ਅਮਿਤ ਸ਼ਾਹ ਨੇ ਕਿਹਾ ਜੇ ਬੰਗਾਲ ਵਿਚ ਜੈ ਸ੍ਰੀ ਰਾਮ ਨਹੀਂ ਬੋਲਿਆ ਜਾਵੇਗਾ ਤਾਂ ਕੀ ਪਾਕਿਸਤਾਨ ‘ਚ ਬੋਲਿਆ ਜਾਵੇਗਾ?
ਨਵੀਂ ਦਿੱਲੀ: ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅੱਜ ਪੱਛਮੀ ਬੰਗਾਲ ਦੇ ਕੂਚਬਿਹਾਰ ਵਿਚ ਦੌਰਾ ਕਰਨ ਗਏ। ਇਸ ਦੌਰਾਨ ਸੰਬੋਧਨ ਕਰਦਿਆਂ ਉਹਨਾਂ ਨੇ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ‘ਤੇ ਤਨਜ ਕੱਸਦਿਆਂ ਕਿਹਾ ਕਿ ਚੋਣਾਂ ਖ਼ਤਮ ਹੋਣ ਤੱਕ ਮਮਤਾ ਦੀਦੀ ਵੀ ‘ਜੈ ਸ੍ਰੀ ਰਾਮ’ ਬੋਲ਼ਣ ਲੱਗ ਜਾਵੇਗੀ।
Amit Shah
ਉਹਨਾਂ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਕ ਯੋਜਨਾ ਬਣਾਈ ਹੈ ਕਿ ਹਰ ਗਰੀਬ ਦੇ ਘਰ ਵਿਚ ਜੇਕਰ ਕੋਈ ਬਿਮਾਰ ਹੁੰਦਾ ਹੈ ਤਾਂ 5 ਲੱਖ ਤੱਕ ਦਾ ਸਾਰਾ ਖਰਚ ਮੋਦੀ ਸਰਕਾਰ ਚੁੱਕੇਗੀ। ਪਰ ਇਹ ਯੋਜਨਾ ਇੱਥੋਂ ਦੇ ਲੋਕਾਂ ਨੂੰ ਨਹੀਂ ਮਿਲ ਰਹੀ ਕਿਉਕਿ ਮਮਤਾ ਦੀਦੀ ਨੂੰ ਇਹ ਯੋਜਨਾ ਪਸੰਦ ਨਹੀਂ ਆਈ ਹੈ।
Mamta Banerjee
ਅਮਿਤ ਸ਼ਾਹ ਨੇ ਕਿਹਾ ਕਿ ਬੰਗਾਲ ਅੰਦਰ ਅਜਿਹਾ ਮਾਹੌਲ ਕਰ ਦਿੱਤਾ ਗਿਆ ਹੈ ਜਿਵੇਂ ਜੈ ਸ੍ਰੀ ਰਾਮ ਬੋਲਣਾ ਗੁਨਾਹ ਹੋਵੇ। ਉਹਨਾਂ ਨੇ ਮਮਤਾ ਬੈਨਰਜੀ ਨੂੰ ਸਵਾਲ ਕਰਦਿਆਂ ਕਿਹਾ ਕਿ ਜੇਕਰ ਬੰਗਾਲ ਵਿਚ ਜੈ ਸ੍ਰੀ ਰਾਮ ਨਹੀਂ ਬੋਲਿਆ ਜਾਵੇਗਾ ਤਾਂ ਕੀ ਪਾਕਿਸਤਾਨ ਵਿਚ ਬੋਲਿਆ ਜਾਵੇਗਾ?
Amit Shah
ਉਹਨਾਂ ਕਿਹਾ ਕਿ ਮਮਤਾ ਦੀਦੀ ਸਾਨੂੰ ਗਰੀਬਾਂ ਦੀ ਸੇਵਾ ਕਰਨ ਤੋਂ ਨਹੀਂ ਰੋਕ ਸਕਦੀ। ਉਹਨਾਂ ਨੇ ਚੁਣੌਤੀ ਦਿੰਦਿਆਂ ਕਿਹਾ ਕਿ ਮਈ ਤੋਂ ਬਾਅਦ ਸਾਨੂੰ ਨਹੀਂ ਰੋਕਿਆ ਜਾਵੇਗਾ ਕਿਉਂਕਿ ਮਮਤਾ ਬੈਨਰਜੀ ਮੁੱਖ ਮੰਤਰੀ ਨਹੀਂ ਰਹੇਗੀ।
Mamta Banerjee
ਅਮਿਤ ਸ਼ਾਹ ਨੇ ਕਿਹਾ ਮੈਂ ਵਾਅਦਾ ਕਰਦਾ ਹਾਂ ਕਿ ਚੋਣਾਂ ਖਤਮ ਹੋਣ ਤੱਕ ਮਮਤਾ ਦੀਦੀ ਵੀ ‘ਜੈ ਸ੍ਰੀ ਰਾਮ’ ਬੋਲਣ ਲੱਗ ਜਾਵੇਗੀ। ਉਹਨਾਂ ਕਿਹਾ ਟੀਐਮਸੀ ਦੇ ਗੁੰਡਿਆਂ ਨੇ 130 ਤੋਂ ਜ਼ਿਆਦਾ ਭਾਜਪਾ ਵਰਕਰਾਂ ਦੀ ਹੱਤਿਆ ਕੀਤੀ ਹੈ, ਇਸ ‘ਤੇ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਜਦੋਂ ਸਾਡੀ ਸਰਕਾਰ ਬਣੇਗੀ ਤਾਂ ਦੋਸ਼ੀਆਂ ਨੂੰ ਜੇਲ੍ਹ ਵਿਚ ਭੇਜਿਆ ਜਾਵੇਗਾ।
