ਮੌਲਾਨਾ ਸਲਮਾਨ ਨਦਵੀ ਨੇ ਨਦਵਾ ਕਾਲਜ ਦੇ ਪ੍ਰਿੰਸੀਪਲ ਮੌਲਾਨਾ ਰਾਬੇ ਹਸਨ ਨਦਵੀ ਦੇ ਬਾਰੇ ਵਿਚ ਕੁੱਝ ਬਿਆਨਬਾਜ਼ੀ ਕੀਤੀ ਸੀ
ਲਖਨਊ- ਲਖਨਊ ਦੇ ਨਦਵਾ ਕਾਲਜ ਵਿਚ ਮੁਸਲਿਮ ਪਰਸਨਲ ਲਾਅ ਬੋਰਡ ਦੇ ਸਾਬਕਾ ਮੈਂਬਰ ਮੌਲਾਨਾ ਸਲਮਾਨ ਨਦਵੀ ਵਿਦਿਆਰਥੀਆਂ ਦੇ ਗੁੱਸੇ ਦਾ ਸ਼ਿਕਾਰ ਹੋ ਗਏ। ਇਸ ਤੋਂ ਬਾਅਦ ਮੌਲਾਨਾ ਦੇ ਸਮਰਥਕ ਵੀ ਮੌਕੇ 'ਤੇ ਪਹੁੰਚ ਗਏ ਜਿਸ ਨਾਲ ਕਾਲਜ ਵਿਚ ਕਾਫ਼ੀ ਦੇਰ ਤੱਕ ਹੰਗਾਮਾ ਚੱਲਦਾ ਰਿਹਾ। ਬਾਅਦ ਵਿਚ ਕਿਸੇ ਤਰ੍ਹਾਂ ਮਾਮਲਾ ਸ਼ਾਂਤ ਹੋ ਗਿਆ। ਜਿਸ ਤੋਂ ਬਾਅਦ ਮੌਲਾਨਾ ਸਲਮਾਨ ਨਦਵੀ ਲਖਨਊ ਤੋਂ ਰਾਏਬਰੇਲੀ ਲਈ ਨਿਕਲ ਗਏ।
Rabey Hasani Nadwi
ਮੌਲਾਨਾ ਸਲਮਾਨ ਨਦਵੀ ਨੇ ਨਦਵਾ ਕਾਲਜ ਦੇ ਪ੍ਰਿੰਸੀਪਲ ਮੌਲਾਨਾ ਰਾਬੇ ਹਸਨ ਨਦਵੀ ਦੇ ਬਾਰੇ ਵਿਚ ਕੁੱਝ ਬਿਆਨਬਾਜ਼ੀ ਕੀਤੀ ਸੀ। ਮੌਲਾਨਾ ਸਲਮਾਨ ਰਿਦਵੀ ਨਦਵਾ ਕਾਲਜ ਵਿਚ ਪ੍ਰੋਫੈਸਰ ਹੈ ਅਤੇ ਉਹ ਵਿਦਿਆਰਥੀਆਂ ਨੂੰ ਪੜ੍ਹਾਉਣ ਲਈ ਕਾਲਜ ਪਹੁੰਚੇ ਸਨ। ਇਸ ਤੋਂ ਬਾਅਦ ਕਾਲਜ ਵਿਦਿਆਥੀਆਂ ਅਤੇ ਮੌਲਾਨਾ ਰਾਬੇ ਹਸਨ ਨਦਵੀ ਦੇ ਸਮਰਥਕਾਂ ਦੁਆਰਾ ਮੌਲਾਨਾ ਨਦਵੀ ਦਾ ਵਿਰੋਧ ਕੀਤਾ ਗਿਆ।
ਇਸ ਦੌਰਾਨ ਮੌਲਾਨਾ ਨਦਵੀ ਦੇ ਨਾਲ ਧੱਕਾ ਮੁੱਕੀ ਵੀ ਹੋਈ। ਹੰਗਾਮੇ ਦੀ ਖਬਰ ਮਿਲਣ ਤੇ ਮੌਲਾਨਾ ਸਲਮਾਨ ਨਦਵੀ ਦੇ ਸਮਰਥਕ ਵੀ ਮੌਕੇ ਤੇ ਪਹੁੰਚ ਗਏ। ਜਿਸ ਤੋਂ ਦੋਨਾਂ ਪੱਖਂ ਵਿਚ ਝੜਪ ਹੋ ਗਈ। ਹਾਲਾਂਕਿ ਸਲਮਾਨ ਨਦਵੀ ਨੇ ਇਹ ਸਾਫ਼ ਕੀਤਾ ਹੈ ਕਿ ਉਹਨਾਂ ਨੇ ਮੌਲਾਨਾ ਰਾਬੇ ਹਸਨ ਨਦਵੀ ਦੇ ਖਿਲਾਫ਼ ਕੋਈ ਬਿਆਨ ਨਹੀਂ ਦਿੱਤਾ ਹੈ। ਇਸ ਤੋਂ ਇਲਾਵਾ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਮੌਲਾਨਾ ਸਲਮਾਨ ਨਦਵੀ ਨੇ ਅਯੋਧਿਆ ਮਾਮਲੇ ਵਿਚ ਵਿਚੋਲਗੀ ਦੀ ਗੱਲ ਕਹੀ ਸੀ
Babri Masjid
ਅਤੇ ਮੁਸਲਮਾਨਾਂ ਨੂੰ ਅਯੋਧਿਆ ਦੇ ਵਿਵਾਦਿਤ ਸਥਲ ਤੇ ਅਪਣਾ ਦਾਅਵਾ ਛੱਡ ਦੇਣਾ ਚਾਹੀਦਾ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਦੇ ਵਿਰੋਧ ਵਿਚ ਨਦਵਾ ਕਾਲਜ ਵਿਚ ਮੌਲਾਨਾ ਸਲਮਾਨ ਨਦਵੀ ਦੇ ਕਾਲਜ ਵਿਚ ਵਿਰੋਧ ਹੋਇਆ। ਹੰਗਾਮਾ ਕਰ ਰਹੇ ਲੋਕਾਂ ਨੇ ਮੌਲਾਨਾ ਸਲਮਾਨ ਨਦਵੀ ਨੂੰ ਕਲਾਸ ਵਿਚ ਜਾਣ ਹੀਂ ਦਿੱਤਾ ਇਸ ਤੋਂ ਬਾਅਦ ਗੱਲਬਾਤ ਦੌਰਾਨ ਮਾਮਲਾ ਸ਼ਾਂਤ ਹੋ ਗਿਆ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ
