photo
ਕਿਹਾ - ਕਿਰਨ ਖੇਰ ਨੇ ਮੇਰੇ ਨਾਲ ਧਾਰਮਿਕ ਚਿੰਨ੍ਹ ’ਤੇ ਕੀਤੀ ਗ਼ਲਤ ਟਿੱਪਣੀ ਤੇ ਕੱਢੀਆਂ ਗਾਲ੍ਹਾਂ
ਚੰਡੀਗੜ੍ਹ : ਚੰਡੀਗੜ੍ਹ ਨਗਰ ਨਿਗਮ ਦੀ ਹਾਊਸ ਮੀਟਿੰਗ ਮੰਗਲਵਾਰ ਨੂੰ ਹੰਗਾਮੇ ਵਿਚ ਬਦਲ ਗਈ। ਸ਼ਹਿਰ ਦੀ ਸੰਸਦ ਮੈਂਬਰ ਕਿਰਨ ਖੇਰ ਵੀ ਮੀਟਿੰਗ ਵਿਚ ਸ਼ਾਮਲ ਹੋਏ ਸੀ।
ਪਰ ਹੁਣ ਕਿਰਨ ਖੇਰ ਦੀਆਂ ਮੁਸ਼ਕਿਲਾਂ ਵੱਧ ਸਕਦੀਆਂ ਹਨ ਕਿਉਂਕਿ ‘ਆਪ’ ਕੌਂਸਲਰ ਜਸਬੀਰ ਸਿੰਘ ਲਾਡੀ ਨੇ ਐਸਐਸਪੀ ਨੂੰ ਕਿਰਨ ਖੇਰ ਵਿਰੁਧ ਲਿਖਤੀ ਸ਼ਿਕਾਇਤ ਦਿਤੀ ਹੈ।
ਉਨ੍ਹਾਂ ਸ਼ਿਕਾਇਤ ਵਿਚ ਲਿਖਿਆ ਕਿ ਮੇਰੀ ਐਮ. ਸੀ. ਵਿਚ ਹਾਉਸ ਮੀਟਿੰਗ ਸੀ ਇਸ ਦੌਰਾਨ ਕਿਰਨ ਖੇਰ ਨੇ ਮੇਰੀ ਸੀਟ 'ਤੇ ਆ ਕੇ ਗਾਲ੍ਹਾਂ ਕੱਢੀਆਂ ਤੇ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਈ ਹੈ। ਜਦੋਂ ਕਿਰਨ ਖੇਰ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਨੇ ਮਾਰਨ-ਕੁੱਟਣ ਦੀਆਂ ਧਮਕੀਆਂ ਦਿਤੀਆਂ।
ਜਸਬੀਰ ਸਿੰਘ ਨੇ ਕਾਰਵਾਈ ਕਰਨ ਦੀ ਮੰਗ ਕੀਤੀ ਹੈ ਲਿਖਿਆ ਕਿ ਉਸ ਨਾਲ ਤੇ ਉਸ ਦੇ ਪਰਿਵਾਰ ਨਾਲ ਕਿਰਨ ਖੇਰ ਕੁਝ ਵੀ ਗ਼ਲਤ ਕਰ ਸਕਦੀ ਹੈ। ਇਸ ਲਈ ਕਿਰਨ ਖੇਰ ’ਤੇ ਕਾਰਵਾਈ ਕਰਦਿਆਂ ਉਸ ਨੂੰ ਇਨਸਾਫ਼ ਦਿਵਾਇਆ ਜਾਵੇ।
