ਹੈਦਰਾਬਾਦ ਗੈਂਗਰੇਪ ਦੇ ਚਾਰੋਂ ਆਰੋਪੀਆਂ ਨੂੰ ਪੁਲਿਸ ਨੇ ਐਂਨਕਾਊਂਟਰ ਕਰ ਕੇ ਮਾਰ ਦਿੱਤਾ ਹੈ। ਇਹ ਐਨਕਾਊਂਟਰ ਨੈਨਲ ਹਾਈਵੇਅ-44 ਦੋ ਕੋਲ ਵੀਰਵਾਰ ਦੇਰ ਰਾਤ ਹੋਇਆ
ਨਵੀਂ ਦਿੱਲੀ- ਹੈਦਰਾਬਾਦ ਗੈਂਗਰੇਪ ਦੇ ਚਾਰੋਂ ਆਰੋਪੀਆਂ ਨੂੰ ਪੁਲਿਸ ਨੇ ਐਂਨਕਾਊਂਟਰ ਕਰ ਕੇ ਮਾਰ ਦਿੱਤਾ ਹੈ। ਇਹ ਐਨਕਾਊਂਟਰ ਨੈਨਲ ਹਾਈਵੇਅ-44 ਦੋ ਕੋਲ ਵੀਰਵਾਰ ਦੇਰ ਰਾਤ ਹੋਇਆ। ਇਸ ਐਂਨਕਾਊਂਟਰ ਤੋਂ ਬਾਅਦ ਹੈਦਰਾਬਾਦ ਪੁਲਿਸ ਦੀ ਚਾਰੇ ਪਾਸੇ ਤਾਰੀਫ਼ ਹੋ ਰਹੀ ਹੈ।
ਹੈਦਰਾਬਾਦ ਦੇ ਹਾਲਾਤ ਇਹ ਹੋਏ ਪਏ ਹਨ ਕਿ ਲੋਕ ਪੁਲਿਸ ਉੱਪਰ ਫੁੱਲ ਸੁੱਟ ਰਹੇ ਹਨ ਅਤੇ ਲੋਕ ਘਟਨਾ ਸਥਾਨ ਤੇ ਪਹੁੰਚ ਰਹੇ ਹਨ। ਦਰਅਸਲ ਐਂਕਾਊਂਟਰ ਦੀ ਖ਼ਬਰ ਮਿਲਦੇ ਹੀ ਘਟਨਾ ਸਥਾਨ ਤੇ ਲੋਕ ਪਹੁੰਚਣ ਲੱਗੇ। ਸਥਿਤੀ ਇਹ ਹੋਈ ਪਈ ਹੈ ਕਿ ਲੋਕ ਪੁਲਿਸ ਨੂੰ ਮੋਢਿਆਂ ਤੇ ਚੁੱਕ ਰਹੇ ਹਨ ਅਤੇ ਨਾਅਰੇ ਲਗਾ ਰਹੇ ਹਨ। ਦੱਸ ਦਈਏ ਕਿ ਚਾਰੇ ਮੁਲਜ਼ਮ ਬਚਪਨ ਦੇ ਦੋਸਤ ਸਨ।
ਮੁਲਜ਼ਮ ਮੁਹੰਮਦ ਆਰਿਫ਼ ਟਰੱਕ ਡਰਾਈਵਰ ਸੀ, ਬਾਕੀ ਤਿੰਨ ਕਲੀਨਰ ਸਨ। ਪੁਲਿਸ ਅਨੁਸਾਰ 27 ਨਵੰਬਰ ਦੀ ਰਾਤ ਨੂੰ ਡਾਕਟਰ ਨੂੰ ਟਰੱਕ ਡਰਾਈਵਰ ਅਤੇ ਉਸ ਦੇ ਸਾਥੀਆਂ ਨੇ ਅਗਵਾ ਕਰ ਲਿਆ ਸੀ। ਮੁਲਜ਼ਮ ਪੀੜਤ ਲੜਕੀ ਨੂੰ ਇਕ ਉਜਾੜ ਥਾਂ ‘ਤੇ ਲੈ ਗਏ ਅਤੇ ਉਸ ਨੂੰ ਸ਼ਰਾਬ ਪੀਣ ਲਈ ਮਜਬੂਰ ਕੀਤਾ ਅਤੇ ਉਸ ਨਾਲ ਸਮੂਹਿਕ ਬਲਾਤਕਾਰ ਕੀਤਾ।
ਪੁਲਿਸ ਦੀ ਰਿਮਾਂਡ ਕਾਪੀ ਅਨੁਸਾਰ ਸਾਰੀ ਵਾਰਦਾਤ ਨੂੰ 27 ਨਵੰਬਰ ਨੂੰ ਰਾਤ 10 ਵਜੇ ਤੋਂ ਸਵੇਰੇ 4 ਵਜੇ ਤੱਕ ਅੰਜਾਮ ਦਿੱਤਾ ਗਿਆ। ਪੁਲਿਸ ਵੱਲੋਂ ਗ੍ਰਿਫ਼ਤਾਰ ਕੀਤੇ ਗਏ ਚਾਰਾਂ ਮੁਲਜ਼ਮਾਂ ਨੂੰ 14 ਦਿਨਾਂ ਦੀ ਰਿਮਾਂਡ ਤੇ ਭੇਜ ਦਿੱਤਾ ਗਿਆ ਸੀ। ਹੈਦਰਾਬਾਦ ਸਮੂਹਕ ਬਲਾਤਕਾਰ ਦੀ ਇਸੇ ਘਟਨਾ ਨੂੰ ਰੀਕ੍ਰਿਏਟ ਕਰਨ ਲਈ ਪੁਲਿਸ ਚਾਰਾਂ ਮੁਲਜ਼ਮਾਂ ਨੂੰ ਘਟਨਾ ਸਥਾਨ 'ਤੇ ਲੈ ਗਈ ਸੀ।