਾਲ ਜੁੜਿਆ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਇਆ ਹੈ। ਇਸ ਵਾਇਰਲ ਵੀਡੀਓ ਵਿਚ ਇਹ ਦੇਖਿਆ ਗਿਆ ਹੈ ਕਿ ਇਕ ਮਾਂ ਆਪਣੇ ਬੱਚੇ ਨੂੰ ਗੋਦ ਵਿਚ ਲੈਣ ਦੇ ਨਾਲ-ਨਾਲ ਆਕਸੀਜਨ ਸਿਲੰਡਰ ਵੀ ਨਾਲ ਲੈ ਕੇ ਚੱਲ ਰਹੀ ਹੈ। ਮਾਂ ਦਾ ਕਹਿਣਾ ਹੈ ਕਿ ਬਿਮਾਰ ਬੱਚੇ ਨੂੰ ਵਾਰਡ ਅੰਦਰ ਲਿਜਾਣ ਲਈ ਹਸਪਤਾਲ ਤੋਂ ਸਟ੍ਰੈਚਰਰ ਤੱਕ ਨਹੀਂ ਮਿਲਿਆ।
#PMCH में ऐसे हो रहा इलाज: गोद में बच्चे को लेकर ऑक्सीजन सिलेंडर के साथ एक्स-रे के लिए दौड़ती रही मां, नहीं मिला स्ट्रेचरhttps://t.co/4BEWskuVqi
— Dainik Bhaskar (@DainikBhaskar) April 4, 2021
#Bihar @NitishKumar pic.twitter.com/fesPRb8dvJ
ਘਟਨਾ ਦੇ ਬਾਰੇ ਵਿਚ ਮਿਲੀ ਜਾਣਕਾਰੀ ਅਨੁਸਾਰ ਇਹ ਔਰਤ ਮੁਜ਼ੱਫਰਪੁਰ ਦੀ ਵਸਨੀਕ ਹੈ। ਉਸ ਦੇ ਬੇਟੇ ਨੂੰ ਸਾਹ ਲੈਣ ਵਿਚ ਮੁਸ਼ਕਲ ਆ ਰਹੀ ਸੀ ਅਤੇ ਉਹ ਉਸਦਾ ਇਲਾਜ ਕਰਵਾਉਣ ਲਈ ਪੀਐਮਸੀਐਚ ਗਈ ਸੀ। ਬੱਚੇ ਦਾ ਇਲਾਜ ਪੀਐੱਮਸੀਐੱਚ ਦੇ ਸ਼ਿਸ਼ੂ ਰੋਗ ਵਿਭਾਗ ਵਿਚ ਚੱਲ ਰਿਹਾ ਸੀ ਅਤੇ ਉਸ ਨੂੰ ਆਕਸੀਜਨ ਸਿਲੰਡਰ ਵੀ ਲੱਗਾ ਹੋਇਆ ਸੀ।
ਡਾਕਟਰਾਂ ਨੇ ਔਰਤ ਨੂੰ ਸਲਾਹ ਦਿੱਤੀ ਕਿ ਉਹ ਆਪਣੇ ਬੱਚੇ ਦਾ ਛਾਤੀ ਦਾ ਐਕਸਰਾ ਕਰਵਾ ਲੈਣ। ਇਸ ਤੋਂ ਬਾਅਦ ਜਦੋਂ ਮਾਂ ਬੱਚੇ ਨੂੰ ਐਕਸਰਾ ਕਰਵਾਉਣ ਲਈ ਲੈ ਕੇ ਜਾਣ ਲੱਗੀ ਤਾਂ ਹੈਰਾਨ ਹੋ ਗਈ ਕਿਉਂਕਿ ਬੱਚੇ ਨੂੰ ਐਕਸਰਾ ਸੈਂਟਰ ਵਿਚ ਲੈਣ ਕੇ ਜਾਣ ਲਈ ਕੋਈ ਵੀ ਸੁਵਿਧਾ ਨਹੀਂ ਮਿਲੀ। ਜਦੋਂ ਬੱਚੇ ਨੂੰ ਐਕਸਰਾ ਸੈਂਟਰ ਤੱਕ ਲਿਜਾਣ ਲਈ ਕੋਈ ਸੁਵਿਧਾ ਨਹੀਂ ਮਿਲੀ ਤਾਂ ਮਾਂ ਨੇ ਬੱਚੇ ਨੂੰ ਆਪਣੀ ਗੋਦ ਵਿਚ ਹੀ ਚੁੱਕ ਲਿਆ ਅਤੇ ਆਕਸੀਜਨ ਸਿਲੰਡਰ ਵੀ ਨਾਲ ਹੀ ਲੱਗਾ ਹੋਇਆ ਸੀ।
ਇਸ ਤੋਂ ਬਾਅਦ ਇਹ ਵੀਡੀਓ ਵਾਇਰਲ ਹੋ ਗਈ ਜਿਸ ਵਿਚ ਔਰਤ ਨੂੰ ਬੱਚੇ ਨੂੰ ਗੋਦ ਵਿਚ ਚੁੱਕ ਕੇ ਚੱਲਦਿਆਂ ਸਾਫ਼ ਦੇਖਿਆ ਜਾ ਸਕਦਾ ਹੈ। ਵੀਡੀਓ ਵਿਚ ਇਕ ਆਦਮੀ ਅੱਗੇ ਅੱਗੇ ਸਿਲੰਡਰ ਨੂੰ ਲੈ ਕੇ ਜਾ ਰਿਹਾ ਸੀ ਜਿਸ ਦੀ ਪਾਈਪ ਬੱਚੇ ਦੇ ਮੂੰਹ ਵਿਚ ਲੱਗੀ ਹੋਈ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਔਰਤ ਆਪਣੇ ਬੱਚੇ ਨੂੰ ਲੈ ਕੇ ਇਕੱਲੀ ਹੀ ਆਈ ਸੀ ਜਦੋਂ ਕੋਈ ਸਾਧਨ ਨਾਲ ਮਿਲਿਆ ਅਤੇ ਔਰਤ ਇਕੱਲੀ ਹੋਣ ਕਰ ਕੇ ਉਸ ਨੇ ਬੇਨਤੀ ਕੀਤੀ ਤਾਂ ਹਸਪਤਾਲ ਦੇ ਸਿਹਤ ਕਰਮਚਾਰੀ ਨੇ ਸਿਲੰਡਰ ਫੜਿਆ ਅਤੇ ਔਰਤ ਬੱਚੇ ਨੂੰ ਲੈ ਕੇ ਧੁੱਪ ਵਿਚ ਹੀ ਚੱਲਣ ਗੱਲ ਪਈ। ਇਸ ਘਟਨਾ ਤੋਂ ਬਾਅਦ ਇਹ ਵੀਡੀਓ ਕਾਫ਼ੀ ਵਾਇਰਲ ਹੋ ਰਹੀ ਹੈ।