ਕੋਰੋਨਾ ਵਾਇਰਸ ਦੇ ਪ੍ਰਸਾਰ ਕਾਰਨ ਰੱਦ ਹੋਈਆਂ ਸਨ ਉਡਾਣਾਂ
ਨਵੀਂ ਦਿੱਲੀ : ਇੰਡੀਗੋ ਨੇ ਅਪਣੀਆਂ ਰੱਦ ਹੋਈਆਂ ਉਡਾਣਾਂ ਦੇ ਸਾਰੇ ਯਾਤਰੀਆਂ ਨੂੰ ਟਿਕਟਾਂ ਦੇ ਪੈਸੇ 31 ਜਨਵਰੀ 2021 ਤਕ ਮੋੜਨ ਦਾ ਐਲਾਨ ਕੀਤਾ ਹੈ। ਇਹ ਉਡਾਣਾਂ ਇਸ ਸਾਲ ਕੋਰੋਨਾ ਵਾਇਰਸ ਦੇ ਪ੍ਰਸਾਰ ’ਤੇ ਰੋਕ ਲਗਾਉਣ ਲਈ ਲਗਾਈ ਗਈ ਤਾਲਾਬੰਦੀ ਕਾਰਨ ਰੱਦ ਹੋਈਆਂ ਸਨ।
indigo airlines
ਇਸ ਤੋਂ ਬਾਅਦ ਏਅਰਲਾਈਨ ਨੇ ਰੱਦ ਟਿਕਟਾਂ ’ਤੇ ‘ਕ੍ਰੈਡਿਟ ਸ਼ੈੱਲ’ ਬਣਾਇਆ ਸੀ। ਕ੍ਰੈਡਿਟ ਸ਼ੈੱਲ ਦੀ ਵਰਤੋਂ ਉਸੇ ਯਾਤਰੀ ਵਲੋਂ ਭਵਿਖ ਵਿਚ ਯਾਤਰਾ ਦੀ ਬੁਕਿੰਗ ਲਈ ਕੀਤੀ ਜਾ ਸਕਦੀ ਹੈ।
indigo airlines
ਏਅਰਲਾਈਨ ਨੇ ਕਿਹਾ ਕਿ ਉਸ ਨੇ ਕਰੀਬ 1000 ਕਰੋੜ ਰੁਪਏ ਦੇ ਰਿਫੰਡ ਨਾਲ ਸਬੰਧਤ ਕੰਮਕਾਜ ਨੂੰ ਪੂਰਾ ਕਰ ਲਿਆ ਹੈ। ਇਹ ਯਾਤਰੀਆਂ ਨੂੰ ਰਿਫ਼ੰਡ ਕੀਤੀ ਜਾਣ ਵਾਲੀ ਰਾਸ਼ੀ ਦਾ ਲਗਭਗ 90 ਫ਼ੀ ਸਦੀ ਹੈ। ਇੰਡੀਗੋ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀ.ਈ.ਓ.) ਰੋਨੋਜਾਏ ਦੱਤਾ ਨੇ ਕਿਹਾ ਕਿ ਤਾਲਾਬੰਦੀ ਕਾਰਨ ਮਾਰਚ ਦੇ ਅੰਤ ਵਿਚ ਏਅਰਲਾਈਨ ਦੀ ਆਪ੍ਰੇਟਿੰਗ ਪੂਰੀ ਤਰ੍ਹਾਂ ਠੱਪ ਹੋ ਗਈ ਸੀ। ਕਿਉਂਕਿ ਸਾਡੇ ਕੋਲ ਨਕਦੀ ਦਾ ਪ੍ਰਵਾਹ ਰੁਕ ਗਿਆ ਸੀ, ਇਸ ਲਈ ਅਸੀਂ ਯਾਤਰੀਆਂ ਦੇ ਪੈਸੇ ਨਹੀਂ ਮੋੜ ਪਾ ਰਹੇ ਸੀ।
indigo airlines
ਦੱਤਾ ਨੇ ਕਿਹਾ ਕਿ ਹੁਣ ਆਪ੍ਰੇਟਿੰਗ ਸ਼ੁਰੂ ਹੋਣ ਅਤੇ ਹਵਾਈ ਯਾਤਰਾ ਦੀ ਮੰਗ ਵਿਚ ਹੌਲੀ-ਹੌਲੀ ਸੁਧਾਰ ਤੋਂ ਬਾਅਦ ਸਾਡੀ ਪਹਿਲ ਰੱਦ ਉਡਾਣਾਂ ਦੇ ਯਾਤਰੀਆਂ ਦੇ ਪੈਸੇ ਮੋੜਨ ਦੀ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ 100 ਫ਼ੀ ਸਦੀ ਕ੍ਰੈਡਿਟ ਸ਼ੈੱਲ ਦਾ ਭੁਗਤਾਨ 31 ਜਨਵਰੀ 2021 ਤਕ ਕਰ ਦੇਵਾਂਗੇ।
