2012 ਤੋਂ ਬਾਅਦ ਅਜਿਹਾ ਪਹਿਲੀ ਵਾਰ ਹੋਇਆ ਹੈ ਕਿ ਜਦੋਂ ਭਾਰਤ ਦੀ ਕੋਈ ਵੀ ਯੂਨੀਵਰਸਿਟੀ ਇਸ ਸੂਚੀ ਵਿਚ ਅਪਣੀ ਥਾਂ ਨਹੀਂ ਬਣਾ ਸਕੀ ਹੈ।
ਨਵੀਂ ਦਿੱਲੀ: ਗਲੋਬਲ ਰੈਂਕਿੰਗ ਦੀ ਟਾਪ 300 ਲਿਸਟ ਵਿਚ ਭਾਰਤ ਦੀ ਇਕ ਵੀ ਯੂਨੀਵਰਸਿਟੀ ਸ਼ਾਮਲ ਨਹੀਂ ਹੈ। 2012 ਤੋਂ ਬਾਅਦ ਅਜਿਹਾ ਪਹਿਲੀ ਵਾਰ ਹੋਇਆ ਹੈ ਕਿ ਜਦੋਂ ਭਾਰਤ ਦੀ ਕੋਈ ਵੀ ਯੂਨੀਵਰਸਿਟੀ ਇਸ ਸੂਚੀ ਵਿਚ ਅਪਣੀ ਥਾਂ ਨਹੀਂ ਬਣਾ ਸਕੀ ਹੈ। ਹਾਲਾਂਕਿ ਓਵਰ ਆਲ ਰੈਂਕਿੰਗ ਵਿਚ ਪਿਛਲੇ ਸਾਲ ਦੇ ਮੁਕਾਬਲੇ ਭਾਰਤੀ ਯੂਨੀਵਰਸਿਟੀਆਂ ਦੀ ਗਿਣਤੀ ਇਸ ਵਾਰ ਜ਼ਿਆਦਾ ਹੈ।
World University Rankings 2020
2018 ਵਿਚ ਜਿੱਥੇ 29 ਸੰਸਥਾਵਾਂ ਨੂੰ ਥਾਂ ਮਿਲੀ ਸੀ, ਉੱਥੇ ਇਸ ਵਾਰ 56 ਸੰਸਥਾਵਾਂ ਨੂੰ ਥਾਂ ਮਿਲੀ ਹੈ। ਭਾਰਤ ਦੇ ਇੰਡੀਅਨ ਇੰਸਟੀਚਿਊਟ ਆਫ ਸਾਇੰਸ ਬੰਗਲੁਰੂ ਨੇ ਟਾਪ 350 ਵਿਚ ਜਗ੍ਹਾ ਬਣਾਈ ਹੈ। ਦੂਜੇ ਪਾਸੇ ਭਾਰਤੀ ਤਕਨਾਲਜੀ ਇੰਸਟੀਚਿਊਟ ਰੋਪੜ ਵੀ ਇਸ ਵਾਰ ਟਾਪ 350 ਰੈਂਕਿੰਗ ਵਿਚ ਪਹੁੰਚ ਗਈ ਹੈ। ਆਈਆਈਟੀ ਦਿੱਲੀ, ਆਈਆਈਟੀ ਖੜਗਪੁਰ ਅਤੇ ਜਾਮਿਆ ਮਿਲਿਆ ਸਮੇਤ ਕੁੱਝ ਦੀ ਰੈਂਕਿੰਗ ਵਿਚ ਸੁਧਾਰ ਹੋਇਆ ਹੈ।
University of Oxford
ਟਾਇਮਜ਼ ਹਾਇਅਪ ਐਜੂਕੇਸ਼ਨ ਦੀ ਵਿਸ਼ਵ ਯੂਨੀਵਰਸਿਟੀ ਰੈਂਕਿੰਗ 2020 ਵਿਚ ਇਸ ਸਾਲ ਟਾਪ 500 ਯੂਨੀਵਰਸਿਟੀਆਂ ਵਿਚ ਭਾਰਤ ਦੀਆਂ ਛੇ ਯੂਨੀਵਰਸਿਟੀਆਂ ਨੂੰ ਥਾਂ ਸ਼ਾਮਲ ਹੈ। ਉੱਥੇ ਹੀ ਗਲੋਬਲ ਰੈਂਕਿੰਗ 2020 ਵਿਚ ਚੀਨ ਦੀਆਂ 2 ਯੂਨੀਵਰਸਿਟੀਆਂ ਨੇ ਇਸ ਵਾਰ ਵਧੀਆ ਸਥਾਨ ਪ੍ਰਾਪਤ ਕੀਤਾ ਹੈ। ਚੀਨ ਦੀ Tsinghua ਯੂਨੀਵਰਸਿਟੀ ਨੂੰ ਗਲੋਬਲ ਰੈਂਕਿੰਗ ਵਿਚ 23ਵਾਂ ਸਥਾਨ ਅਤੇ ਪੇਕਿੰਗ ਯੂਨੀਵਰਸਿਟੀ ਨੂੰ 24ਵਾਂ ਸਥਾਨ ਮਿਲਿਆ ਹੈ।
Indian universities out of top 300 in global rankings
ਯੂਨੀਵਰਸਿਟੀ ਆਫ ਆਕਸਫੋਰਡ ਪਿਛਲੇ ਚਾਰ ਸਾਲਾਂ ਤੋਂ ਗਲੋਬਲ ਰੈਂਕਿੰਗ ਵਿਚ ਪਹਿਲੇ ਸਥਾਨ ‘ਤੇ ਬਣੀ ਹੋਈ ਹੈ। ਇਸ ਸਾਲ 92 ਦੇਸਾਂ ਦੀਆਂ ਕੁੱਲ 1300 ਯੂਨੀਵਰਸਿਟੀਆਂ ਨੇ ਗਲੋਬਲ ਰੈਂਕਿੰਗ ਵਿਚ ਹਿੱਸਾ ਲਿਆ। ਵਿਦਿਅਕ ਸੰਸਥਾਵਾਂ ਦੇ ਪ੍ਰਦਰਸ਼ਨ ਅਤੇ ਉਹਨਾਂ ਦੇ ਸਿੱਖਿਆ ਦੇ ਪੱਧਰ ਦੇ ਅਧਾਰ ‘ਤੇ ਗਲੋਬਲ ਰੈਂਕਿੰਗ ਵਿਚ ਉਹਨਾਂ ਦਾ ਰੈਂਕ ਤੈਅ ਕੀਤਾ ਜਾਂਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
