ਇਹ ਤਸਵੀਰਾਂ ਹਰਿਆਣਾ ਦੇ ਜ਼ਿਲ੍ਹੇ ਨਾਰਨੌਲ ਦੇ ਪਿੰਡ ਨਿਵਾਜ਼ਨਗਰ ਦੀਆਂ ਹਨ। ਇੱਥੇ ਇੱਕ ਔਰਤ ਆਪਣੀ ਸੱਸ ਤੋਂ ਉਸ ਦੀ ਪੈਨਸ਼ਨ..
ਨਾਰਨੌਲ : ਇਹ ਤਸਵੀਰਾਂ ਹਰਿਆਣਾ ਦੇ ਜ਼ਿਲ੍ਹੇ ਨਾਰਨੌਲ ਦੇ ਪਿੰਡ ਨਿਵਾਜ਼ਨਗਰ ਦੀਆਂ ਹਨ। ਇੱਥੇ ਇੱਕ ਔਰਤ ਆਪਣੀ ਸੱਸ ਤੋਂ ਉਸ ਦੀ ਪੈਨਸ਼ਨ ਹਥਿਆਉਣ ਲਈ ਉਸ ਦੀ ਖ਼ੂਬ ਕੁੱਟ ਮਾਰ ਕਰਦੀ ਦਿਖਾਈ ਦੇ ਰਹੀ ਹੈ।
ਗੁਆਂਢੀਆਂ ਨੇ ਬਿਰਧ ਔਰਤ ਦੀਆਂ ਚੀਕਾਂ ਸੁਣ ਕੇ ਚੋਰੀ ਤੋਂ ਉਸ ਦੀਆਂ ਖਿੱਚ ਸੋਸ਼ਲ ਮੀਡੀਆਂ ਤੇ ਵਾਇਰਲ ਕਰ ਦਿੱਤੀਆਂ ਹਨ। ਗੁਆਂਢੀਆਂ ਮੁਤਾਬਕ ਬਜ਼ੁਰਗ ਔਰਤ ਨੂੰ ਸਰਕਾਰ ਵੱਲੋਂ 30,000 ਰੁਪਏ ਪੈਨਸ਼ਨ ਮਿਲਦੀ ਹੈ ਤੇ ਉਸ ਦੀ ਨੂੰਹ ਉਸ ਤੋਂ ਇਹ ਹਾਸਲ ਕਰਨਾ ਚਾਹੁੰਦੀ ਹੈ।
ਕੁੱਟਮਾਰ ਦੀ ਵੀਡੀਓ ਕੁਝ ਹੀ ਸਮੇਂ ਵਿੱਚ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਗਈ। ਵੀਡੀਓ ਦੇ ਵਾਇਰਲ ਹੋਣ ਮਗਰੋਂ ਨਾਲਨੌਲ ਪੁਲਿਸ ਬਜ਼ੁਰਗ ਔਰਤ ਦੇ ਘਰ ਪਹੁੰਚੀ ਤੇ ਬਿਆਨ ਵੀ ਦਰਜ ਕਰਵਾਏ। ਇਸ ਮਾਮਲੇ ਵਿੱਚ ਪੁਲਿਸ ਨੇ ਅੱਗੇ ਕੀ ਕਾਰਵਾਈ ਕੀਤੀ, ਇਸ ਬਾਰੇ ਹਾਲੇ ਜਾਣਕਾਰੀ ਨਹੀਂ ਹੈ।