ਅਭਿਆਸ ’ਚ ਹਿੱਸਾ ਲੈਣ ਲਈ ਜਲਦ ਹੀ ਜਾਪਾਨ ਹੋਣਗੇ ਰਵਾਨਾ
ਨਵੀਂ ਦਿੱਲੀ : ਭਾਰਤੀ ਹਵਾਈ ਸੈਨਾ ਦੀ ਮਹਿਲਾ ਲੜਾਕੂ ਪਾਇਲਟ ਪਹਿਲੀ ਵਾਰ ਦੇਸ਼ ਤੋਂ ਬਾਹਰ ਹਵਾਈ ਅਭਿਆਸ ਲਈ ਭਾਰਤੀ ਦਲ ਦਾ ਹਿੱਸਾ ਹੋਵੇਗੀ। ਸਕਡਾਈਨ ਲੀਡਰ ਅਵਨੀ ਚਤੁਰਵੇਦੀ ਜੋ ਇਕ ਮਹਿਲਾ ਪਾਇਲਟ ਹੈ ਅਤੇ Su-30MKI ਨੂੰ ਉਡਾਉਂਦੀ ਹੈ। ਉਹ ਵਿਦੇਸ਼ ਵਿੱਚ ਇੱਕ ਅੰਤਰਰਾਸ਼ਟਰੀ ਜੰਗੀ ਖੇਡ ਵਿੱਚ ਹਿੱਸਾ ਲਵੇਗੀ।
ਮਹਿਲਾ ਅਧਿਕਾਰੀ ਫਰਾਂਸੀਸੀ ਹਵਾਈ ਸੈਨਾ ਸਮੇਤ ਭਾਰਤ ਦਾ ਦੌਰਾ ਕਰਨ ਵਾਲੇ ਵਿਦੇਸ਼ੀ ਦਸਤਿਆਂ ਨਾਲ ਅਭਿਆਸਾਂ ਵਿੱਚ ਹਿੱਸਾ ਲੈ ਰਹੀ ਹੈ ਪਰ ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਉਹ ਵਿਦੇਸ਼ੀ ਧਰਤੀ 'ਤੇ ਦੇਸ਼ ਦੀ ਨੁਮਾਇੰਦਗੀ ਕਰੇਗੀ। ਭਾਰਤ ਦੀਆਂ ਪਹਿਲੀਆਂ ਤਿੰਨ ਮਹਿਲਾ ਲੜਾਕੂ ਪਾਇਲਟਾਂ ਵਿੱਚੋਂ ਇੱਕ ਸਕੁਐਡਰਨ ਲੀਡਰ ਅਵਨੀ ਚਤੁਰਵੇਦੀ ਅਭਿਆਸ ਵਿੱਚ ਹਿੱਸਾ ਲੈਣ ਲਈ ਜਲਦੀ ਹੀ ਜਾਪਾਨ ਲਈ ਰਵਾਨਾ ਹੋਵੇਗੀ। ਸਕੁਐਡਰਨ ਲੀਡਰ ਚਤੁਰਵੇਦੀ ਇੱਕ Su-30MKI ਪਾਇਲਟ ਹੈ।
ਵੀਰ ਗਾਰਡੀਅਨ 2023 ਅਭਿਆਸ 16 ਜਨਵਰੀ ਤੋਂ 26 ਜਨਵਰੀ ਤੱਕ ਓਮੀਤਾਮਾ ਵਿੱਚ ਹਯਾਕੁਰਾ ਏਅਰ ਬੇਸ ਅਤੇ ਇਸਦੇ ਆਲੇ ਦੁਆਲੇ ਦੇ ਏਅਰਫੀਲਡ ਅਤੇ ਜਾਪਾਨ ਵਿੱਚ ਸਯਾਮਾ ਵਿੱਚ ਇਰੂਮਾ ਏਅਰ ਬੇਸ ਵਿਖੇ ਆਯੋਜਿਤ ਕੀਤਾ ਜਾਵੇਗਾ।