13 ਨੂੰ ਬਚਾ ਲਿਆ ਗਿਆ , ਮੌਸਮ ਖ਼ਰਾਬ ਹੋਣ ਕਾਰਨ ਫਸੇ ਸਨ ਇਹ ਲੋਕ
Uttarkashi : ਉੱਤਰਾਖੰਡ (Uttarakhand) ਦੇ ਉੱਤਰਕਾਸ਼ੀ ਟਿਹਰੀ ਬਾਰਡਰ 'ਤੇ 15 ਬਜ਼ਾਰ ਫੁੱਟ ਦੀ ਉਚਾਈ 'ਤੇ ਸਹਸਤਰਾਲ ਟ੍ਰੈਕ 'ਤੇ ਵੱਡਾ ਹਾਦਸਾ ਵਾਪਰ ਗਿਆ ਹੈ। ਹੁਣ ਤੱਕ ਕਰੀਬ 9 ਲੋਕਾਂ ਦੀ ਮੌਤ ਦੀ ਪੁਸ਼ਟੀ ਹੋ ਚੁੱਕੀ ਹੈ। ਹਾਦਸੇ ਤੋਂ ਬਾਅਦ 13 ਲੋਕਾਂ ਨੂੰ ਬਚਾ ਲਿਆ ਗਿਆ ਹੈ। ਪੰਜ ਲਾਸ਼ਾਂ ਨੂੰ ਲਿਜਾਇਆ ਜਾ ਚੁੱਕਾ ਹੈ, ਜਦੋਂ ਕਿ 4 ਲਾਸ਼ਾਂ ਨੂੰ ਲਿਜਾਣਾ ਬਾਕੀ ਹੈ।
ਮੰਗਲਵਾਰ ਸ਼ਾਮ ਕਰੀਬ 4 ਵਜੇ ਉੱਤਰਕਾਸ਼ੀ ਅਤੇ ਟਿਹਰੀ ਆਫ਼ਤ ਪ੍ਰਬੰਧਨ ਕੇਂਦਰ ਦੇ ਫੋਨ ਵੱਜਣੇ ਸ਼ੁਰੂ ਹੋ ਗਏ ਅਤੇ ਖ਼ਬਰ ਮਿਲੀ ਕਿ ਕਰਨਾਟਕ ਅਤੇ ਮਹਾਰਾਸ਼ਟਰ ਦੇ ਰਹਿਣ ਵਾਲੇ 22 ਟ੍ਰੈਕਰ ਸਹਸਤਰਾਲ ਟ੍ਰੈਕ ਤੋਂ ਵਾਪਸ ਆਉਂਦੇ ਸਮੇਂ ਕੁਫਰੀ ਟਾਪ 'ਤੇ ਖਰਾਬ ਮੌਸਮ ਕਾਰਨ ਫਸ ਗਏ ਹਨ।
ਕਰਨਾਟਕ ਅਤੇ ਮਹਾਰਾਸ਼ਟਰ ਤੋਂ ਆਏ ਇਸ ਟ੍ਰੈਕਿੰਗ ਗਰੁੱਪ ਨੇ 29 ਮਈ ਤੋਂ ਟ੍ਰੈਕ ਸ਼ੁਰੂ ਕੀਤਾ ਸੀ ਅਤੇ 7 ਜੂਨ ਤੱਕ ਵਾਪਸੀ ਕਰਨੀ ਸੀ। ਹਾਦਸੇ ਤੋਂ ਬਾਅਦ ਟ੍ਰੈਕਰਸ ਦੇ ਗਾਈਡ ਨੇ ਤੁਰੰਤ ਸਰਕਾਰ ਨੂੰ ਪੱਤਰ ਲਿਖ ਕੇ ਮਦਦ ਮੰਗੀ। ਇਸ ਤੋਂ ਬਾਅਦ ਉੱਤਰਕਾਸ਼ੀ ਅਤੇ ਟਿਹਰੀ ਪ੍ਰਸ਼ਾਸਨ ਨੇ ਆਪਣੇ-ਆਪਣੇ ਜ਼ਿਲ੍ਹਿਆਂ ਤੋਂ ਐਨਡੀਆਰਐਫ ਦੀਆਂ ਟੀਮਾਂ ਨੂੰ ਬਚਾਅ ਕਾਰਜਾਂ ਲਈ ਉਪਕਰਨਾਂ ਦੇ ਨਾਲ ਬੇਸ ਕੈਂਪ ਭੇਜਿਆ, ਜਿੱਥੋਂ ਸਹਸਤਰਾਲ ਟ੍ਰੈਕ ਦੀ ਚੜ੍ਹਾਈ ਸ਼ੁਰੂ ਹੁੰਦੀ ਹੈ।
ਇਸ ਨਾਲ ਹੀ 22 ਟ੍ਰੈਕਰਾਂ ਵਿੱਚੋਂ ਦੋ ਵਿਅਕਤੀ ਜੋ ਬਿਮਾਰ ਹੋ ਗਏ ਸਨ ,ਉਹ 'ਕੁੱਝ ਕਲਿਆਣ ਬੇਸ' ਕੈਂਪ ਵਿੱਚ ਪਰਤ ਆਏ ਹਨ। ਬਚਾਅ ਟੀਮ ਦੀ ਮਦਦ ਨਾਲ 13 ਲੋਕਾਂ ਨੂੰ ਬੇਸ ਕੈਂਪ 'ਚ ਲਿਆਂਦਾ ਗਿਆ।
ਬਚਾਅ ਕਾਰਜ ਜਾਰੀ, ਮੌਕੇ 'ਤੇ ਤਾਇਨਾਤ ਕਰਮਚਾਰੀ
ਜਾਣਕਾਰੀ ਅਨੁਸਾਰ ਫਿਲਹਾਲ ਘਟਨਾਸਥਾਨ 'ਤੇ ਮੌਸਮ ਸਾਫ ਹੈ। ਨਤਿਨ ਹੈਲੀਪੈਡ 'ਤੇ ਬਚਾਅ ਲਈ ਜ਼ਰੂਰੀ ਵਾਹਨ ਅਤੇ ਸਟਾਫ ਤਾਇਨਾਤ ਕੀਤਾ ਗਿਆ ਹੈ। ਮਾਤਲੀ ਹੈਲੀਪੈਡ 'ਤੇ ਐਂਬੂਲੈਂਸ ਤਾਇਨਾਤ ਕੀਤੀ ਗਈ ਹੈ। ਮਾਤਲੀ ਹੈਲੀਪੈਡ 'ਤੇ NDRF ਦੇ ਜਵਾਨ ਤਾਇਨਾਤ ਹਨ। ਨਾਇਬ ਤਹਿਸੀਲਦਾਰ ਭਟਵਾੜੀ, ਮਾਲ ਸਬ-ਇੰਸਪੈਕਟਰ ਭਟਵਾੜੀ ਤਾਇਨਾਤ ਹਨ।
ਹਾਦਸੇ 'ਤੇ CM ਧਾਮੀ ਨੇ ਕੀ ਕਿਹਾ?
ਮੁੱਖ ਮੰਤਰੀ ਪੁਸ਼ਕਰ ਸਿੰਘ ਧਾਮੀ ਨੇ ਕਿਹਾ, 'ਇਹ ਇਕ ਦੁਖਦਾਈ ਘਟਨਾ ਹੈ ਅਤੇ ਅਸੀਂ ਬਚਾਅ ਲਈ ਐਸਡੀਆਰਐਫ ਅਤੇ ਬਚਾਅ ਟੀਮ ਭੇਜੀ ਹੈ ਅਤੇ ਜੋ ਵੀ ਲੋੜ ਹੋਵੇਗੀ, ਅਸੀਂ ਤਾਇਨਾਤ ਕਰਾਂਗੇ, ਹਵਾਈ ਸੈਨਾ ਦੀ ਮਦਦ ਲਈ ਜਾ ਰਹੀ ਹੈ। ਲੋਕਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।
ਐਸਡੀਆਰਐਫ ਦੇ ਕਮਾਂਡੈਂਟ ਮਣੀਕਾਂਤ ਮਿਸ਼ਰਾ ਨੇ ਦੱਸਿਆ, 'ਪ੍ਰਸ਼ਾਸਨ ਨੂੰ ਸੂਚਨਾ ਮਿਲੀ ਸੀ ਕਿ ਕੁਫਰੀ ਟਾਪ 'ਤੇ ਕਰੀਬ 22 ਲੋਕ ਫਸੇ ਹੋਏ ਹਨ। ਇਸ ਤੋਂ ਬਾਅਦ ਟੀਮਾਂ ਭੇਜੀਆਂ ਗਈਆਂ। ਹਵਾਈ ਸੇਵਾ ਦੀ ਮਦਦ ਲਈ ਜਾ ਰਹੀ ਹੈ। ਹੁਣ ਤੱਕ 10 ਲੋਕਾਂ ਨੂੰ ਦੇਹਰਾਦੂਨ ਲਿਆਂਦਾ ਗਿਆ ਹੈ ਅਤੇ ਬਾਕੀ ਜ਼ਖਮੀਆਂ ਦਾ ਉੱਤਰਕਾਸ਼ੀ 'ਚ ਇਲਾਜ ਚੱਲ ਰਿਹਾ ਹੈ। ਮ੍ਰਿਤਕਾਂ ਨੂੰ ਵਾਪਸ ਲਿਆਉਣ ਦੀਆਂ ਕੋਸ਼ਿਸ਼ਾਂ ਵੀ ਜਾਰੀ ਹਨ।
