Advertisement
  ਖ਼ਬਰਾਂ   ਰਾਸ਼ਟਰੀ  12 Feb 2020  ਸ਼ੇਅਰ ਬਾਜ਼ਾਰ ਦੀ ਉੱਚੀ ਛਾਲ, 41000 ਦੇ ਪਾਰ ਪਹੁੰਚਿਆ ਸੈਂਸੈਕਸ!

ਸ਼ੇਅਰ ਬਾਜ਼ਾਰ ਦੀ ਉੱਚੀ ਛਾਲ, 41000 ਦੇ ਪਾਰ ਪਹੁੰਚਿਆ ਸੈਂਸੈਕਸ!

ਏਜੰਸੀ
Published Feb 12, 2020, 7:48 pm IST
Updated Feb 12, 2020, 7:48 pm IST
ਦਿੱਲੀ ਚੋਣ ਨਤੀਜਿਆਂ ਦਾ ਸ਼ੇਅਰ ਬਾਜ਼ਾਰ 'ਤੇ ਅਸਰ
file photo
 file photo

ਨਵੀਂ ਦਿੱਲੀ : ਦਿੱਲੀ ਵਿਧਾਨ ਸਭਾ ਚੋਣਾਂ ਦੇ ਨਤੀਜਿਆਂ ਦਾ ਅਸਰ ਸ਼ੇਅਰ ਬਾਜ਼ਾਰ 'ਚ ਦੇਖਣ ਨੂੰ ਮਿਲ ਰਿਹਾ ਹੈ। ਹਫਤੇ ਦੇ ਤੀਜੇ ਕਾਰੋਬਾਰੀ ਦਿਨ ਬੁੱਧਵਾਰ ਨੂੰ ਬੰਬਈ ਸ਼ੇਅਰ ਬਾਜ਼ਾਰ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ 348.31 ਅੰਕ ਭਾਵ 0.84 ਫ਼ੀ ਸਦੀ ਦੀ ਤੇਜ਼ੀ ਦੇ ਨਾਲ 41560.22 ਅੰਕ 'ਤੇ ਖੁੱਲ੍ਹਿਆ। ਇਸ ਤਰ੍ਹਾਂ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫ਼ਟੀ 98.60 ਅੰਕ ਭਾਵ 0.81 ਫ਼ੀ ਸਦੀ ਦੇ ਵਾਧੇ ਨਾਲ 12206.55 ਅੰਕ 'ਤੇ ਕਾਰੋਬਾਰ ਕਰ ਰਿਹਾ ਹੈ।

PhotoPhoto

ਦਿੱਲੀ ਚੋਣਾਂ ਦੇ ਨਤੀਜੇ ਆਉਣ ਤੋਂ ਬਾਅਦ ਹੀ ਸ਼ੇਅਰ ਬਾਜ਼ਾਰ 'ਚ ਉਛਾਲ ਦੇਖਣ ਨੂੰ ਮਿਲਿਆ। ਵੀਰਵਾਰ ਨੂੰ ਬੰਬਈ ਸ਼ੇਅਰ ਬਾਜ਼ਾਰ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ 236.52 ਅੰਕ ਜਾਂ 0.58 ਫ਼ੀ ਸਦੀ ਦੇ ਵਾਧੇ ਨਾਲ 41,216.14 ਅੰਕ 'ਤੇ ਬੰਦ ਹੋਇਆ ਹੈ।

PhotoPhoto

ਕਾਰੋਬਾਰ ਦੌਰਾਨ ਇਸ ਨੇ 41,444.34 ਅੰਕ ਦਾ ਸਭ ਤੋਂ ਉੱਚਾ ਪੱਧਰ ਵੀ ਛੂਹਿਆ। ਰਿਲਾਇੰਸ ਇੰਡਸਟਰੀਜ਼, ਆਈ.ਸੀ.ਆਈ.ਸੀ.ਆਈ. ਬੈਂਕ ਅਤੇ ਐਚ.ਡੀ.ਐਫ.ਸੀ. ਬੈਂਕ ਵਰਗੀਆਂ ਵੱਡੀਆਂ ਕੰਪਨੀਆਂ ਦੇ ਸ਼ੇਅਰਾਂ 'ਚ ਲਾਭ ਨਾਲ ਸੈਂਸੈਕਸ 'ਚ ਉਛਾਲ ਆਇਆ।

file photofile photo

ਇਸ ਤਰ੍ਹਾਂ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫ਼ਟੀ 76.40 ਅੰਕ ਭਾਵ ਜਾਂ 0.64 ਫ਼ੀ ਸਦੀ ਦੇ ਵਾਧੇ ਨਾਲ 12,107.90 ਅੰਕ 'ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੀਆਂ ਕੰਪਨੀਆਂ 'ਚ ਐਨ.ਟੀ.ਪੀ.ਸੀ., ਮਾਰੂਤੀ, ਐਸ.ਬੀ.ਆਈ., ਪਾਵਰਗ੍ਰਿਡ, ਬਜਾਜ ਆਟੋ, ਅਲਟ੍ਰਾਟੈਕ ਸੀਮੈਂਟ ਅਤੇ ਐਕਸਿਸ ਬੈਂਕ ਦੇ ਸ਼ੇਅਰ 2.95 ਫ਼ੀ ਸਦੀ ਤਕ ਚੜ੍ਹ ਗਏ। ਉਧਰ ਦੂਜੇ ਪਾਸੇ ਭਾਰਤੀ ਏਅਰਟੈਲ, ਮਹਿੰਦਰਾ ਐਂਡ ਮਹਿੰਦਰਾ, ਨੈਸਲੇ ਇੰਡੀਆ, ਟੀ.ਸੀ.ਐਸ. ਅਤੇ ਸਨਫਾਰਮਾ ਦੇ ਸ਼ੇਅਰਾਂ 'ਚ 0.75 ਫ਼ੀ ਸਦੀ ਦਾ ਨੁਕਸਾਨ ਰਿਹਾ।

Location: India, Delhi, New Delhi
Advertisement
Advertisement

 

Advertisement
Advertisement