ਕਰਨਾਟਕ ਵਿਚ 15 ਦਿਨ ਪੁਰਾਣੇ ਐਚ ਡੀ ਕੁਮਾਰਸਵਾਮੀ ਮੰਤਰੀ ਮੰਡਲ ਦਾ ਵਿਸਤਾਰ ਕਰਦੇ ਹੋਏ ਬੁੱਧਵਾਰ ਨੂੰ 25 ਮੰਤਰੀਆਂ ਨੂੰ ਸ਼ਾਮਲ ਕੀਤਾ
ਬੰਗਲੁਰੂ : ਕਰਨਾਟਕ ਵਿਚ 15 ਦਿਨ ਪੁਰਾਣੇ ਐਚ ਡੀ ਕੁਮਾਰਸਵਾਮੀ ਮੰਤਰੀ ਮੰਡਲ ਦਾ ਵਿਸਤਾਰ ਕਰਦੇ ਹੋਏ ਬੁੱਧਵਾਰ ਨੂੰ 25 ਮੰਤਰੀਆਂ ਨੂੰ ਸ਼ਾਮਲ ਕੀਤਾ 14 ਮੰਤਰੀ ਕਾਂਗਰਸ ਦੇ, 9 ਮੰਤਰੀ ਸਹਿਯੋਗੀ ਦਲ ਜੇਡੀਐਸ ਤੋਂ ਅਤੇ ਇਕ-ਇਕ ਮੰਤਰੀ ਬਸਪਾ ਅਤੇ ਕੇਪੀਜੇਪੀ ਤੋਂ ਹਨ। ਰਾਜਪਾਲ ਵਜੂਭਾਈ ਵਾਲਾ ਨੇ ਰਾਜਭਵਨ ਵਿਚ ਨਵੇਂ ਮੰਤਰੀਆਂ ਨੂੰ ਅਹੁਦੇ ਅਤੇ ਗੁਪਤਤਾ ਦੀ ਸਹੁੰ ਦਿਵਾਈ।
karnataka cm kumaraswamy and cabinet ministersਸਾਬਕਾ ਪ੍ਰਧਾਨ ਮੰਤਰੀ ਅਤੇ ਜੇਡੀਐਸ ਸੁਪਰੀਮੋ ਐਚ ਡੀ ਦੇਵਗੌੜਾ ਦੇ ਬੇਟੇ ਐਚ ਡੀ ਰੇਵੰਨਾ ਅਤੇ ਕਾਂਗਰਸ ਨੇਤਾ ਡੀ ਕੇ ਸ਼ਿਵ ਕੁਮਾਰ ਸਹੁੰ ਲੈਣ ਵਾਲੇ ਮੰਤਰੀਆਂ ਵਿਚ ਸ਼ਾਮਲ ਹਨ। ਜੇਡੀਐਸ ਦੇ ਜੀ ਟੀ ਦੇਵਗੌੜਾ ਨੂੰ ਵੀ ਮੰਤਰੀ ਮੰਡਲ ਵਿਚ ਸ਼ਾਮਲ ਕੀਤਾ ਗਿਆ ਹੈ। ਜਿਨ੍ਹਾਂ ਨੇ ਸਾਬਕਾ ਮੁੱਖ ਮੰਤਰੀ ਸਿਧਰਮਈਆ ਨੂੰ ਮੈਸੂਰ ਦੇ ਚਾਮੁੰਡੇਸ਼ਵਰੀ ਸੀਟ ਤੋਂ ਹਰਾਇਆ ਸੀ।
karnataka cm kumaraswamy and cabinet ministersਕਾਂਗਰਸ ਦੀ ਵਿਧਾਇਕਾ ਜੈਮਾਲਾ ਇਕੋ ਇਕ ਮਹਿਲਾ ਮੰਤਰੀ ਹਨ। ਵਿਭਾਗਾਂ ਦੇ ਬਟਵਾਰੇ ਦੇ ਸਮਝੌਤੇ ਤਹਿਤ ਕਾਂਗਰਸ ਦੇ 22 ਅਤੇ ਜੇਡੀਐਸ ਦੇ 12 ਮੰਤਰੀ ਹੋਣਗੇ।
karnataka cm kumaraswamy and cabinet ministersਅੱਜ ਦੇ ਵਿਸਤਾਰ ਦੇ ਨਾਲ ਮੰਤਰੀ ਮੰਡਲ ਵਿਚ ਮੈਂਬਰਾਂ ਦੀ ਗਿਣਤੀ 27 ਹੋ ਗਈ ਹੈ ਅਤੇ ਸੱਤ ਅਹੁਦੇ ਅਜੇ ਵੀ ਖ਼ਾਲੀ ਹਨ। ਕੁਮਾਰਸਵਾਮੀ ਨੇ ਮੁੱਖ ਮੰਤਰੀ ਅਤੇ ਕਾਂਗਰਸ ਦੇ ਜੀ ਪਰਮੇਸ਼ਵਰ ਨੇ ਉਪ ਮੁੱਖ ਮੰਤਰੀ ਦੇ ਰੁਪ ਵਿਚ 23 ਮਈ ਨੂੰ ਸਹੁੰ ਲਈ ਸੀ।
