ਜਨਮ ਤੋਂ ਹੀ ਇਕ ਪੈਰ ਦੇ ਬਿਨ੍ਹਾਂ ਪੈਦਾ ਹੋਇਆ ਬੱਚਾ
ਇੰਫਾਲ- ਕਹਿੰਦੇ ਨੇ ਜ਼ਿੰਦਗੀ ਵਿਚ ਕੁਝ ਵੀ ਕਰਨ ਲਈ ਹੌਸਲਾ ਹੋਣਾ ਬਹੁਤ ਜ਼ਰੂਰੀ ਹੈ ਜੇ ਹੌਸਲਾ ਹੋਵੇ ਤਾਂ ਵਿਅਕਤੀ ਆਪਣੀ ਜ਼ਿੰਦਗੀ ਵਿਚ ਕੋਈ ਵੀ ਮੁਕਾਮ ਹਾਸਲ ਕਰ ਸਕਦਾ ਹੈ। ਹੁਣ ਇਸ ਤਰ੍ਹਾਂ ਦੇ ਹੀ ਇਕ ਬੱਚੇ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ ਜੋ ਹੈ ਤਾਂ ਅਪਾਹਿਜ ਪਰ ਫੁੱਟਬਾਲ ਖੇਡਣ ਸਮੇਂ ਕਮਾਲ ਕਰ ਦਿੰਦਾ ਹੈ। ਮਨੀਪੁਰ ਦੇ ਇੰਫਾਲ ਸ਼ਹਿਰ ਦੇ ਰਹਿਣ ਵਾਲੇ ਕੁਨਾਰ ਸ਼੍ਰੇਸ਼ਠ ਦੇ ਜਜ਼ਬੇ ਨੂੰ ਲੋਕ ਸਲਾਮ ਕਰ ਰਹੇ ਹਨ।
This child studying in fourth plays football with one leg, will get courage by watching video
ਕੁਨਾਲ ਸ਼੍ਰੇਸ਼ਠ ਦਾ ਬਚਪਨ ਤੋਂ ਇਕ ਪੈਰ ਨਹੀਂ ਹੈ। ਇਕ ਪੈਰ ਨਾ ਹੋਣ ਦੇ ਬਾਵਜੂਦ ਕੁਨਾਲ ਨੇ ਕਦੇ ਹਿੰਮਤ ਨਹੀਂ ਹਾਰੀ ਅਤੇ ਨਾ ਹੀ ਇਸ ਦਾ ਅਸਰ ਆਪਣੀ ਜ਼ਿੰਦਗੀ 'ਤੇ ਪੈਣ ਦਿੱਤਾ। ਉਸ ਨੇ ਆਪਣੀ ਇਸ ਕਮਜ਼ੋਰੀ ਨੂੰ ਤਾਕਤ ਬਣਾ ਲਿਆ ਹੈ। ਚੌਥੀ ਜਮਾਤ 'ਚ ਪੜ੍ਹਨ ਵਾਲਾ ਕੁਨਾਲ ਫੌੜ੍ਹੀਆਂ ਦੇ ਸਹਾਰੇ ਸ਼ਾਨਦਾਰ ਫੁੱਟਬਾਲ ਖੇਡਦਾ ਹੈ। ਇੰਨਾ ਹੀ ਨਹੀਂ ਉਹ ਇਕ ਪੈਰ ਨਾਲ ਸਾਈਕਲ ਵੀ ਚਲਾਉਂਦਾ ਹੈ। ਕੁਨਾਲ ਦਾ ਫੁੱਟਬਾਲ ਖੇਡਦੇ ਹੋਏ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਲੋਕ ਕਾਫ਼ੀ ਪਸੰਦ ਕਰ ਰਹੇ ਹਨ।
This child studying in fourth plays football with one leg, will get courage by watching video
ਵੀਡੀਓ 'ਚ ਦਿਸ ਰਿਹਾ ਹੈ ਕਿ ਕੁਨਾਲ ਮੈਦਾਨ 'ਚ ਬਾਕੀ ਬੱਚਿਆਂ ਨਾਲ ਫੁੱਟਬਾਲ ਖੇਡ ਰਿਹਾ ਹੈ। ਕੁਨਾਲ ਦੀ ਮਾਂ ਨੇ ਦੱਸਿਆ ਕਿ ਉਨ੍ਹਾਂ ਦਾ ਪੁੱਤ ਜਨਮ ਤੋਂ ਹੀ ਇਕ ਪੈਰ ਦੇ ਬਿਨ੍ਹਾਂ ਪੈਦਾ ਹੋਇਆ ਪਰ ਪਰਿਵਾਰ ਨੇ ਕਦੇ ਉਸ ਨੂੰ ਵੱਖਰਾ ਮਹਿਸੂਸ ਨਹੀਂ ਹੋਣ ਦਿੱਤਾ ਅਤੇ ਨਾ ਹੀ ਕਦੇ ਉਸ ਨੂੰ ਉਸ ਦੇ ਦੋਸਤਾਂ ਨਾਲ ਖੇਡਣ ਤੋਂ ਰੋਕਿਆ। ਪਰਿਵਾਰ ਨੇ ਦੱਸਿਆ ਕਿ ਕੁਨਾਲ ਨੇ ਸਾਈਕਲ ਵੀ ਆਪਣੇ ਦਮ 'ਤੇ ਚਲਾਉਣੀ ਸਿੱਖੀ। ਉਸ ਨੇ ਕਦੇ ਖ਼ੁਦ ਨੂੰ ਕਮਜ਼ੋਰ ਸਾਬਤ ਨਹੀਂ ਹੋਣ ਦਿੱਤਾ। ਉੱਥੇ ਹੀ ਕੁਨਾਲ ਨੇ ਕਿਹਾ ਕਿ ਉਸ ਨੂੰ ਫੁੱਟਬਾਲ ਖੇਡਣਾ ਬਹੁਤ ਪਸੰਦ ਹੈ।
#WATCH: Kunal Shrestha, a Class 4 student from Imphal plays football with a single limb. #Manipur
— ANI (@ANI) November 10, 2020
"My son was born without a limb. I vowed to never let him feel different from his peers. He never exhibited low esteem. He learned to ride a bicycle on his own", says Kunal’s mother pic.twitter.com/NTzyOWhX4e
ਸ਼ੁਰੂ 'ਚ ਜਦੋਂ ਉਸ ਨੇ ਖੇਡਣਾ ਸ਼ੁਰੂ ਕੀਤਾ ਤਾਂ ਲੜਖੜਾ ਜਾਂਦਾ ਸੀ, ਨਾਲ ਹੀ ਹੋਰ ਵੀ ਕਈ ਸਮੱਸਿਆਵਾਂ ਸਨ। ਕੁਨਾਲ ਨੇ ਕਿਹਾ,''ਕਈ ਵਾਰ ਤਾਂ ਮੈਂ ਡਰ ਜਾਂਦਾ ਸੀ ਪਰ ਮੇਰੇ ਦੋਸਤਾਂ ਨੇ ਮੈਨੂੰ ਪੂਰਾ ਸਪੋਰਟ ਕੀਤਾ ਅਤੇ ਭਰੋਸਾ ਦਿਵਾਇਆ ਕਿ ਇਕ ਦਿਨ ਮੈਂ ਗੋਲ ਜ਼ਰੂਰ ਕਰ ਲਵਾਂਗਾ। ਅਜਿਹੇ 'ਚ ਮੈਂ ਹੌਲੀ-ਹੌਲੀ ਆਤਮਵਿਸ਼ਵਾਸ ਹਾਸਲ ਕੀਤਾ। ਸੋਸ਼ਲ ਮੀਡੀਆ 'ਤੇ ਲੋਕ ਕੁਨਾਲ ਦੀ ਕਾਫ਼ੀ ਤਾਰੀਫ਼ ਕਰ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ ਕਿ ਤੁਹਾਡੇ ਹੌਂਸਲੇ ਅਤੇ ਜਜ਼ਬੇ ਨੂੰ ਸਲਾਮ ਕੁਨਾਲ। ਉੱਥੇ ਹੀ ਇਕ ਹੋਰ ਯੂਜ਼ਰ ਨੇ ਲਿਖਿਆ ਕਿ ਤੁਸੀਂ ਹੀਰੋ ਹੋ ਕੁਨਾਲ, ਤੁਹਾਨੂੰ ਦਿਲੋਂ ਸਲਾਮ।
