ਮੁਹੰਮਦ ਅਲੀ ਜਿਨਾਹ 'ਤੇ ਜਾਰੀ ਵਿਵਾਦ ਦੇ ਚਲਦਿਆਂ ਉੱਤਰ ਪ੍ਰਦੇਸ਼ ਦੇ ਬਹਿਰਾਈਚ ਤੋਂ ਭਾਜਪਾ ਸਾਂਸਦ ਸਾਵਿਤਰੀ ਬਾਈ ਫੂਲੇ ਨੇ ਜਿਨਾਹ ਦੀ...
ਨਵੀਂ ਦਿੱਲੀ : ਮੁਹੰਮਦ ਅਲੀ ਜਿਨਾਹ 'ਤੇ ਜਾਰੀ ਵਿਵਾਦ ਦੇ ਚਲਦਿਆਂ ਉੱਤਰ ਪ੍ਰਦੇਸ਼ ਦੇ ਬਹਿਰਾਈਚ ਤੋਂ ਭਾਜਪਾ ਸਾਂਸਦ ਸਾਵਿਤਰੀ ਬਾਈ ਫੂਲੇ ਨੇ ਜਿਨਾਹ ਦੀ ਤਾਰੀਫ਼ ਕੀਤੀ ਹੈ। ਭਾਜਪਾ ਸਾਂਸਦ ਨੇ ਕਿਹਾ ਹੈ ਕਿ ਮੁਹੰਮਦ ਅਲੀ ਜਿਨਾਹ ਮਹਾਂਪੁਰਸ਼ ਸਨ ਅਤੇ ਹਮੇਸ਼ਾ ਰਹਿਣਗੇ। ਆਜ਼ਾਦੀ ਦੀ ਲੜਾਈ ਵਿਚ ਉਨ੍ਹਾਂ ਦਾ ਅਹਿਮ ਯੋਗਦਾਨ ਸੀ। ਅਜਿਹੇ ਮਹਾਂਪੁਰਸ਼ ਦੀ ਤਸਵੀਰ ਜਿੱਥੇ ਲੋੜ ਹੋਵੇ,ਉਸ ਜਗ੍ਹਾ 'ਤੇ ਲਗਾਈ ਜਾਣੀ ਚਾਹੀਦੀ ਹੈ।
bjp mp savitri bai phule says jinnah contributed in country independence
ਇਸ ਤੋਂ ਪਹਿਲਾਂ ਭਾਜਪਾ ਸਾਂਸਦ ਸ਼ਤਰੂਘਨ ਸਿਨ੍ਹਾਂ ਨੇ ਏਐਮਯੂ ਦਾ ਨਾਮ ਲਏ ਬਿਨਾਂ ਕਿਹਾ ਸੀ ਕਿ ਅਚਾਨਕ ਯੂਨੀਵਰਸਿਟੀਆਂ ਦਾ ਨਾਮ ਬਦਲਣ ਅਤੇ ਕੁੱਝ ਲੋਕਾਂ ਦੀਆਂ ਤਸਵੀਰਾਂ ਨੂੰ ਹਟਾਉਣ ਦੀ ਮੰਗ ਹੋਣ ਲੱਗੀ। ਉਨ੍ਹਾਂ ਨੂੰ ਕਿਉਂ ਹਟਾਇਆ ਜਾਵੇ? ਇੰਨੇ ਸਾਲਾਂ ਵਿਚ ਉਹ ਉਥੇ ਹੀ ਸਨ ਅਤੇ ਸਭ ਕੁੱਝ ਠੀਕ ਠਾਕ ਚੱਲ ਰਿਹਾ ਸੀ।
bjp mp savitri bai phule says jinnah contributed in country independence
ਉਥੇ ਹੀ ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ (ਏਐਮਯੂ) ਵਿਚ ਮੁਹਿੰਮ ਅਲੀ ਜਿਨਾਹ ਦੀ ਤਸਵੀਰ ਨੂੰ ਲੈ ਕੇ ਖੜ੍ਹੇ ਹੋਏ ਵਿਵਾਦ ਦੇ ਵਿਚਕਾਰ ਦੇਸ਼ ਦੇ ਕੁੱਝ ਘੱਟ ਗਿਣਤੀ ਸਿੱਖਿਆ ਸੰਸਥਾਨਾਂ ਦੇ ਵਿਦਿਆਰਥੀ ਸੰਗਠਨਾਂ ਦੇ ਸਾਬਕਾ ਪ੍ਰਧਾਨਾਂ, ਅਧਿਆਪਕਾਂ ਅਤੇ ਇਸਲਾਮੀ ਜਾਣਕਾਰਾਂ ਦੇ ਇਕ ਸੰਗਠਨ ਨੇ ਦੋਸ਼ ਲਗਾਇਆ ਕਿ ਇਹ ਸਭ ਯੂਨੀਵਰਸਿਟੀ ਦਾ ਅਕਸ ਖ਼ਰਾਬ ਕਰਨ, ਇਸ ਦੇ ਘੱਟ ਗਿਣਤੀ ਸੰਸਥਾਨ ਹੋਣ 'ਤੇ ਸਵਾਲ ਖੜ੍ਹਾ ਕਰਨ ਅਤੇ ਚੋਣਾਂ ਤੋਂ ਪਹਿਲਾਂ ਧਰੁਵੀਕਰਨ ਦਾ ਯਤਨ ਹੈ।
bjp mp savitri bai phule says jinnah contributed in country independence
ਮਾਈਨਾਰਿਟੀ ਯੂਨੀਵਰਸਿਟੀਜ਼ ਐਲਯੂਮਿਨਾਈ ਫਰੰਟ ਦੇ ਕਨਵੀਨਰ ਪ੍ਰੋਫੈਸਰ ਬਸ਼ੀਰ ਅਹਿਮ ਖ਼ਾਨ ਨੇ ਕਿਹਾ ਕਿ ਏਐਮਯੂ ਵਿਚ ਪਿਛਲੇ ਦਿਨੀਂ ਜੋ ਕੁੱਝ ਹੋਇਆ ਉਸ ਦਾ ਮਕਸਦ ਇਸ ਸੰਸਥਾ ਦੇ ਘੱਟ ਗਿਣਤੀ ਕਿਰਦਾਰ 'ਤੇ ਸਵਾਲ ਖੜ੍ਹੇ ਕਰਨਾ ਹੈ। ਇਹ ਇਕ ਸਾਜਿਸ਼ ਹੈ। ਏਐਮਯੂ ਵਿਦਿਆਰਥੀ ਸੰਗਠਨ ਦੇ ਸਾਬਕਾ ਪ੍ਰਧਾਨ ਇਰਫ਼ਾਨੁੱਲ੍ਹਾ ਖ਼ਾਨ ਨੇ ਕਿਹਾ ਕਿ ਇਹ ਸਭ ਇਕ ਸੋਚੀ ਸਮਝੀ ਸਾਜਿਸ਼ ਤਹਿਤ ਹੋ ਰਿਹਾ ਹੈ। ਪਹਿਲਾਂ ਜੇਐਨਯੂ, ਫਿਰ ਏਐਮਯੂ ਅਤੇ ਫਿਰ ਜਾਮੀਆ ਮਿਲੀਆ ਇਸਲਾਮੀਆ ਨੂੰ ਨਿਸ਼ਾਨਾ ਬਣਾਉਣ ਦੀ ਕੋਸ਼ਿਸ਼ ਹੋ ਰਹੀ ਹੈ।
bjp mp savitri bai phule says jinnah contributed in country independence
ਦਸ ਦਈਏ ਕਿ ਏਐਮਯੂ ਦੇ ਯੂਨੀਅਨ ਹਾਲ ਵਿਚ ਲੱਗੀ ਜਿਨਾਹ ਦੀ ਤਸਵੀਰ ਨੂੰ ਲੈ ਕੇ ਪਿਛਲੇ ਦਿਨੀਂ ਅਲੀਗੜ੍ਹ ਦੇ ਭਾਜਪਾ ਸਾਂਸਦ ਸਤੀਸ਼ ਗੌਤਮ ਨੇ ਕੁਲਪਤੀ ਤਾਰਿਕ ਮਨਸੂਰ ਨੂੰ ਪੱਤਰ ਲਿਖਿਆ ਸੀ। ਇਸ ਤੋਂ ਬਾਅਦ ਹੀ ਇਸ ਵਿਵਾਦ ਦੀ ਸ਼ੁਰੂਆਤ ਹੋਈ। ਇਸੇ ਮਾਮਲੇ ਨੂੰ ਲੈ ਕੇ ਹਿੰਦੂ ਯੂਥ ਵਾਹਿਨੀ ਦੇ ਕੁੱਝ ਵਰਕਰਾਂ ਨੇ ਏਐਮਯੂ ਕੰਪਲੈਕਸ ਵਿਚ ਦਾਖ਼ਲ ਹੋ ਕੇ ਹੰਗਾਮਾ ਕੀਤਾ ਅਤੇ ਨਾਅਰੇਬਾਜ਼ੀ ਕੀਤੀ ਸੀ।
