ਅਲੀਗੜ੍ਹ: ਮਰਨ ਤੋਂ ਪਹਿਲਾਂ ਬੀਮਾ ਪਾਲਿਸੀ ਲੈਂਦੇ ਹੋਏ ਤਾਂ ਤੁਸੀਂ ਬਹੁਤ ਸਾਰੇ ਲੋਕਾਂ ਨੂੰ ਦੇਖਿਆ ਅਤੇ ਸੁਣਿਆ ਹੋਵੇਗਾ ਪਰ ਯੂਪੀ ਦੇ ਅਲੀਗੜ੍ਹ ਵਿਚ ਇਕ ਮਰੇ ਹੋਏ ਵਿਅਕਤੀ ਨੇ ਪਾਲਿਸੀ ਬਜ਼ਾਰ ਤੋਂ ਆਨਲਾਈਨ ਬੀਮਾ ਕਰਵਾਇਆ। ਬੀਮੇ ਦੀ ਇਕ ਮਹੀਨੇ ਦੀ ਕਿਸ਼ਤ ਵੀ ਜਮ੍ਹਾਂ ਕੀਤੀ ਪਰ ਕਿਸ਼ਤ ਜਮ੍ਹਾਂ ਕਰਾਉਣ ਤੋਂ ਬਾਅਦ ਹੀ ਉਹ ਫਿਰ ਤੋਂ ਮਰ ਗਿਆ, ਜਿਸ ‘ਤੇ ਬੀਮਾ ਕੰਪਨੀ ਨੇ ਜਾਂਚ ਕਰਵਾਈ। ਜਾਂਚ ਤੋਂ ਬਾਅਦ ਇਕ ਅਜਿਹੀ ਧੋਖਾਧੜੀ ਸਾਹਮਣੇ ਆਈ, ਜਿਸ ਨੂੰ ਸੁਣ ਕੇ ਕੰਪਨੀ ਹੀ ਨਹੀਂ ਪੁਲਿਸ ਅਧਿਕਾਰੀ ਵੀ ਦੰਗ ਰਹਿ ਗਏ।

Policy Bazaar

ਮਾਰਚ 2018 ਵਿਚ ਅਲੀਗੜ੍ਹ ਦੇ ਹੀ ਰਹਿਣ ਵਾਲੇ ਉਪੇਂਦਰ ਨੇ 8 ਮਾਰਚ ਨੂੰ ਆਨਲਾਈਨ ਪਾਲਿਸੀ ਬਜ਼ਾਰ ਡਾਟ ਕਾਮ ਤੋਂ 50 ਲੱਖ ਰੁਪਏ ਦਾ ਬੀਮਾ ਕਰਵਾਇਆ। ਇਸ ਦੇ ਲਈ ਉਸ ਨੇ ਆਨਲਾਈਨ ਹੀ 1583 ਰੁਪਏ ਵੀ ਜਮ੍ਹਾਂ ਕਰਾ ਦਿੱਤੇ। ਹਰ ਮਹੀਨੇ 531 ਰੁਪਏ ਦੀ ਕਿਸ਼ਤ ਜਮ੍ਹਾਂ ਕਰਾਉਣ ਦੀ ਗੱਲ ਵੀ ਤੈਅ ਹੋ ਗਈ। ਕੰਪਨੀ ਨੇ ਤੈਅ ਸਮੇਂ ‘ਤੇ ਅਪਣੇ ਇਕ ਕਰਮਚਾਰੀ ਨੂੰ ਭੇਜ ਕੇ ਉਸ ਦਾ ਮੈਡੀਕਲ ਚੈੱਕਅਪ ਵੀ ਕਰਵਾ ਲਿਆ। ਕਾਰਵਾਈ ਪੂਰੀ ਹੋਣ ਤੋਂ ਬਾਅਦ 12 ਮਾਰਚ 2018 ਨੂੰ ਕੰਪਨੀ ਨੇ ਉਪੇਂਦਰ ਦੇ ਨਾਂਅ ‘ਤੇ ਪਾਲਿਸੀ ਵੀ ਜਾਰੀ ਕਰ ਦਿੱਤੀ।

Online Fraud

12 ਮਾਰਚ ਨੂੰ ਪਾਲਿਸੀ ਜਾਰੀ ਹੋਈ ਸੀ ਅਤੇ ਉਪੇਂਦਰ ਦੀ ਪਤਨੀ ਨੇ 28 ਮਈ 2018 ਨੂੰ ਕੰਪਨੀ ‘ਤੇ ਕਲੇਮ ਦਾ ਦਾਅਵਾ ਕਰ ਦਿੱਤਾ। ਪਤਨੀ ਨੇ ਦੱਸਿਆ ਕਿ 15 ਅਪ੍ਰੈਲ ਨੂੰ ਉਸ ਦੇ ਪਤੀ ਦੀ ਕੁੱਤੇ ਦੇ ਕੱਟਣ ਨਾਲ ਮੌਤ ਹੋ ਗਈ ਹੈ। ਇਸ ਦੇ ਸਬੰਧ ਵਿਚ ਇਕ ਨਰਸਿੰਗ ਹੋਮ ਤੋਂ ਮੌਤ ਦਾ ਸਰਟੀਫਿਕੇਟ ਵੀ ਲਿਆਂਦਾ ਗਿਆ ਸੀ। 50 ਲੱਖ ਦੀ ਪਾਲਿਸੀ ਲੈਣ ਦੇ ਇਕ ਮਹੀਨੇ ਬਾਅਦ ਹੀ ਉਪੇਂਦਰ ਦੀ ਮੌਤ ਨਾਲ ਬੀਮਾ ਕੰਪਨੀ ਹੈਰਾਨ ਹੋ ਗਈ। ਉਹਨਾਂ ਨੇ ਇਸ ਦੀ ਗੁਪਤ ਜਾਂਚ ਕਰਨੀ ਸ਼ੁਰੂ ਕਰ ਦਿੱਤੀ।

Insurance Policy

ਬੀਮਾ ਕੰਪਨੀ ਨੇ ਜਦੋਂ ਗੁਪਤ ਤਰੀਕੇ ਨਾਲ ਇਸ ਮਾਮਲੇ ਦੀ ਜਾਂਚ ਕਰਾਈ ਤਾਂ ਉਸ ਨੂੰ ਰਿਪੋਰਟ ਮਿਲੀ ਕਿ ਉਪੇਂਦਰ ਦੀ ਮੌਤ ਤਾਂ ਪਾਲਿਸੀ ਲੈਣ ਤੋਂ 9 ਦਿਨ ਪਹਿਲਾਂ 27 ਫਰਵਰੀ 2018 ਨੂੰ ਘਰ ਦੀ ਛੱਤ ਡਿੱਗਣ ਨਾਲ ਹੋਈ ਸੀ। ਕੰਪਨੀ ਦੇ ਇਸ ਦਾਵੇ ਦੀ ਪੁਸ਼ਟੀ ਪਿੰਡ ਵਿਚ ਆਸ਼ਾ ਵਰਕਰ ਦੇ ਰਜਿਸਟਰ ਤੋਂ ਵੀ ਹੋ ਗਈ। ਅਸਲੀ ਮੌਤ ਦਾ ਪ੍ਰਮਾਣ ਪੱਤਰ ਵੀ ਜਾਰੀ ਹੋਇਆ ਪਰ ਅਰੋਪੀਆਂ ਨੇ ਉਸ ਨੂੰ ਵੀ ਰੱਦ ਕਰ ਦਿੱਤਾ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ