ਦਿੱਲੀ 'ਚ ਇਸ ਸਾਲ ਆਲੀਸ਼ਾਨ ਘਰਾਂ ਦੀ ਵਿਕਰੀ 3 ਗੁਣਾ ਵਧੀ : ਐਸੋਚੈਮ-ਸੀ.ਬੀ.ਆਰ.ਈ.
Published : Jul 11, 2025, 10:32 pm IST
Updated : Jul 11, 2025, 10:32 pm IST
SHARE ARTICLE
Sales of luxury homes in Delhi increased 3 times this year: ASSOCHAM-CBRE
Sales of luxury homes in Delhi increased 3 times this year: ASSOCHAM-CBRE

ਦਿੱਲੀ-ਐੱਨ.ਸੀ.ਆਰ. 'ਚ ਪਹਿਲੀ ਛਿਮਾਹੀ ਦੌਰਾਨ 6 ਕਰੋੜ ਰੁਪਏ ਤੋਂ ਵੱਧ ਦੇ 3,960 ਘਰ ਵਿਕੇ

ਨਵੀਂ ਦਿੱਲੀ : ਦਿੱਲੀ-ਐੱਨ.ਸੀ.ਆਰ. ’ਚ ਜਨਵਰੀ-ਜੂਨ ਦੀ ਮਿਆਦ ਦੌਰਾਨ 3,960 ਆਲੀਸ਼ਾਨ (ਲਗਜ਼ਰੀ) ਘਰਾਂ ਦੀ ਵਿਕਰੀ ਹੋਈ ਹੈ, ਜਿਨ੍ਹਾਂ ਵਿਚੋਂ ਹਰ ਘਰ ਦੀ ਕੀਮਤ 6 ਕਰੋੜ ਰੁਪਏ ਜਾਂ ਇਸ ਤੋਂ ਵੱਧ ਹੈ। ਸੀ.ਬੀ.ਆਈ.ਈ. ਅਤੇ ਐਸੋਚੈਮ ਦੀ ਰੀਪੋਰਟ ਅਨੁਸਾਰ ਇਕ ਸਾਲ ਪਹਿਲਾਂ ਦੀ ਇਸੇ ਮਿਆਦ ’ਚ ਦਿੱਲੀ-ਐੱਨ.ਸੀ.ਆਰ. ’ਚ 1,280 ਇਕਾਈਆਂ ਦੀ ਵਿਕਰੀ ਹੋਈ ਸੀ।

ਰੀਪੋਰਟ ’ਚ ਕਿਹਾ ਗਿਆ ਹੈ ਕਿ ਜਨਵਰੀ-ਜੂਨ 2025 ’ਚ ਲਗਜ਼ਰੀ ਹਾਊਸਿੰਗ ਖੇਤਰ ’ਚ ਵਿਕਰੀ ’ਚ ਸਾਲਾਨਾ ਆਧਾਰ ਉਤੇ 85 ਫੀ ਸਦੀ ਦਾ ਵਾਧਾ ਦਰਜ ਕੀਤਾ ਗਿਆ। ਮੁੰਬਈ ਅਤੇ ਦਿੱਲੀ-ਐਨ.ਸੀ.ਆਰ. ਵਿਚ ਸਲਾਹਕਾਰ ਨੇ 6 ਕਰੋੜ ਰੁਪਏ ਜਾਂ ਇਸ ਤੋਂ ਵੱਧ ਕੀਮਤ ਵਾਲੇ ਘਰਾਂ ਨੂੰ ਲਗਜ਼ਰੀ ਖੇਤਰ ਮੰਨਿਆ ਹੈ।

ਬੈਂਗਲੁਰੂ ਅਤੇ ਹੈਦਰਾਬਾਦ ’ਚ ਲਗਜ਼ਰੀ ਖੇਤਰ 5 ਕਰੋੜ ਰੁਪਏ ਜਾਂ ਇਸ ਤੋਂ ਵੱਧ ਦਾ ਹੈ, ਜਦਕਿ ਪੁਣੇ, ਚੇਨਈ ਅਤੇ ਕੋਲਕਾਤਾ ’ਚ 4 ਕਰੋੜ ਰੁਪਏ ਜਾਂ ਇਸ ਤੋਂ ਵੱਧ ਕੀਮਤ ਦੇ ਘਰਾਂ ਨੂੰ ਲਗਜ਼ਰੀ ਦੇ ਰੂਪ ’ਚ ਲਿਆ ਜਾਂਦਾ ਹੈ। ਇਹ ਰੀਪੋਰਟ ਸ਼ੁਕਰਵਾਰ ਨੂੰ ਐਸੋਚੈਮ ਅਤੇ ਸੀ.ਬੀ.ਆਰ.ਈ. ਵਲੋਂ ਕੀਤੀ ਇਕ ਰੀਅਲ ਅਸਟੇਟ ਕਾਨਫਰੰਸ ਵਿਚ ਜਾਰੀ ਕੀਤੀ ਗਈ ਸੀ।

ਸੀ.ਬੀ.ਆਰ.ਈ. ਇੰਡੀਆ ਦੇ ਐਮਡੀ (ਕੈਪੀਟਲ ਮਾਰਕਿਟਸ ਐਂਡ ਲੈਂਡ) ਗੌਰਵ ਕੁਮਾਰ ਨੇ ਕਿਹਾ, ‘‘ਭਾਰਤ ਦਾ ਰਿਹਾਇਸ਼ੀ ਬਾਜ਼ਾਰ ਰਣਨੀਤਕ ਲਚਕੀਲੇਪਣ ਦੇ ਪੜਾਅ ਵਿਚ ਦਾਖਲ ਹੋ ਗਿਆ ਹੈ। ਹਾਲਾਂਕਿ ਮੈਕਰੋ-ਆਰਥਕ ਬੁਨਿਆਦੀ ਢਾਂਚੇ ਮਜ਼ਬੂਤ ਬਣੇ ਹੋਏ ਹਨ, ਲਗਜ਼ਰੀ ਅਤੇ ਪ੍ਰੀਮੀਅਮ ਹਾਊਸਿੰਗ ’ਚ ਵੱਡਾ ਵਾਧਾ ਖਪਤਕਾਰਾਂ ਦੇ ਵਿਸ਼ਵਾਸ ਅਤੇ ਜੀਵਨਸ਼ੈਲੀ ਦੀਆਂ ਇੱਛਾਵਾਂ ਨੂੰ ਦਰਸਾਉਂਦਾ ਹੈ।’’

ਉਨ੍ਹਾਂ ਕਿਹਾ ਕਿ ਡਿਵੈਲਪਰ ਗੁਣਵੱਤਾ, ਪਾਰਦਰਸ਼ਤਾ ਅਤੇ ਤਜਰਬੇ ਉਤੇ ਧਿਆਨ ਕੇਂਦਰਿਤ ਕਰ ਰਹੇ ਹਨ, ਜੋ ਸੈਕਟਰ ਦੇ ਵਿਕਾਸ ਦੀ ਅਗਲੀ ਲਹਿਰ ਨੂੰ ਖੋਲ੍ਹਣ ਲਈ ਮਹੱਤਵਪੂਰਨ ਹਨ।

ਅੰਕੜਿਆਂ ਮੁਤਾਬਕ ਮੁੰਬਈ ’ਚ ਲਗਜ਼ਰੀ ਘਰਾਂ ਦੀ ਵਿਕਰੀ ਜਨਵਰੀ-ਜੂਨ 2025 ’ਚ ਵਧ ਕੇ 1,240 ਇਕਾਈ ਹੋ ਗਈ, ਜੋ ਇਕ ਸਾਲ ਪਹਿਲਾਂ ਇਸੇ ਮਿਆਦ ’ਚ 950 ਇਕਾਈ ਸੀ। ਬੈਂਗਲੁਰੂ ਵਿਚ ਲਗਜ਼ਰੀ ਘਰਾਂ ਦੀ ਵਿਕਰੀ 80 ਇਕਾਈਆਂ ਤੋਂ ਵਧ ਕੇ 200 ਇਕਾਈਆਂ ਹੋ ਗਈ। ਕੋਲਕਾਤਾ ’ਚ ਵਿਕਰੀ 70 ਇਕਾਈ ਤੋਂ ਦੁੱਗਣੀ ਹੋ ਕੇ 190 ਇਕਾਈ ਹੋ ਗਈ। ਚੇਨਈ ’ਚ ਵਿਕਰੀ ਤਿੰਨ ਗੁਣਾ ਵਧ ਕੇ 65 ਇਕਾਈ ਤੋਂ 220 ਇਕਾਈ ਹੋ ਗਈ। ਹਾਲਾਂਕਿ ਹੈਦਰਾਬਾਦ ’ਚ ਲਗਜ਼ਰੀ ਘਰਾਂ ਦੀ ਵਿਕਰੀ 1,140 ਇਕਾਈ ਤੋਂ ਘਟ ਕੇ 1,025 ਇਕਾਈ ਰਹਿ ਗਈ। ਪੁਣੇ ’ਚ ਵਿਕਰੀ 160 ਇਕਾਈ ਤੋਂ ਘਟ ਕੇ 120 ਇਕਾਈ ਰਹਿ ਗਈ।

ਚੋਟੀ ਦੇ ਸੱਤ ਸ਼ਹਿਰਾਂ ’ਚ ਕੁਲ ਵਿਕਰੀ ਜਨਵਰੀ-ਜੂਨ 2025 ’ਚ ਵਧ ਕੇ 6,950 ਇਕਾਈ ਹੋ ਗਈ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ ’ਚ 3,750 ਇਕਾਈ ਸੀ।

Location: India, Punjab

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

Gurdwara Sri Kartarpur Sahib completely submerged in water after heavy rain Pakistan|Punjab Floods

27 Aug 2025 3:16 PM

400 ਬੱਚਿਆਂ ਦੇ ਮਾਂ-ਪਿਓ ਆਏ ਕੈਮਰੇ ਸਾਹਮਣੇ |Gurdaspur 400 students trapped as floodwaters |Punjab Floods

27 Aug 2025 3:13 PM

'ਅਕਾਲੀਆਂ ਦੇ ਝੂਠ ਦਾ ਪਰਦਾਫ਼ਾਸ਼, Video Edit ਕਰਕੇ Giani harpreet singh ਨੂੰ ਕੀਤਾ ਗਿਆ ਬਦਨਾਮ'| Sukhbir Badal

24 Aug 2025 3:07 PM

Florida Accident: Truck Driver Harjinder Singh ਨੂੰ ਕੋਈ ਸਜ਼ਾ ਨਾ ਦਿਓ, ਇਸ ਨੂੰ ਬੱਸ ਘਰ ਵਾਪਸ ਭੇਜ ਦਿੱਤਾ ਜਾਵੇ

24 Aug 2025 3:07 PM

Greater Noida dowry death : ਹਾਏ ਓਹ ਰੱਬਾ, ਮਾਪਿਆਂ ਦੀ ਸੋਹਣੀ ਸੁਨੱਖੀ ਧੀ ਨੂੰ ਜ਼ਿੰ+ਦਾ ਸਾ+ੜ'ਤਾ

24 Aug 2025 3:06 PM
Advertisement