ਸਿੱਕੇ 'ਤੇ ਲਾਈ ਗਈ ਰਾਜਮਾਤਾ ਸਿੰਧੀਆ ਦੀ ਤਸਵੀਰ
ਨਵੀਂ ਦਿੱਲੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਕ ਵਰਚੂਅਲ ਸਮਾਰੋਹ ਜ਼ਰੀਏ ਰਾਜਮਾਤਾ ਵਿਜਿਆ ਰਾਜੇ ਸਿੰਧੀਆ ਦੇ ਸਨਮਾਨ ਵਿਚ 100 ਰੁਪਏ ਦਾ ਸਿੱਕਾ ਜਾਰੀ ਕੀਤਾ ਹੈ। ਇਸ ਸਿੱਕੇ 'ਤੇ ਰਾਜਮਾਤਾ ਸਿੰਧੀਆ ਦੀ ਤਸਵੀਰ ਹੈ। ਉਹਨਾਂ ਦੀ ਜਨਮ ਸ਼ਤਾਬਦੀ ਮੌਕੇ ਵਿੱਤ ਮੰਤਰਾਲੇ ਵੱਲੋਂ ਇਹ ਵਿਸ਼ੇਸ਼ ਸਿੱਕਾ ਜਾਰੀ ਕੀਤਾ ਜਾ ਰਿਹਾ ਹੈ।
ਮੱਧ ਪ੍ਰਦੇਸ਼ ਦੇ ਜ਼ਿਲ੍ਹਿਆਂ ਵਿਚ ਰਾਜਮਾਤਾ ਦੀ ਸ਼ਤਾਬਦੀ ਮੌਕੇ ਕਈ ਸਮਾਰੋਹ ਅਯੋਜਤ ਕੀਤੇ ਜਾਣਗੇ। ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਗਵਾਲੀਅਰ ਅਤੇ ਪ੍ਰਦੇਸ਼ ਭਾਜਪਾ ਪ੍ਰਧਾਨ ਭੋਪਾਲ ਸਥਿਤ ਦਫ਼ਤਰ ਵਿਚ ਰਾਜਮਾਤਾ ਦੇ ਜੀਵਨ 'ਤੇ ਕੇਂਦਿਰ ਪ੍ਰਦਰਸ਼ਨੀ ਦਾ ਉਦਘਾਟਨ ਕਰਨਗੇ।
Prime Minister Narendra Modi releases a commemorative coin of Rs 100 in honour of Rajmata Vijaya Raje Scindia, through a virtual ceremony.
— ANI (@ANI) October 12, 2020
The special coin minted by the Ministry of Finance is being released in celebration of her birth centenary. pic.twitter.com/SG6nd7V8of
ਰਾਜਮਾਤਾ ਵਿਜਿਆ ਰਾਜੇ ਸਿੰਧੀਆ ਦੇ ਸਨਮਾਨ ਵਿਚ ਸਿੱਕੇ ਨੂੰ ਜਾਰੀ ਕਰਨ ਮੌਕੇ ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਰਾਜਮਾਤਾ ਸਿੰਧੀਆ ਨੇ ਆਪਣਾ ਜੀਵਨ ਗ਼ਰੀਬ ਲੋਕਾਂ ਨੂੰ ਸਮਰਪਿਤ ਕਰ ਦਿੱਤਾ। ਉਹਨਾਂ ਅੱਗੇ ਕਿਹਾ ਕਿ ਰਾਜਮਾਤਾ ਨੇ ਇਹ ਸਾਬਤ ਕਰ ਕੀਤਾ ਕਿ ਲੋਕਾਂ ਦੇ ਨੁਮਾਇੰਦਿਆਂ ਲਈ 'ਰਾਜ ਸੱਤਾ' ਨਹੀਂ, ਬਲਕਿ 'ਜਨ ਸੇਵਾ' ਮਹੱਤਵਪੂਰਨ ਹੈ।