PC Mag ਦੀ ਰਿਪੋਰਟ ਮੁਤਾਬਕ ਮਾਈਕ੍ਰੋਸਾਫਟ ਦੀ ਥ੍ਰੇਟ ਰਿਸਰਚ...
ਨਵੀਂ ਦਿੱਲੀ: ਮਾਈਕ੍ਰੋਸਾਫਟ ਦੀ ਰਿਸਰਚ ਟੀਮ ਨੇ ਅਪਣੇ ਯੂਜ਼ਰਸ ਦੇ ਅਕਾਉਂਟ ਦੇ ਨਾਲ ਇਕ ਵੱਡੀ ਖਾਮੀ ਪਾਈ ਹੈ। ਕੰਪਨੀ ਨੇ ਅਪਣੇ ਡੇਟਾ ਅਨਾਲਿਸਿਸ ਦੌਰਾਨ ਪਾਇਆ ਕਿ 4 ਕਰੋੜ 40 ਲੱਖ ਮਾਈਕ੍ਰੋਸਾਫਟ ਅਕਾਉਂਟ ਯੂਜ਼ਰਸ ਹੈਕ ਹੋਏ ਯੂਜ਼ਰ ਨੇ ਅਤੇ ਪਾਸਵਰਡ ਦਾ ਇਸਤੇਮਾਲ ਕਰ ਰਹੇ ਹਨ।
PC Mag ਦੀ ਰਿਪੋਰਟ ਮੁਤਾਬਕ ਮਾਈਕ੍ਰੋਸਾਫਟ ਦੀ ਥ੍ਰੇਟ ਰਿਸਰਚ ਟੀਮ ਨੇ ਇਸ ਸਾਲ ਦੇ ਜਨਵਰੀ ਤੋਂ ਮਾਰਚ ਦੌਰਾਨ ਅਕਾਉਂਟ ਸਕੈਨ ਕੀਤੇ ਹਨ ਜਿਸ ਵਿਚ ਇਹ ਵੱਡੀ ਗੜਬੜੀ ਪਾਈ ਗਈ ਹੈ। ਰਿਪੋਰਟ ਮੁਤਾਬਕ ਜਦੋਂ 3 ਕਰੋੜ ਲੀਕ ਹੋਏ ਪਾਸਵਰਡ ਅਤੇ ਯੂਜ਼ਰਨੇਮ ਦੇ ਡੇਟਾਬੇਸ ਨੂੰ ਅਕਾਉਂਟ ਨਾਲ ਮਿਲਾਇਆ ਗਿਆ ਤਾਂ ਪਾਇਆ ਕਿ 4 ਕਰੋੜ ਤੋਂ ਜ਼ਿਆਦਾ ਲੋਕਾਂ ਦੇ ਅਕਾਉਂਟ ਇਸ ਨਾਲ ਮੈਚ ਹੋ ਰਹੇ ਹਨ।
ਮਾਈਕ੍ਰੋਸਾਫਟ ਨੇ ਇਹਨਾਂ ਮੈਚ ਹੋਏ ਅਕਾਉਂਟਸ ਨੂੰ ਪਾਸਵਰਡ ਰਿਸੈਟ ਕਰਨ ਨੂੰ ਕਿਹਾ ਹੈ। ਅਜਿਹਾ ਇਸ ਲਈ ਕਿ ਇਹਨਾਂ ਯੂਜ਼ਰਸ ਨੇ ਜਿਹੜੇ ਪਾਸਵਰਡ ਜਾਂ ਯੂਜ਼ਰਨੇਮ ਦਾ ਇਸਤੇਮਾਲ ਕੀਤਾ ਹੈ ਉਹਨਾਂ ਨੂੰ ਹੈਕਰਸ ਪਹਿਲਾਂ ਹੀ ਕ੍ਰੈਕ ਕਰ ਚੁੱਕੇ ਹਨ ਅਤੇ ਅਜਿਹੇ ਵਿਚ ਇਹਨਾਂ ਅਕਾਉਂਟਸ ਨੂੰ ਖ਼ਤਰਾ ਹੋ ਸਕਦਾ ਹੈ।
ਇਸ ਤੋਂ ਪਹਿਲਾਂ ਨੰਬਰ ਵਿਚ ਸਾਈਬਰ ਸਕਿਊਰਿਟੀ ਕੰਪਨੀ ਨੇ ਰਿਸਰਚ ਦੇ ਹਵਾਲੇ ਤੋਂ ਦਸਿਆ ਸੀ ਕਿ ਫਾਰਚਿਊਨ 500 ਕੰਪਨੀਆਂ ਨਾਲ ਜੁੜੇ ਕਰੀਬ 2.10 ਕਰੋੜ ਅਕਾਉਂਟ ਵਿਚੋਂ ਕਰੀਬ 1.6 ਕਰੋੜ ਖਾਤਿਆਂ ਤੇ ਪਿਛਲੇ ਇਕ ਸਾਲ ਦੌਰਾਨ ਚੋਰੀ ਦੀ ਕੋਸ਼ਿਸ਼ ਕੀਤੀ ਗਈ। ਇਸ ਰਿਸਰਚ ਫਰਮ ਨੇ ਇਹ ਵੀ ਪਾਇਆ ਕਿ ਇਹਨਾਂ 2.10 ਖਾਤਿਆਂ ਵਿਚ 49 ਲੱਖ ਅਕਾਉਂਟ ਦੇ ਪਾਸਵਰਡ ਯੂਨੀਕ ਸਨ ਯਾਨੀ ਇਸ ਨੂੰ ਤੋੜਨਾ ਅਸਾਨ ਨਹੀਂ ਸੀ।
ਦਸਿਆ ਗਿਆ ਕਿ ਇਸ ਵਿਚੋਂ 32 ਅਜਿਹੇ ਪਾਸਵਰਡ ਪਾਏ ਗਏ ਸਨ ਜੋ ਆਮ ਸਨ ਅਤੇ ਇਹਨਾਂ ਨੂੰ ਹੈਕ ਕਰਨਾ ਆਸਾਨ ਸੀ। ਇਹ ਅਜਿਹੇ ਪਾਸਵਰਡ ਹਨ ਜੋ ਜ਼ਿਆਦਾਤਰ ਹੈਕਰ ਦੀ ਲਿਸਟ ਵਿਚੋਂ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।