ਨਵੀਂ ਦਿੱਲੀ : ਦੇਸ਼ ਦੇ ਪੀਐਮ ਨਰਿੰਦਰ ਮੋਦੀ ਨੇ ਇੱਕ ਵਾਰ ਫਿਰ ਤੋਂ ਸਾਦਗੀ ਦੀ ਮਿਸਾਲ ਪੇਸ਼ ਕੀਤੀ ਹੈ, ਇਸ ਵਾਰ ਉਨ੍ਹਾਂ ਦੀ ਸਾਦਗੀ ਦਾ ਗਵਾਹ ਬਣਿਆ ਹੈ ਰੂਸ। ਜਿੱਥੇ ਫੋਟੋ ਸੈਸ਼ਨ ਦੌਰਾਨ ਪੀਐਮ ਮੋਦੀ ਨੇ ਵਿਚਕਾਰ 'ਚ ਖਾਸ ਤੌਰ 'ਤੇ ਲੱਗੇ ਸੋਫੇ 'ਤੇ ਬੈਠਣ ਤੋਂ ਮਨਾ ਕਰ ਦਿੱਤਾ ਅਤੇ ਸਭ ਦੇ ਨਾਲ ਇੱਕੋ ਜਿਹੀ ਕੁਰਸੀ 'ਤੇ ਹੀ ਬੈਠਣ ਦਾ ਫੈਸਲਾ ਕੀਤਾ। ਕੇਂਦਰੀ ਮੰਤਰੀ ਪੀਯੂਸ਼ ਗੋਇਲ ਨੇ ਆਪਣੇ ਟਵਿੱਟਰ ਅਕਾਊਂਟ 'ਤੇ ਇਕ ਵੀਡੀਓ ਸ਼ੇਅਰ ਕੀਤਾ ਹੈ, ਜਿਸ ਵਿਚ ਮੋਦੀ ਸੋਫਾ ਛੱਡ ਕੇ ਕੁਰਸੀ 'ਤੇ ਬੈਠਦੇ ਨਜ਼ਰ ਆਉਂਦੇ ਹਨ। ਸੋਸ਼ਲ ਮੀਡੀਆ 'ਤੇ ਇਹ ਵੀਡੀਓ ਵਾਇਰਲ ਹੋ ਰਿਹਾ ਹੈ।
PM Modi
ਪੀਯੂਸ਼ ਗੋਇਲ ਨੇ ਵੀਡੀਓ ਸ਼ੇਅਰ ਕਰਦਿਆਂ ਪੀ.ਐੱਮ. ਮੋਦੀ ਦੀ ਤਾਰੀਫ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਮੋਦੀ ਦੀ ਸਰਲਤਾ ਦਾ ਉਦਾਹਰਣ ਇਕ ਵਾਰ ਦੇਖਣ ਨੂੰ ਮਿਲਿਆ। ਉਨ੍ਹਾਂ ਨੇ ਰੂਸ ਵਿਚ ਆਪਣੇ ਲਈ ਕੀਤੀ ਗਈ ਵਿਸ਼ੇਸ਼ ਵਿਵਸਥਾ ਨੂੰ ਹਟਵਾ ਕੇ ਹੋਰ ਲੋਕਾਂ ਨਾਲ ਸਧਾਰਨ ਕੁਰਸੀ 'ਤੇ ਬੈਠਣ ਦੀ ਇੱਛਾ ਜ਼ਾਹਰ ਕੀਤੀ।'' ਇਕ ਹੋਰ ਯੂਜ਼ਰ ਨੇ ਲਿਖਿਆ,''ਮੋਦੀ ਜੀ ਦੀ ਸਾਦਗੀ ਹੀ ਉਨ੍ਹਾਂ ਨੂੰ ਵਿਸ਼ਵ ਬਿਰਾਦਰੀ ਵਿਚ ਸਭ ਤੋਂ ਸਨਮਾਨਿਤ ਅਤੇ ਸ਼ਕਤੀਸ਼ਾਲੀ ਨੇਤਾ ਬਣਾਉਂਦੀ ਹੈ। ਉਹ ਜਾਣਦੇ ਹਨ ਕਿ ਰਾਸ਼ਟਰ ਲਈ ਸਭ ਤੋਂ ਚੰਗਾ ਕੀ ਹੈ।
PM @NarendraModi जी की सरलता का उदाहरण आज पुनः देखने को मिला, उन्होंने रूस में अपने लिए की गई विशेष व्यवस्था को हटवा कर अन्य लोगों के साथ सामान्य कुर्सी पर बैठने की इच्छा जाहिर की। pic.twitter.com/6Rn7eHid6N
— Piyush Goyal (@PiyushGoyal) September 5, 2019
ਉਹ ਚੰਗੇ ਅਤੇ ਭਲੇ ਲੋਕਾਂ ਲਈ ਨਰਮ ਦਿਲ ਇਨਸਾਨ ਹਨ ਪਰ ਜਿਹੜੇ ਲੋਕ ਭਾਰਤ ਨੂੰ ਨੁਕਸਾਨ ਪਹੁੰਚਾਉਣ ਦੀ ਇੱਛਾ ਰੱਖਦੇ ਹਨ ਉਨ੍ਹਾਂ ਲਈ ਉਹ ਬਹੁਤ ਸਖਤ ਹਨ। ਨਰਿੰਦਰ ਮੋਦੀ ਸਹੀ ਅਰਥਾਂ ਵਿਚ ਸਾਡੇ ਪ੍ਰਧਾਨ ਮੰਤਰੀ ਹਨ।'' ਗੌਰਤਲਬ ਹੈ ਕਿ ਮੋਦੀ ਵਲਾਦਿਵੋਸਤੋਕ ਵਿਚ ਈਸਟਰਨ ਇਕਨੌਮਿਕ ਫੋਰਮ (ਈ.ਈ.ਐੱਫ.) ਵਿਚ ਸ਼ਾਮਲ ਹੋਣ ਲਈ ਦੋ ਦਿਨੀਂ ਰੂਸ ਯਾਤਰਾ 'ਤੇ ਗਏ ਸਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
