ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ, ਜਿਸ ਵਿਚ ਹਾਥੀ ਅਪਣੇ ਮਰੇ ਹੋਏ ਬੱਚੇ ਨੂੰ ਸੁੰਢ ਵਿਚ ਲੈ ਕੇ ਅੰਤਮ ਯਾਤਰਾ ਕੱਢਦਾ ਹੋਇਆ ਦਿਖਾਈ ਦੇ ਰਿਹਾ ਹੈ।
ਨਵੀਂ ਦਿੱਲੀ: ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ, ਜਿਸ ਵਿਚ ਹਾਥੀਆਂ ਦੇ ਝੁੰਡ ਵਿਚ ਇਕ ਹਾਥੀ ਅਪਣੇ ਮਰੇ ਹੋਏ ਬੱਚੇ ਨੂੰ ਅਪਣੀ ਸੁੰਢ ਵਿਚ ਉਠਾ ਕੇ ਅੰਤਮ ਯਾਤਰਾ ਕੱਢਦਾ ਹੋਇਆ ਦਿਖਾਈ ਦੇ ਰਿਹਾ ਹੈ। ਇਸ ਵੀਡੀਓ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਕਿਵੇਂ ਹਾਥੀਆਂ ਦਾ ਝੁੰਡ ਹਾਥੀ ਦੇ ਮਰੇ ਹੋਏ ਬੱਚੇ ਨੂੰ ਲੈ ਕੇ ਗੁਜ਼ਰ ਰਹੇ ਹਨ। ਉਥੇ ਹੀ ਕੁਝ ਲੋਕ ਦੂਰ ਖੜ ਕੇ ਇਹ ਦੇਖ ਰਹੇ ਹਨ।
This will move you !! Funeral procession of the weeping elephants carrying dead body of the child elephant. The family just don’t want to leave the baby. pic.twitter.com/KO4s4wCpl0
— Parveen Kaswan, IFS (@ParveenKaswan) June 7, 2019
ਇਸ ਵੀਡੀਓ ਨੂੰ ਭਾਰਤੀ ਵਣ ਸੇਵਾ ਦੇ ਅਫ਼ਸਰ ਪ੍ਰਵੀਨ ਕਾਸਵਾਨ ਨੇ ਅਪਣੇ ਟਵਿੱਟਰ 'ਤੇ ਕੁੱਝ ਦਿਨ ਪਹਿਲਾਂ ਸ਼ੇਅਰ ਕੀਤਾ ਸੀ। ਵੀਡੀਓ ਵਿਚ ਇਕ ਹਾਥੀ ਅਪਣੇ ਮਰੇ ਹੋਏ ਬੱਚੇ ਨੂੰ ਲਿਆ ਕੇ ਸੜਕ 'ਤੇ ਰੱਖ ਦਿੰਦਾ ਹੈ। ਜਿਸ ਤੋਂ ਬਾਅਦ ਹੋਰ ਹਾਥੀ ਆਉਂਦੇ ਹਨ। ਫਿਰ ਹਾਥੀ ਉਸ ਨੂੰ ਅਪਣੀ ਸੁੰਢ ਵਿਚ ਚੁੱਕ ਕੇ ਚੱਲ ਪੈਂਦਾ ਹੈ ਅਤੇ ਸਾਰੇ ਹਾਥੀ ਉਸ ਦੇ ਪਿੱਛੇ ਪਿੱਛੇ ਤੁਰ ਪੈਂਦੇ ਹਨ। ਸੋਸ਼ਲ ਮੀਡੀਆ 'ਤੇ ਆਉਂਦਿਆਂ ਹੀ ਇਹ ਵੀਡੀਓ ਵਾਇਰਲ ਹੋ ਗਿਆ ਹੈ।
There are theories which talk about ancient elephant cemeteries in forest. Many people have written about it, including strecy. But I have not found any conclusive evidence. Though in most cases elephants prefer to die near water bodies. https://t.co/C2BoTsF6Q1
— Parveen Kaswan, IFS (@ParveenKaswan) June 9, 2019
ਸੋਸ਼ਲ ਮੀਡੀਆ ਯੂਜ਼ਰਸ ਵਲੋਂ ਇਸ ਵੀਡੀਓ 'ਤੇ ਤਰ੍ਹਾਂ-ਤਰ੍ਹਾਂ ਦੇ ਕੁਮੈਂਟ ਕਰਕੇ ਅਫ਼ਸੋਸ ਜਤਾਇਆ ਜਾ ਰਿਹਾ ਹੈ। ਹਾਥੀਆਂ ਦਾ ਇਹ ਵੀਡੀਓ ਵਾਕਈ ਦਿਲ ਦਹਿਲਾ ਦੇਣ ਵਾਲਾ ਹੈ। ਯੂਜਰਜ ਦਾ ਕਹਿਣਾ ਹੈ ਕਿ ਜਾਨਵਰ ਅਪਣੇ ਬੱਚਿਆਂ ਨੂੰ ਮਨੁੱਖ ਨਾਲੋਂ ਜ਼ਿਆਦਾ ਪਿਆਰ ਕਰਦੇ ਹਨ। ਦੱਸ ਦਈਏ ਕਿ ਹਾਥੀ ਦਾ ਇਸ ਬੱਚੇ ਦੀ ਮੌਤ ਕਿਸ ਤਰ੍ਹਾਂ ਹੋਈ ਇਸ ਬਾਰੇ ਕੁੱਝ ਪਤਾ ਨਹੀਂ ਚੱਲ ਸਕਿਆ। ਇਸ ਹਾਥੀ ਦੇ ਬੱਚੇ ਦਾ ਅੰਤਿਮ ਸਸਕਾਰ ਕਿੱਥੇ ਕੀਤਾ ਗਿਆ ਇਸ ਬਾਰੇ ਵੀ ਕੋਈ ਜਾਣਕਾਰੀ ਨਹੀਂ ਮਿਲੀ।