ਕੋਰੋਨਾ ਵਾਇਰਸ 'ਤੇ ਮਜ਼ਾਕ ਕਰਨ ਕਾਰਨ ਭਾਰਤੀ ਮੂਲ ਦੇ 2 ਦਖਣੀ ਅਫ਼ਰੀਕੀ ਨਾਗਰਿਕ ਮੁਸੀਬਤ ਵਿਚ ਫਸ ਗਏ ਹਨ। ਪਹਿਲਾ ਮਾਮਲਾ ਭਾਰਤ ਤੋਂ ਡਰਬਨ ਪਰਤੀ....
ਜੋਹਾਨਸਬਰਗ : ਕੋਰੋਨਾ ਵਾਇਰਸ 'ਤੇ ਮਜ਼ਾਕ ਕਰਨ ਕਾਰਨ ਭਾਰਤੀ ਮੂਲ ਦੇ 2 ਦਖਣੀ ਅਫ਼ਰੀਕੀ ਨਾਗਰਿਕ ਮੁਸੀਬਤ ਵਿਚ ਫਸ ਗਏ ਹਨ। ਪਹਿਲਾ ਮਾਮਲਾ ਭਾਰਤ ਤੋਂ ਡਰਬਨ ਪਰਤੀ 55 ਸਾਲਾ ਇਕ ਮਹਿਲਾ ਦਾ ਹੈ ਜਿਸ ਨੇ ਦਾਅਵਾ ਕੀਤਾ ਕਿ ਉਸ ਨੂੰ ਕੋਰੋਨਾ ਵਾਇਰਸ ਦਾ ਇਨਫੈਕਸ਼ਨ ਹੈ। ਇਸ ਦੇ ਬਾਅਦ ਹਫੜਾ-ਦਫੜਾ ਵਿਚ ਮਹਿਲਾ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ।
ਜਦੋਂ ਇਹ ਪਾਇਆ ਗਿਆ ਕਿ ਮਹਿਲਾ ਨੂੰ ਕੋਈ ਇਨਫੈਕਸ਼ਨ ਨਹੀਂ ਹੈ ਤਾਂ ਉਸ ਨੇ ਕਿਹਾ ਕਿ ਉਹ ਮਜ਼ਾਕ ਕਰ ਰਹੀ ਸੀ। ਬਾਅਦ ਵਿਚ ਪੁਲਿਸ ਜਾਂਚ ਵਿਚ ਪਤਾ ਚੱਲਿਆ ਕਿ ਧੋਖਾਧੜੀ ਦੇ ਇਕ ਮਾਮਲੇ ਵਿਚ ਗ੍ਰਿਫ਼ਤਾਰੀ ਤੋਂ ਬਚਣ ਲਈ ਮਹਿਲਾ ਨੇ ਅਜਿਹਾ ਕਿਹਾ ਸੀ।
ਫਿਲਹਾਲ ਮਹਿਲਾ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਇਕ ਦੂਜੇ ਮਾਮਲੇ ਵਿਚ ਅਧਿਕਾਰੀਆਂ ਨੂੰ ਇਕ ਮਹਿੰਗੀ ਸਪੋਰਟਸ ਕਾਰ ਦੇ ਮਾਲਕ ਦੀ ਤਲਾਸ਼ ਹੈ, ਜਿਸ ਦੇ ਬਾਰੇ ਵਿਚ ਮੰਨਿਆ ਜਾ ਰਿਹਾ ਹੈ ਕਿ ਉਹ ਭਾਰਤੀ ਮੂਲ ਦਾ ਹੈ।
ਅਸਲ ਵਿਚ 4 ਵੱਖ-ਵੱਖ ਲੋਕਾਂ ਨੇ ਕਿਹਾ ਹੈ ਕਿ ਉਹ ਜਿਸ ਕਾਰ ਨੂੰ ਚਲਾ ਰਿਹਾ ਸੀ ਉਸ ਦੀ ਨੰਬਰ ਪਲੇਟ 'ਤੇ 'ਕੋਵਿਡ 19-ਜੈੱਡ.ਐੱਨ.' ਲਿਖਿਆ ਸੀ। ਇਸ ਨੰਬਰ ਪਲੇਟ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਕਾਫੀ ਚਰਚਾ ਹੋ ਰਹੀ ਹੈ। ਪੁਲਿਸ ਕਾਰ ਅਤੇ ਉਸ ਦੇ ਮਾਲਕ ਦਾ ਪਤਾ ਲਗਾਉਣ ਵਿਚ ਜੁਟੀ ਹੈ।