ਕੋਲਕਾਤਾ : ਨਾਗਰਿਕਤਾ ਸੋਧ ਕਾਨੂੰਨ ਖਿਲਾਫ਼ ਪਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦੇ ਤਿੱਖੇ ਤੇਵਰਾਂ 'ਚ ਕੋਈ ਫ਼ਰਕ ਪੈਦਾ ਨਜ਼ਰ ਨਹੀਂ ਆ ਰਿਹਾ। ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਪਛਮੀ ਬੰਗਾਲ ਵਿਧਾਨ ਸਭਾ ਵਿਚ ਸਾਫ਼ ਸ਼ਬਦਾਂ ਵਿਚ ਕਿਹਾ ਕਿ ਜੇ ਲੋੜ ਪਈ ਤਾਂ ਉਹ ਇਕੱਲੀ ਲੜੇਗੀ।
Photo
ਸਦਨ ਵਿਚ ਹੀ ਉਨ੍ਹਾਂ ਯੂਨੀਵਰਸਿਟੀਆਂ ਵਿਚ ਹਿੰਸਾ ਅਤੇ ਨਾਗਰਿਕਤਾ ਕਾਨੂੰਨ ਵਿਰੁਧ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਦੁਆਰਾ 13 ਜਨਵਰੀ ਨੂੰ ਸੱਦੀ ਗਈ ਵਿਰੋਧੀ ਪਾਰਟੀਆਂ ਦੀ ਬੈਠਕ ਦੇ ਬਾਈਕਾਟ ਦਾ ਵੀ ਐਲਾਨ ਕੀਤਾ।
Photo
ਬੈਨਰਜੀ ਟਰੇਡ ਯੂਨੀਅਨਾਂ ਦੇ ਬੰਦ ਦੌਰਾਨ ਵਾਪਰੀਆਂ ਹਿੰਸਕ ਘਟਨਾਵਾਂ ਤੋਂ ਨਾਰਾਜ਼ ਮਮਤਾ ਬੈਨਰਜੀ ਨੇ ਕਿਹਾ ਕਿ ਖੱਬੇਪੱਖੀਆਂ ਅਤੇ ਕਾਂਗਰਸ ਦੀਆਂ ਦੋਹਰੀਆਂ ਨੀਤੀਆਂ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।
Photo
ਵਿਧਾਨ ਸਭਾ ਦੁਆਰਾ ਨਾਗਰਿਕਤਾ ਕਾਨੂੰਨ ਵਿਰੁਧ ਮਤਾ ਪਾਸ ਕੀਤੇ ਜਾਣ ਮਗਰੋਂ ਬੈਨਰਜੀ ਨੇ ਕਿਹਾ, 'ਮੈਂ ਨਵੀਂ ਦਿੱਲੀ ਵਿਚ 13 ਜਨਵਰੀ ਨੂੰ ਸੋਨੀਆ ਗਾਂਧੀ ਦੁਆਰਾ ਬੁਲਾਈ ਗਈ ਬੈਠਕ ਦਾ ਬਾਈਕਾਟ ਕਰਾਂਗੀ ਕਿਉਂਕਿ ਮੈਂ ਖੱਬੇਪੱਖੀਆਂ ਅਤੇ ਕਾਂਗਰਸ ਦੁਆਰਾ ਕਲ ਪਛਮੀ ਬੰਗਾਲ ਵਿਚ ਕੀਤੀ ਗਈ ਹਿੰਸਾ ਦਾ ਸਮਰਥਨ ਨਹੀਂ ਕਰਦੀ।'
Photo
ਉਨ੍ਹਾਂ ਕਿਹਾ ਕਿ ਸਦਨ ਸਤੰਬਰ 2019 ਵਿਚ ਹੀ ਪੂਰੇ ਦੇਸ਼ ਵਿਚ ਤਜਵੀਜ਼ਤ ਐਨਆਰਸੀ ਵਿਰੁਧ ਮਤਾ ਪਾਸ ਕਰ ਚੁੱਕਾ ਹੈ, ਸੋ ਨਵੇਂ ਸਿਰੇ ਤੋਂ ਮਤਾ ਲਿਆਉਣ ਦੀ ਲੋੜ ਨਹੀਂ। ਵਿਰੋਧੀ ਆਗੂਆਂ ਨੇ ਜਦ ਤਾਜ਼ਾ ਮਤਾ ਲਿਆਉਣ 'ਤੇ ਜ਼ੋਰ ਦਿਤਾ ਤਾਂ ਮੁੱਖ ਮੰਤਰੀ ਨੇ ਕਿਹਾ ਕਿ ਉਹ ਗਾਂਧੀ ਦੁਆਰਾ ਬੁਲਾਈ ਗਈ ਬੈਠਕ ਵਿਚ ਸ਼ਾਮਲ ਨਹੀਂ ਹੋਵੇਗੀ।
Photo
ਉਨ੍ਹਾਂ ਕਾਂਗਰਸ ਅਤੇ ਖੱਬੇਪੱਖੀਆਂ ਦੁਆਰਾ ਦਬਾਅ ਪਾਏ ਜਾਣ ਬਾਬਤ ਕਿਹਾ, 'ਤੁਸੀਂ ਲੋਕ ਪਛਮੀ ਬੰਗਾਲ ਵਿਚ ਇਕ ਨੀਤੀ ਅਪਣਾਉਂਦੇ ਹੋ ਅਤੇ ਦਿੱਲੀ ਵਿਚ ਇਕਦਮ ਉਲਟ ਨੀਤੀ। ਮੈਂ ਤੁਹਾਡੇ ਨਾਲ ਨਹੀਂ ਜੁੜਨਾ ਚਾਹੁੰਦੀ। ਜੇ ਲੋੜ ਪਈ ਤਾਂ ਮੈਂ ਇਕੱਲੀ ਲੜਨ ਲਈ ਤਿਆਰ ਹਾਂ।'
