ਦੇਸ਼ ਵਿਚ ਚੋਣਾਂ ਦੇ ਨਾਲ-ਨਾਲ ਵਿਆਹਾਂ ਦਾ ਵੀ ਸੀਜ਼ਨ ਹੈ। ਅਜਿਹੇ ਵਿਚ ਤੇਲੰਗਾਨਾ ਦਾ ਇੱਕ ਵਿਅਕਤੀ ਆਪਣੇ ਵਿਆਹ ਦੇ ਮੌਕੇ ਪਸੰਦੀਦਾ ਨੇਤਾ ਲਈ ਚੋਣ ਪ੍ਰਚਾਰ ਕਰ ਰਿਹਾ ਹੈ...
ਨਵੀਂ ਦਿੱਲੀ : ਦੇਸ਼ ਵਿਚ ਚੋਣਾਂ ਦੇ ਨਾਲ-ਨਾਲ ਵਿਆਹਾਂ ਦਾ ਵੀ ਸੀਜ਼ਨ ਹੈ। ਅਜਿਹੇ ਵਿਚ ਤੇਲੰਗਾਨਾ ਦਾ ਇੱਕ ਵਿਅਕਤੀ ਆਪਣੇ ਵਿਆਹ ਦੇ ਮੌਕੇ ਪਸੰਦੀਦਾ ਨੇਤਾ ਲਈ ਚੋਣ ਪ੍ਰਚਾਰ ਕਰ ਰਿਹਾ ਹੈ। ਜਵਾਨ ਦੇ ਵਿਆਹ ਦੇ ਕਾਰਡ ਵਿਚ ਛਪਿਆ ਹੈ- ਸਾਡਾ ਗਿਫਟ 2019 ਵਿਚ ਲੋਕ ਸਭਾ ਚੋਣ ਵਿਚ ਨਰੇਂਦਰ ਮੋਦੀ ਲਈ ਤੁਹਾਡਾ ਵੋਟ ਹੋਵੇਗਾ। ਜਵਾਨ ਨੇ ਆਪਣੇ ਵਿਆਹ ਦਾ ਕਾਰਡ ਰਿਸ਼ਤੇਦਾਰਾਂ, ਦੋਸਤਾਂ ਅਤੇ ਸਾਥੀਆਂ ਨੂੰ ਵੀ ਭੇਜਿਆ ਹੈ।
Wedding
ਤੇਲੰਗਾਨਾ ਜਨਰਲ ਕਾਰਪੋਰੇਸ਼ਨ (ਜੇਨਕੋ) ਵਿਚ ਅਸਿਸਟੈਂਟ ਇੰਜੀਨੀਅਰ ਦੇ ਅਹੁਦੇ ‘ਤੇ ਤਾਇਨਾਤ ਮੁਕੇਸ਼ ਯਾਂਡੇ ਦੀ ਇਸ ਪਹਿਲ ‘ਤੇ ਕਈ ਲੋਕ ਉਨ੍ਹਾਂ ਨੂੰ ਵਧਾਈ ਦੇ ਰਹੇ ਹਨ ਤਾਂ ਕੁਝ ਉਨ੍ਹਾਂ ਦੀ ਆਲੋਚਨਾ ਵੀ ਕਰ ਰਹੇ ਹਨ। ਮੁਕੇਸ਼ ਨੇ ਕਿਹਾ, ਮੈਂ ਜਾਣਦਾ ਹਾਂ ਕਿ ਕਈ ਲੋਕ ਅਜਿਹੇ ਹਨ ਜੋ ਮੋਦੀ ਦਾ ਵਿਰੋਧ ਕਰਦੇ ਹਨ। ਪਰ ਮੈਂ ਉਨ੍ਹਾਂ ਦਾ ਡਾਇ ਹਾਰਡ ਫੈਨ ਹਾਂ। ਮੈਂ ਉਨ੍ਹਾਂ ਦੇ ਸਵੱਛ ਭਾਰਤ ਅਭਿਆਨ ਨੂੰ ਸਪੋਰਟ ਕਰਨ ਦੀ ਪੂਰੀ ਕੋਸ਼ਿਸ਼ ਕਰਦਾ ਹਾਂ।
Fan
ਇਸਦੇ ਲਈ ਮੈਂ ਹਰ ਸ਼ਨੀਵਾਰ ਅਪਣੇ ਦਫ਼ਤਰ ਵਿਚ ਤਿੰਨ ਘੰਟੇ ਤੱਕ ਹੋਣ ਵਾਲੇ ਪ੍ਰੋਗਰਾਮ ਵਿੱਚ ਹਿੱਸਾ ਲੈਂਦਾ ਹਾਂ। ਉੱਥੇ ਮੋਦੀ ਭਗਤ ਬੁਲਾਏ ਜਾਣ ‘ਤੇ ਖੁਸ਼ੀ ਹੁੰਦੀ ਹੈ। ਮੁਕੇਸ਼ ਨੂੰ ਉਨ੍ਹਾਂ ਦੇ ਇਸ ਵਿਚਾਰ ਲਈ ਘਰ ‘ਚ ਵੀ ਵਿਰੋਧ ਝੱਲਨਾ ਪਿਆ। ਉਹ ਦੱਸਦੇ ਹਨ, ਹਾਲਾਂਕਿ ਅਸੀਂ ਸਾਰੇ ਮੋਦੀ ਸਮਰਥਕ ਹਾਂ ਪਰ ਮੇਰੇ ਮਾਤਾ-ਪਿਤਾ ਨੂੰ ਇਸ ਗੱਲ ਦਾ ਡਰ ਸੀ ਕਿ ਵਿਆਹ ਦੇ ਕਾਰਡ ਵਿਚ ਅਜਿਹਾ ਕੁਝ ਛਪਾਉਣ ‘ਤੇ ਲੋਕਾਂ ਦੇ ਨਿਗੇਟਿਵ ਰਿਐਕਸ਼ਨ ਆ ਸਕਦੇ ਹਨ ਪਰ ਬਾਅਦ ਵਿੱਚ ਮੈਂ ਉਨ੍ਹਾਂ ਨੂੰ ਮਨਾ ਲਿਆ।
Narendra Modi
21 ਫਰਵਰੀ ਨੂੰ ਮੁਕੇਸ਼ ਦਾ ਵਿਆਹ ਹੈ। ਵਿਆਹ ਦੇ ਕਾਰਡ ਵਿਚ ਬੀਜੇਪੀ ਲਈ ਵੋਟ ਮੰਗਣ ਦਾ ਟ੍ਰੇਂਡ ਇਹ ਦਿਨਾਂ ‘ਚ ਤੇਜੀ ਨਾਲ ਵਧ ਰਿਹਾ ਹੈ। ਇਸ ਤੋਂ ਪਹਿਲਾਂ ਇਸ ਸਾਲ ਜਨਵਰੀ ਵਿਚ ਗੁਜਰਾਤ ਦੇ ਸੂਰਤ ਵਿਚ ਇਕ ਜੋੜੇ ਨੇ ਆਪਣਾ ਵਿਆਹ ਦੇ ਕਾਰਡ ਵਿਚ ਬੀਜੇਪੀ ਲਈ ਵੋਟ ਮੰਗੇ ਸਨ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਰਾਫੇਲ ਡੀਲ ਨਾਲ ਜੁੜੀ ਜਾਣਕਾਰੀ ਵੀ ਕਾਰਡ ਵਿਚ ਛਾਪੀ ਸੀ।
Pm Modi
ਉਥੇ ਹੀ ਮੱਧ ਪ੍ਰਦੇਸ਼ ਦੇ ਭੋਪਾਲ ਵਿਚ ਵੀ ਇਸੇ ਤਰ੍ਹਾਂ ਦਾ ਮਾਮਲਾ ਸਾਹਮਣੇ ਆਇਆ ਸੀ ਜਿੱਥੇ ਇੱਕ ਮੋਦੀ ਸਮਰਥਕ ਵਿਅਕਤੀ ਨੇ ਵਿਆਹ ਦੇ ਕਾਰਡ ਵਿਚ ਬੀਜੇਪੀ ਲਈ ਆਸ਼ੀਰਵਾਦ ਅਤੇ ਵੋਟ ਮੰਗੇ ਸਨ।
