ਈਸਟ ਮਿਦਨਾਪੁਰ ਜ਼ਿਲ੍ਹੇ ਦੇ ਹਲਦਿਆ ਦੇ ਕੁੱਝ ਇਲਾਕਿਆਂ ਅਤੇ ਤਮਲੁਕ ਦੇ...
ਨਵੀਂ ਦਿੱਲੀ: ਪੱਛਮੀ ਬੰਗਾਲ ਵਿਚ ਕੋਰੋਨਾ ਵਾਇਰਸ ਤੋਂ ਜ਼ਿਆਦਾ ਪ੍ਰਭਾਵਿਤ ਇਲਾਕਿਆਂ ਦੀ ਮਾਨਟਰਿੰਗ ਲਈ ਡ੍ਰੋਨਸ ਦਾ ਇਸਤੇਮਾਲ ਕੀਤਾ ਜਾ ਰਿਹਾ ਹੈ। ਅਜਿਹੇ ਇਲਾਕਿਆਂ ਨੂੰ ਰਾਜ ਵਿਚ ਮਾਈਕ੍ਰੋਸਪਾਟਸ ਕਿਹਾ ਜਾ ਰਿਹਾ ਹੈ। ਹਲਦਿਆ ਅਜਿਹਾ ਹੀ ਇਕ ਖੇਤਰ ਹੈ ਜਿੱਥੇ ਪੂਰੇ ਲਾਕਡਾਊਨ ਦੀ ਨਿਗਰਾਨੀ ਲਈ ਡ੍ਰੋਨ ਦਾ ਇਸਤੇਮਾਲ ਕੀਤਾ ਜਾ ਰਿਹਾ ਹੈ। ਇਸ ਦੁਆਰਾ ਲੋਕਾਂ ਨੂੰ ਅਪਣੀਆਂ ਇਮਾਰਤਾਂ ਦੀਆਂ ਛੱਤਾਂ ਤੇ ਖੜ੍ਹੇ ਹੋਣ ਤੋਂ ਰੋਕਿਆ ਜਾ ਰਿਹਾ ਹੈ।
ਈਸਟ ਮਿਦਨਾਪੁਰ ਜ਼ਿਲ੍ਹੇ ਦੇ ਹਲਦਿਆ ਦੇ ਕੁੱਝ ਇਲਾਕਿਆਂ ਅਤੇ ਤਮਲੁਕ ਦੇ ਬਾਲੁਕ ਪਿੰਡ ਨੂੰ ਪੂਰੀ ਤਰ੍ਹਾਂ ਸੀਲ ਕਰ ਦਿੱਤਾ ਗਿਆ ਹੈ। ਹਲਦਿਆ ਵਿਚ ਦੁਰਗਾਚਕ ਕੇ ਡੀ ਬਲਾਕ, ਡੇਭੋਗ, ਪਾਥਰਬੇਰੀਆ, ਰਾਜਨਗਰ ਇਲਾਕਿਆਂ ਵਿਚ ਸਭ ਤੋਂ ਜ਼ਿਆਦਾ ਕੋਰੋਨਾ ਵਾਇਰਸ ਮਰੀਜ਼ ਪਾਏ ਗਏ ਹਨ। ਹਾਲਾਂਕਿ ਪ੍ਰਸ਼ਾਸਨ ਵੱਲੋਂ ਅਧਿਕਾਰਿਕ ਤੌਰ ਤੇ ਹੁਣ ਕੋਈ ਸੰਭਾਵਨਾ ਨਹੀਂ ਦੱਸੀ ਗਈ। ਪਰ ਸੂਤਰਾਂ ਮੁਤਾਬਕ ਹੁਣ ਤਕ 4 ਲੋਕ ਪਾਜ਼ੀਟਿਵ ਪਾਏ ਗਏ ਹਨ।
ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਰਾਜ ਵਿਚ ਲਾਕਡਾਊਨ 30 ਅਪ੍ਰੈਲ ਤਕ ਵਧਾਉਣ ਦਾ ਐਲਾਨ ਕੀਤਾ ਹੈ। SDPO ਤਨਮਯਾ ਮੁਖਰਜੀ ਦੇ ਆਦੇਸ਼ ਤੇ ਪੁਲਿਸ ਡ੍ਰੋਨ ਨਾਲ ਇਹਨਾਂ ਇਲਾਕਿਆਂ ਦੀ ਨਿਗਰਾਨੀ ਕਰ ਰਹੀ ਹੈ। ਜਿਸ ਨਾਲ ਕਿਤੇ ਵੀ ਲੋਕਾਂ ਦੇ ਇਕੱਠੇ ਹੋਣ ਜਾਂ ਦੁਕਾਨਾਂ ਖੁੱਲ੍ਹੀਆਂ ਹੋਣ ਦਾ ਤਤਕਾਲ ਪਤਾ ਲਗਾਇਆ ਜਾ ਸਕੇ। ਪੂਰੇ ਸ਼ਹਿਰ ਵਿਚ ਸੈਨੇਟਾਈਜ਼ਰ ਦਾ ਛਿੜਕਾਅ ਕਰਵਾਇਆ ਗਿਆ ਹੈ।
ਪ੍ਰਸ਼ਾਸਨ ਵੱਲੋਂ ਹਰ ਸੰਭਵ ਉਪਾਅ ਕੀਤਾ ਗਿਆ ਹੈ। ਪਰ ਲੋਕ ਖੌਫ ਵਿਚ ਹਨ। ਹਲਦਿਆ ਬੰਦਰਗਾਹ ਕੰਪਲੈਕਸ ਵਿਚ ਕੰਮ ਕਰਨ ਵਾਲੇ ਕਰਮਚਾਰੀ ਅਪਣੀ ਸੁਰੱਖਿਆ ਨੂੰ ਲੈ ਕੇ ਚਿੰਤਿਤ ਹਨ। ਇੱਥੇ ਇਕ ਕਰਮਚਾਰੀ ਦਿੱਲੀ ਨਿਜ਼ਾਮੁਦੀਨ ਤੋਂ ਵਾਪਸ ਆਉਣ ਤੋਂ ਬਾਅਦ ਕੋਰੋਨਾ ਪਾਜ਼ੀਟਿਵ ਪਾਇਆ ਗਿਆ। ਇੱਥੇ ਕਰਮਚਾਰੀ ਕੰਮ ਤੇ ਵਾਪਸ ਆਉਣ ਨੂੰ ਤਿਆਰ ਨਹੀਂ ਹਨ। ਇਸ ਕਾਰਨ ਬੰਦਰਗਾਹ ਤੇ ਕੰਮ ਠੱਪ ਪਿਆ ਹੈ।
ਕਰੀਬ 20 ਜਹਾਜ਼ ਇੱਥੇ ਕਿਨਾਰੇ ਤੇ ਖੜ੍ਹੇ ਹਨ। ਇੰਡੀਅਨ ਆਇਲ ਕੰਪਨੀ ਦੇ ਹਲਦਿਆ ਵਿਚ ਕੁੱਝ ਸੈਕਟਰ ਹੁਣ ਵੀ ਕੰਮ ਕਰ ਰਹੇ ਹਨ। ਹਲਦਿਆ ਪੇਟ੍ਰੋਕੈਮਿਕਲ ਪੂਰੀ ਤਰ੍ਹਾਂ ਬੰਦ ਹਨ। ਇਹ ਫ਼ੈਸਲਾ ਕਰਮਚਾਰੀਆਂ ਦੀ ਸੁਰੱਖਿਆ ਨੂੰ ਲੈ ਕੇ ਕੀਤਾ ਗਿਆ ਹੈ। ਸਥਾਨਕ ਬਾਡੀ ਪ੍ਰਸ਼ਾਸਨ ਨੇ ਘਰ-ਘਰ ਜਾ ਕੇ ਕਰਿਆਨਾ, ਖਾਦ ਵਸਤੂਆਂ ਅਤੇ ਹੋਰ ਬੁਨਿਆਦੀ ਵਸਤੂਆਂ ਪਹੁੰਚਾਉਣ ਦਾ ਫ਼ੈਸਲਾ ਕੀਤਾ ਹੈ ਜਿਸ ਨਾਲ ਲੋਕਾਂ ਨੂੰ ਲਾਕਡਾਊਨ ਵਿਚ ਇਹਨਾਂ ਵਸਤਾਂ ਦੀ ਕਮੀ ਨਾ ਹੋਵੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।