ਭਾਰਤੀ ਹਵਾਈ ਫੌਜ ਦਾ AN32 ਜਹਾਜ਼ 22 ਜੁਲਾਈ 2016 ਨੂੰ ਬੰਗਾਲ ਦੀ ਖਾੜੀ ’ਚ ਇਕ ਆਪਰੇਸ਼ਨ ਦੌਰਾਨ ਲਾਪਤਾ ਹੋ ਗਿਆ ਸੀ
ਨਵੀਂ ਦਿੱਲੀ: ਭਾਰਤੀ ਹਵਾਈ ਫੌਜ ਦੇ ਇਕ ਟਰਾਂਸਪੋਰਟ ਜਹਾਜ਼ ਦਾ ਮਲਬਾ ਬੰਗਾਲ ਦੀ ਖਾੜੀ ’ਚ ਕਰੀਬ ਸਾਢੇ 7 ਸਾਲ ਬਾਅਦ 3.4 ਕਿਲੋਮੀਟਰ ਦੀ ਡੂੰਘਾਈ ’ਚ ਮਿਲਿਆ ਹੈ। ਲਾਪਤਾ ਜਹਾਜ਼ ’ਚ 29 ਜਣੇ ਸਵਾਰ ਸਨ। ਰੱਖਿਆ ਮੰਤਰਾਲੇ ਨੇ ਕਿਹਾ ਕਿ ਨੈਸ਼ਨਲ ਇੰਸਟੀਚਿਊਟ ਆਫ ਓਸ਼ਨ ਟੈਕਨਾਲੋਜੀ (ਐਨ.ਆਈ.ਓ.ਟੀ.) ਦੇ ਖੁਦਮੁਖਤਿਆਰ ਅੰਡਰਵਾਟਰ ਵਹੀਕਲ (ਏ.ਯੂ.ਵੀ.) ਵਲੋਂ ਹਾਲ ਹੀ ’ਚ ਲਈਆਂ ਗਈਆਂ ਤਸਵੀਰਾਂ ਤੋਂ ਪਤਾ ਲੱਗਿਆ ਹੈ ਕਿ ਚੇਨਈ ਤੱਟ ਦੇ ਨੇੜੇ ਸਮੁੰਦਰ ’ਚ ਮਿਲਿਆ ਮਲਬਾ AN32 ਜਹਾਜ਼ ਦਾ ਹੈ।
ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਤਸਵੀਰਾਂ ਦੀ ਜਾਂਚ ਕੀਤੀ ਗਈ ਅਤੇ ਇਹ AN32 ਜਹਾਜ਼ ਨਾਲ ਮੇਲ ਖਾਂਦੀਆਂ ਪਾਈਆਂ ਗਈਆਂ। ਸੰਭਾਵਤ ਹਾਦਸੇ ਵਾਲੀ ਥਾਂ ’ਤੇ ਤਲਾਸ਼ ਤੋਂ ਸੰਕੇਤ ਮਿਲਦਾ ਹੈ ਕਿ ਹਾਦਸਾਗ੍ਰਸਤ AN32 ਜਹਾਜ਼ ਦੇ ਮਲਬੇ ਦੀ ਸੰਭਾਵਨਾ ਹੈ ਅਤੇ ਖੇਤਰ ਵਿਚ ਕਿਸੇ ਹੋਰ ਜਹਾਜ਼ ਦੇ ਲਾਪਤਾ ਹੋਣ ਦੀ ਖਬਰ ਨਹੀਂ ਹੈ।
ਭਾਰਤੀ ਹਵਾਈ ਫੌਜ ਦਾ AN32 ਜਹਾਜ਼ 22 ਜੁਲਾਈ 2016 ਨੂੰ ਬੰਗਾਲ ਦੀ ਖਾੜੀ ’ਚ ਇਕ ਆਪਰੇਸ਼ਨ ਦੌਰਾਨ ਲਾਪਤਾ ਹੋ ਗਿਆ ਸੀ। ਜਹਾਜ਼ ’ਚ 29 ਮੁਲਾਜ਼ਮ ਸਵਾਰ ਸਨ। ਵੱਡੇ ਪੱਧਰ ’ਤੇ ਤਲਾਸ਼ੀ ਮੁਹਿੰਮ ਚਲਾਈ ਗਈ ਜਿਸ ਵਿਚ ਕਈ ਜਹਾਜ਼ ਅਤੇ ਜਹਾਜ਼ ਤਾਇਨਾਤ ਕੀਤੇ ਗਏ ਪਰ ਨਾ ਤਾਂ ਲਾਪਤਾ ਜਹਾਜ਼ ਦਾ ਮਲਬਾ ਮਿਲਿਆ ਅਤੇ ਨਾ ਹੀ ਉਸ ’ਤੇ ਸਵਾਰ ਕਰਮਚਾਰੀ ਮਿਲੇ।
ਨੈਸ਼ਨਲ ਇੰਸਟੀਚਿਊਟ ਆਫ ਓਸ਼ਨ ਟੈਕਨੋਲੋਜੀ ਧਰਤੀ ਵਿਗਿਆਨ ਮੰਤਰਾਲੇ ਦੇ ਅਧੀਨ ਕੰਮ ਕਰਦਾ ਹੈ। ਇਸ ਨੇ ਲਾਪਤਾ ਏ.ਐਨ.-32 ਜਹਾਜ਼ ਦੇ ਆਖਰੀ ਸਥਾਨ ’ਤੇ ਹਾਲ ਹੀ ’ਚ ਡੂੰਘੇ ਸਮੁੰਦਰ ’ਚ ਖੋਜ ਸਮਰੱਥਾ ਵਾਲਾ ਏ.ਯੂ.ਵੀ. ਤਾਇਨਾਤ ਕੀਤਾ ਸੀ। ਰੱਖਿਆ ਮੰਤਰਾਲੇ ਨੇ ਦਸਿਆ ਕਿ ਮਲਟੀ-ਬੀਮ ਸੋਨਾਰ (ਸਾਊਂਡ ਨੈਵੀਗੇਸ਼ਨ ਅਤੇ ਰੇਂਜਿੰਗ), ਸਿੰਥੈਟਿਕ ਅਪਰਚਰ ਸੋਨਾਰ ਅਤੇ ਹਾਈ-ਰੈਜ਼ੋਲਿਊਸ਼ਨ ਫੋਟੋਗ੍ਰਾਫੀ ਸਮੇਤ ਕਈ ਯੰਤਰਾਂ ਦੀ ਵਰਤੋਂ ਕਰਦਿਆਂ 3,400 ਮੀਟਰ ਦੀ ਡੂੰਘਾਈ ’ਤੇ ਤਲਾਸ਼ੀ ਲਈ ਗਈ। ਖੋਜ ਤਸਵੀਰਾਂ ਦੇ ਵਿਸ਼ਲੇਸ਼ਣ ਤੋਂ ਪਤਾ ਲਗਦਾ ਹੈ ਕਿ ਚੇਨਈ ਤੱਟ ਤੋਂ ਲਗਭਗ 140 ਸਮੁੰਦਰੀ ਮੀਲ (310 ਕਿਲੋਮੀਟਰ) ਦੂਰ ਸਮੁੰਦਰੀ ਕੰਢੇ ’ਤੇ ਹਾਦਸਾਗ੍ਰਸਤ ਜਹਾਜ਼ ਦਾ ਮਲਬਾ ਮੌਜੂਦ ਹੈ।
