ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਲੋਕ ਸਭਾ ਵਿਚ ਜੰਮੂ-ਕਸ਼ਮੀਰ ਪੁਨਰਗਠਨ...
ਨਵੀਂ ਦਿੱਲੀ: ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਲੋਕ ਸਭਾ ਵਿਚ ਜੰਮੂ-ਕਸ਼ਮੀਰ ਪੁਨਰਗਠਨ 2021 ਉਤੇ ਚਰਚਾ ਦਾ ਜਵਾਬ ਦਿੰਦੇ ਹੋਏ ਧਾਰਾ 370 ਨੂੰ ਹਟਾਉਣ ਦੇ ਫ਼ਾਇਦੇ ਗਿਣਾਏ ਹੁਣ ਤੱਕ ਉਥੇ ਸੱਤਾ ਵਿਚ ਰਹੀਆਂ ਪਾਰਟੀਆਂ ਨੂੰ ਘੇਰਿਆ ਹੈ। ਗ੍ਰਹਿ ਮੰਤਰੀ ਨੇ ਕਿਹਾ ਕਿ 370 ਦਾ ਛੁਣਛੁਣਾ ਦਿਖਾ ਕੇ ਤਿੰਨ ਪਰਵਾਰ ਉਥੇ 70 ਸਾਲਾਂ ਤੱਕ ਰਾਜ ਕਰਦਾ ਰਿਹਾ।
Amit Shah
ਗ੍ਰਹਿ ਮੰਤਰੀ ਨੇ ਕਿਹਾ ਕਿ ਪਹਿਲੀ ਵਾਰ ਜੰਮੂ-ਕਸ਼ਮੀਰ ਵਿੱਚ ਪੰਚਾਇਤੀ ਰਾਜ ਵਿਵਸਥਾ ਨੂੰ ਪੂਰੀ ਤਰ੍ਹਾਂ ਲਾਗੂ ਕੀਤਾ ਗਿਆ ਹੈ, ਅਤੇ ਹੁਣ ਉੱਥੇ ਰਾਜਾ ਕਿਸੇ ਰਾਣੀ ਦੇ ਢਿੱਡ ਤੋਂ ਪੈਦਾ ਨਹੀਂ ਹੋਣਗੇ, ਵੋਟ ਤੋਂ ਹੋਣਗੇ। ਗ੍ਰਹਿ ਮੰਤਰੀ ਨੇ ਕਿਹਾ, ਅਸੀਂ ਅਨੁਛੇਦ 370 ਹਟਾਕੇ ਸਭ ਤੋਂ ਪਹਿਲਾਂ ਉੱਥੇ ਪੰਚਾਇਤੀ ਰਾਜ ਵਿਵਸਥਾ ਦੀ ਸਥਾਪਨਾ ਕੀਤੀ।
Article 370
ਡਾ. ਬੀ.ਆਰ ਅੰਬੇਦਕਰ ਨੇ ਕਿਹਾ ਸੀ ਕਿ ਹੁਣ ਰਾਜਾ ਰਾਣੀ ਦੇ ਢਿੱਡ ਤੋਂ ਪੈਦਾ ਨਹੀਂ ਹੋਣਗੇ, ਦਲਿਤ, ਗਰੀਬ ਅਤੇ ਪਿਛੜੀਆਂ ਸ਼੍ਰੇਣੀਆਂ ਦੀਆਂ ਵੋਟਾਂ ਤੋਂ ਪੈਦਾ ਹੋਣਗੇ ਪਰ ਕਸ਼ਮੀਰ ਵਿੱਚ ਰਾਜਾ ਰਾਣੀ ਦੇ ਢਿੱਡ ਤੋਂ ਹੀ ਪੈਦਾ ਹੁੰਦੇ ਸਨ, ਤਿੰਨ ਪਰਵਾਰਾਂ ਦਾ ਹੀ ਸ਼ਾਸਨ ਰਿਹਾ, ਇਸ ਲਈ ਉਨ੍ਹਾਂ ਨੂੰ ਧਾਰਾ 370 ਚਾਹੀਦਾ ਹੈ ਪਰ ਹੁਣ ਉੱਥੇ ਵੀ ਰਾਜਾ ਵੋਟ ਤੋਂ ਹੀ ਪੈਦਾ ਹੋਵੇਗਾ।
Jammu kashmir
ਗ੍ਰਹਿ ਮੰਤਰੀ ਨੇ ਕਿਹਾ ਕਿ ਜਦੋਂ ਰਾਜਾ ਰਾਣੀ ਦੇ ਢਿੱਡ ਤੋਂ ਪੈਦਾ ਹੁੰਦਾ ਹੈ ਤਾਂ ਜਨਤਾ ਦੀ ਸੇਵਾ ਨਹੀਂ ਕਰਦਾ, ਜਦੋਂ ਵੋਟ ਤੋਂ ਬਣਦਾ ਹੈ ਤੱਦ ਜਨਤਾ ਦੀ ਸੇਵਾ ਕਰਦਾ ਹੈ। ਗ੍ਰਹਿ ਮੰਤਰੀ ਨੇ ਕਿਹਾ, ਅੱਜ ਪੁੱਛਿਆ ਜਾ ਰਿਹਾ ਹੈ ਕਿ ਅਨੁਛੇਦ 370 ਹਟਾਉਣ ਸਮੇਂ ਜੋ ਵਾਅਦੇ ਕੀਤੇ ਗਏ ਸਨ ਉਨ੍ਹਾਂ ਦਾ ਕੀ ਹੋਇਆ, 17 ਮਹੀਨੇ ਹੋ ਗਏ, ਤੁਸੀਂ ਸਾਡੇ ਤੋਂ ਹਿਸਾਬ ਮੰਗ ਰਹੇ ਹੋ, 70 ਸਾਲ ਤੁਸੀਂ ਕੀ ਕੀਤਾ ਉਸਦਾ ਹਿਸਾਬ ਲਿਆਏ ਹੋ? 70 ਸਾਲ ਠੀਕ ਤੋਂ ਕੰਮ ਕੀਤਾ ਹੁੰਦਾ ਤਾਂ ਸਾਡੇ ਤੋਂ ਹਿਸਾਬ ਨਾ ਮੰਗਣਾ ਪੈਂਦਾ। 370 ਨੂੰ ਹਟਾਉਣ ਦਾ ਇਹ ਮਸਲਾ ਕੋਰਟ ਵਿੱਚ ਹੈ, ਕੋਰਟ ਨੇ ਇਸ ਕਨੂੰਨ ਉੱਤੇ ਰੋਕ ਨਹੀਂ ਲਗਾਈ ਹੈ, ਵਿਚਾਰ ਅਧੀਨ ਰੱਖਿਆ ਹੈ, ਕੋਰਟ ਪੁੱਛੇਗੀ ਤਾਂ ਅਸੀਂ ਜਵਾਬ ਦੇਵਾਂਗੇ।
