ਸਾਰੀ ਦੁਨੀਆ ਇਸ ਨੂੰ ਔਰਤ ਨੂੰ ਵੰਡਰ ਵੂਮੈਨ ਕਹਿ ਰਹੀ ਹੈ
ਇਥੀਓਪੀਆ- ਇਥੀਓਪੀਆ ਦੀ ਇਕ ਔਰਤ ਨੇ ਬੱਚੇ ਨੂੰ ਜਨਮ ਦੇਣ ਤੋਂ 30 ਮਿੰਟ ਬਾਅਦ ਸੰਕੈਡਰੀ ਸਕੂਲ ਦਾ ਪੇਪਰ ਦਿੱਤਾ। ਇਹ ਹੈਰਾਨ ਕਰਨ ਵਾਲੀ ਖ਼ਬਰ ਇਥੀਓਪੀਆ ਦੇ ਮੇਟੂ ਸ਼ਹਿਰ ਦੀ ਹੈ। ਅਲਮਜ਼ ਡੇਸਰੇ ਨਾਮ ਦੀ ਇਸ ਔਰਤ ਨੂੰ ਉਮੀਦ ਸੀ ਕਿ ਡਿਲਵਰੀ ਦੀ ਤਾਰੀਕ ਤੋਂ ਪਹਿਲਾਂ ਹੀ ਉਸ ਦਾ ਪੇਪਰ ਹੋ ਜਾਵੇਗਾ। ਇਹ ਪ੍ਰੀਖਿਆ ਡਿਲਵਰੀ ਦੀ ਤਾਰੀਕ ਤੋਂ ਇਕ ਮਹੀਨਾ ਪਹਿਲਾ ਹੋਣੀ ਸੀ ਪਰ ਰਮਜ਼ਾਨ ਦੇ ਕਾਰਨ ਪ੍ਰੀਖਿਆ ਦੀ ਤਾਰੀਕ ਨੂੰ ਲੇਟ ਕਰ ਦਿੱਤਾ ਗਿਆ ਪਰ ਅਲਮਜ਼ ਨੇ ਅਪਣੀ ਤਿਆਰੀ ਜਾਰੀ ਰੱਖੀ ਕਿਉਂਕਿ ਉਹ ਅਪਣਾ ਸਾਲ ਖਰਾਬ ਨਹੀਂ ਕਰਨਾ ਚਾਹੁੰਦੀ ਸੀ।
ethiopian woman gives birth and sits exams 30 minutes later
ਅਲਮਜ਼ ਦਾ ਕਹਿਣਾ ਹੈ ਕਿ ਪ੍ਰੈਗਨੈਂਸੀ ਦੇ ਦੌਰਾਨ ਪੇਪਰ ਦੀ ਤਿਆਰੀ ਕਰਨ ਵਿਚ ਮੈਨੂੰ ਕੋਈ ਦਿੱਕਤ ਨਹੀਂ ਸੀ ਪਰ ਪੇਪਰ ਦੇਣ ਲਈ ਮੈਂ ਅਗਲੇ ਸਾਲ ਤੱਕ ਇੰਤਜ਼ਾਰ ਨਹੀਂ ਕਰਨਾ ਚਾਹੁੰਦੀ ਸੀ। ਬੀਤੇ ਸੋਮਵਾਰ ਨੂੰ ਪੇਪਰ ਦੀ ਬਦਲੀ ਤਾਰੀਕ ਦੇ ਦੌਰਾਨ ਅਲਮਜ਼ ਦੀ ਪ੍ਰੀਖਿਆ ਸੀ। ਪ੍ਰੀਖਿਆ ਤੋਂ ਕੁੱਝ ਸਮਾਂ ਪਹਿਲਾਂ ਹੀ ਅਲਮਜ਼ ਨੇ ਬੱਚੇ ਨੰੂ ਜਨਮ ਦਿੱਤਾ ਸੀ ਅਤੇ ਉਸ ਨੇ ਪ੍ਰੀਖਿਆ ਅਧਿਕਾਰੀਆਂ ਨੂੰ ਹਸਪਤਾਲ ਵਿਚ ਹੀ ਪੇਪਰ ਦੇਣ ਦੀ ਅਪੀਲ ਕੀਤੀ ਅਤੇ ਉਸ ਨੂੰ ਇਜ਼ਾਜਤ ਮਿਲ ਗਈ। ਬੱਚੇ ਨੂੰ ਜਨਮ ਦੇਣ ਤੋਂ ਠੀਕ ਅੱਧੇ ਘੰਟੇ ਬਾਅਦ ਅਲਮਜ਼ ਨੇ ਆਪਣਾ ਪਹਿਲਾ ਪੇਪਰ ਦਿੱਤਾ।
ethiopian woman gives birth and sits exams 30 minutes later
ਹਸਪਤਾਲ ਵਿਚ ਅਲਮਜ਼ ਨੇ ਇੰਗਲਿਸ਼ ਅਤੇ ਮੈਥ ਦਾ ਪੇਪਰ ਦਿੱਤਾ ਅਤੇ ਹੁਣ ਅਲਮਜ਼ ਨੂੰ ਉਮੀਦ ਹੈ ਕਿ ਉਹ ਬਾਕੀ ਦੇ ਪੇਪਰ ਵੀ ਨਿਰਧਾਰਿਤ ਤਰੀਕਾਂ ਤੇ ਦੇ ਪਾਵੇਗੀ। ਇਹ ਪ੍ਰੀਖਿਆਵਾਂ ਪਾਸ ਕਰਨ ਤੋਂ ਬਾਅਦ ਅਲਮਜ਼ ਯੂਨੀਵਰਸਿਟੀ ਵਿਚ ਦੋ ਸਾਲ ਦਾ ਕੋਰਸ ਕਰਨਾ ਚਾਹੁੰਦੀ ਹੈ। ਸੋਸ਼ਲ ਮੀਡੀਆ ਤੇ ਇਸ ਔਰਤ ਦੇ ਜ਼ਜਬੇ ਨੂੰ ਸਲਾਮ ਕੀਤਾ ਜਾ ਰਿਹਾ ਹੈ ਅਤੇ ਸਾਰੀ ਦੁਨੀਆ ਇਸ ਨੂੰ ਵੰਡਰ ਵੂਮੈਨ ਕਹਿ ਰਹੀ ਹੈ।
