ਕਮੇਟੀ ਨੇ ਸਾਰੀਆਂ ਨਿਜੀ ਘਰੇਲੂ ਜਹਾਜ ਕੰਪਨੀਆਂ ਤੋਂ ਦੁਨੀਆਂ ਦੀਆਂ ਹੋਰਨਾਂ ਕੰਪਨੀਆਂ ਦੀ ਤੁਲਨਾ ਵਿਚ ਆਪਣੇ ਚਾਰਜ ਦੀ ਤੁਲਨਾ ਤੇ ਰਿਪੋਰਟ ਪੇਸ਼ ਕਰਨ ਨੂੰ ਵੀ ਕਿਹਾ ਹੈ।
ਨਵੀਂ ਦਿੱਲੀ, ( ਪੀਟੀਆਈ) : ਦੇਸ਼ ਦੀ ਇਕ ਸੰਸਦੀ ਕਮੇਟੀ ਨੇ ਦੇਸ਼ ਦੀਆਂ ਵੱਡੀਆਂ ਨਿਜੀ ਏਅਰਲਾਈਨਜ਼ ਕੰਪਨੀਆਂ ਦੇ ਪ੍ਰਬੰਧਨ ਤੋਂ ਪੁੱਛਿਆ ਹੈ ਕਿ ਉਨਾਂ ਨੇ ਦੇਸ਼ ਵਿਚ ਸਮਾਨ ਤੇ ਲਗਣ ਵਾਲੇ ਖਰਚ ਵਿਚ ਬੇਲੋੜਾ ਵਾਧਾ ਕਿਉਂ ਕੀਤਾ? ਕਮੇਟੀ ਨੇ ਸਾਰੀਆਂ ਨਿਜੀ ਘਰੇਲੂ ਜਹਾਜ ਕੰਪਨੀਆਂ ਤੋਂ ਦੁਨੀਆਂ ਦੀਆਂ ਹੋਰਨਾਂ ਕੰਪਨੀਆਂ ਦੀ ਤੁਲਨਾ ਵਿਚ ਆਪਣੇ ਚਾਰਜ ਦੀ ਤੁਲਨਾ ਤੇ ਰਿਪੋਰਟ ਪੇਸ਼ ਕਰਨ ਨੂੰ ਵੀ ਕਿਹਾ ਹੈ। ਬੀਤੇ ਦਿਨੀ ਆਵਾਜਾਈ, ਸੈਰ-ਸਪਾਟਾ ਅਤੇ ਸੱਭਿਆਚਾਰ ਵਿਸ਼ਿਆਂ ਤੇ ਬਣੀ ਸੰਸਦੀ ਸਟੈਡਿੰਗ ਕਮੇਟੀ ਦੀ ਬੈਠਕ ਵਿਚ,
Air India with No Fare Till 25 Kg Luggage
ਨਿਜੀ ਜਹਾਜਾਂ ਦੀਆਂ ਕੰਪਨੀਆਂ ਵੱਲੋਂ ਸਮਾਨ ਲਿਜਾਣ ਤੇ ਖਰਚ ਵਿਚ ਲੋੜ ਤੋਂ ਵੱਧ ਵਾਧੇ ਦਾ ਮੁੱਦਾ ਚੁੱਕਿਆ ਗਿਆ। ਉਥੇ ਹੀ ਇਸ ਮੌਕੇ ਤੇ ਸਰਕਾਰ ਨੂੰ ਬੈਗਜ਼ ਚਾਰਜ ਦੀ ਇਕ ਪਾਲਿਸੀ ਬਣਾਉਣ ਦਾ ਸੁਝਾਅ ਵੀ ਦਿਤਾ ਗਿਆ। ਇਸ ਗੱਲ ਤੇ ਵੀ ਜੋਰ ਦਿਤਾ ਗਿਆ ਕਿ ਕਿਨਾਂ ਸਮਾਨ ਲੈ ਜਾਣ ਤੇ ਕਿੰਨਾ ਖਰਚ ਆਵੇਗਾ,
With Luggage
ਇਸ ਨੂੰ ਨਿਰਧਾਰਤ ਕਰਨ ਦਾ ਅਧਿਕਾਰ ਜਹਾਜ਼ ਕੰਪਨੀਆਂ ਨੂੰ ਨਾ ਦਿਤਾ ਜਾਵੇ। ਸਾਰੀਆਂ ਨਿਜੀ ਕੰਪਨੀਆਂ ਘਰੇਲੂ ਉੜਾਨਾਂ ਦੌਰਾਨ ਸਿਰਫ 15 ਕਿਲੋ ਤੱਕ ਦਾ ਸਮਾਨ ਬਿਨਾਂ ਕਿਸੇ ਖਰਚ ਤੋਂ ਲੈ ਜਾਣ ਦਾ ਅਧਿਕਾਰ ਦਿੰਦੀਆਂ ਹਨ।
Private Airlines
ਉਥੇ ਸਰਕਾਰੀ ਏਅਰਲਾਈਨਜ਼ ਕੰਪਨੀ ਏਅਰ ਇੰਡੀਆ ਯਾਤਰੀਆਂ ਨੂੰ 25 ਕਿਲੋਂ ਤਕ ਦਾ ਸਮਾਨ ਬਿਨਾ ਖਰਚ ਤੇ ਲੈ ਜਾਣ ਦਾ ਅਧਿਕਾਰ ਦਿੰਦੀ ਹੈ। ਸੰਸਦੀ ਕਮੇਟੀ ਵੱਲੋਂ ਨਿਜੀ ਜਹਾਜ ਕੰਪਨੀਆਂ ਇੰਡੀਗੋ, ਜੇਟ ਏਅਰਵੇਜ਼ , ਏਅਰ ਏਸ਼ੀਆ ਅਤੇ ਵਿਸਤਾਰਾ ਨੂੰ ਹਾਲ ਹੀ ਵਿਚ ਸਮਾਨ ਲਿਜਾਣ ਦਾ ਖਰਚ ਵਧਾਉਣ ਅਤੇ ਡਾਇਨਾਮਿਕ ਫੇਅਰ ਤੇ ਸਪੱਸ਼ਟੀਕਰਣ ਦੇਣ ਨੂੰ ਕਿਹਾ ਗਿਆ ਹੈ। ਦਸਣਯੋਗ ਹੈ ਕਿ ਬੀਤੇ ਦਿਨੀ ਕੁਝ ਨਿਜੀ ਜਹਾਜ ਕੰਪਨੀਆਂ ਨੇ ਸਮਾਨ ਖਰਚ ਵਿਚ ਲਗਭਗ 33 ਫੀਸਦੀ ਤਕ ਦਾ ਵਾਧਾ ਕੀਤਾ ਹੈ।
