ਬੱਸ 'ਚ ਸਵਾਰ ਸਨ 40 ਯਾਤਰੀ
ਦੇਵਾਸ: ਮੱਧ ਪ੍ਰਦੇਸ਼ ਦੇ ਦੇਵਾਸ 'ਚ ਗਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ 'ਚ 50 ਯਾਤਰੀਆਂ ਨਾਲ ਭਰੀ ਬੱਸ ਪਲਟ ਗਈ। ਇਹ ਹਾਦਸਾ ਐਤਵਾਰ ਤੜਕੇ 4.30 ਵਜੇ ਇੰਦੌਰ-ਭੋਪਾਲ ਹਾਈਵੇਅ 'ਤੇ ਵਾਪਰਿਆ।
ਹਾਦਸੇ 'ਚ 9 ਲੋਕ ਜ਼ਖਮੀ ਹੋਏ ਹਨ, ਜਿਨ੍ਹਾਂ ਨੂੰ ਸੋਨਕਚ ਸਿਵਲ ਹਸਪਤਾਲ 'ਚ ਮੁੱਢਲੀ ਸਹਾਇਤਾ ਤੋਂ ਬਾਅਦ ਦੇਵਾਸ ਰੈਫਰ ਕਰ ਦਿੱਤਾ ਗਿਆ ਹੈ। ਬੱਸ ਦੀ ਟੱਕਰ 'ਚ ਗਾਂ ਵੀ ਜ਼ਖਮੀ ਹੋ ਗਈ, ਉਸ ਨੂੰ ਇਲਾਜ ਲਈ ਜੰਗਲਾਤ ਵਿਭਾਗ ਦੇ ਰੈਸਟ ਹਾਊਸ 'ਚ ਲਿਜਾਇਆ ਗਿਆ ਹੈ।
ਪੁਲਿਸ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਵਰਮਾ ਟਰੈਵਲਜ਼ ਜਬਲਪੁਰ ਦੀ ਬੱਸ ਇੰਦੌਰ ਜਾ ਰਹੀ ਸੀ। ਅਚਾਨਕ ਰਸਤੇ 'ਚ ਗਾਂ ਆ ਗਈ ਤੇ ਡਰਾਈਵਰ ਨੇ ਗਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ 'ਚ ਬੱਸ ਨੂੰ ਖੇਤ ਵੱਲ ਮੋੜ ਦਿੱਤਾ। ਬੇਕਾਬੂ ਹੋ ਕੇ ਬੱਸ 20 ਮੀਟਰ ਦੂਰ ਜਾ ਕੇ ਬਿਜਲੀ ਦੇ ਖੰਭੇ ਨਾਲ ਟਕਰਾ ਕੇ ਪਲਟ ਗਈ। ਯਾਤਰੀਆਂ ਨੇ ਹਾਈਵੇਅ 'ਤੇ ਤਾਇਨਾਤ ਡਾਇਲ-100 ਨੂੰ ਸੂਚਨਾ ਦਿੱਤੀ।
ਪੁਲਿਸ ਨੇ ਬੱਸ ਦੇ ਸ਼ੀਸ਼ੇ ਤੋੜ ਕੇ ਸਵਾਰੀਆਂ ਨੂੰ ਬਾਹਰ ਕੱਢਿਆ। ਸੋਨਕਚ ਥਾਣੇ ਦੀ ਟੀਆਈ ਨੀਟਾ ਦਿਓਰਵਾਲ ਨੇ ਜ਼ਖਮੀਆਂ ਨੂੰ ਐਂਬੂਲੈਂਸ ਰਾਹੀਂ ਹਸਪਤਾਲ ਪਹੁੰਚਾਇਆ।
