ਹਾਲਾਂਕਿ, ਮਾਲੀਆ ਸਾਲਾਨਾ ਆਧਾਰ 'ਤੇ 1,112 ਕਰੋੜ ਰੁਪਏ ਤੋਂ 75% ਵਧ ਕੇ 1,948 ਕਰੋੜ ਰੁਪਏ ਹੋ ਗਿਆ।
ਨਵੀਂ ਦਿੱਲੀ - ਫੂਡ ਡਿਲੀਵਰੀ ਟੈਕ ਕੰਪਨੀ ਜ਼ੋਮੈਟੋ ਨੇ ਦੇਸ਼ ਦੇ 225 ਛੋਟੇ ਸ਼ਹਿਰਾਂ ਵਿਚ ਆਪਣੀ ਸੇਵਾ ਬੰਦ ਕਰ ਦਿੱਤੀ ਹੈ। ਕੰਪਨੀ ਨੇ ਆਪਣੇ ਘਾਟੇ ਨੂੰ ਘੱਟ ਕਰਨ ਲਈ ਅਜਿਹਾ ਕੀਤਾ ਹੈ। ਸ਼ਹਿਰ ਨੇ ਦਸੰਬਰ ਤਿਮਾਹੀ ਵਿਚ ਕੰਪਨੀ ਦੇ ਕੁੱਲ ਆਰਡਰ ਮੁੱਲ ਵਿਚ ਸਿਰਫ 0.3% ਦਾ ਯੋਗਦਾਨ ਪਾਇਆ। ਦਸੰਬਰ 'ਚ ਖ਼ਤਮ ਹੋਈ ਤਿਮਾਹੀ 'ਚ ਕੰਪਨੀ ਨੂੰ 346.6 ਕਰੋੜ ਰੁਪਏ ਦਾ ਘਾਟਾ ਹੋਇਆ ਸੀ। ਸ਼ੁੱਕਰਵਾਰ ਨੂੰ, ਕੰਪਨੀ ਨੇ ਆਪਣੀ ਤੀਜੀ ਤਿਮਾਹੀ (Q3FY23) ਦੇ ਨਤੀਜੇ ਜਾਰੀ ਕੀਤੇ ਹਨ।
225 ਸ਼ਹਿਰਾਂ 'ਚ ਸੇਵਾ ਬੰਦ ਕਰਨ 'ਤੇ ਕੰਪਨੀ ਨੇ ਕਿਹਾ, "ਪਿਛਲੀਆਂ ਕੁਝ ਤਿਮਾਹੀਆਂ 'ਚ ਕੁੱਝ ਸ਼ਹਿਰਾਂ ਦਾ ਪ੍ਰਦਰਸ਼ਨ ਚੰਗਾ ਨਹੀਂ ਰਿਹਾ ਹੈ।" ਹਾਲਾਂਕਿ ਕੰਪਨੀ ਨੇ ਪ੍ਰਭਾਵਿਤ ਸ਼ਹਿਰਾਂ ਦਾ ਨਾਮ ਨਹੀਂ ਦੱਸਿਆ ਹੈ। ਇਸ ਦੇ ਨਾਲ ਹੀ ਕੰਪਨੀ ਨੇ ਆਪਣੇ ਮੁਨਾਫੇ ਨੂੰ ਵਧਾਉਣ ਲਈ ਕੀਤੇ ਜਾ ਰਹੇ ਉਪਾਵਾਂ ਬਾਰੇ ਵੀ ਗੱਲ ਕੀਤੀ। Zomato ਨੇ ਦੱਸਿਆ ਕਿ ਇਸ ਨੇ ਆਰਡਰ ਦੀ ਬਾਰੰਬਾਰਤਾ ਵਧਾਉਣ ਲਈ ਗੋਲਡ ਸਬਸਕ੍ਰਿਪਸ਼ਨ ਲਾਂਚ ਕੀਤਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਸ ਪ੍ਰੋਗਰਾਮ 'ਚ 9 ਲੱਖ ਲੋਕ ਸ਼ਾਮਲ ਹੋਏ ਹਨ।
Zomato
Zomato ਭਾਰਤ ਵਿਚ ਸਭ ਤੋਂ ਵੱਧ ਵਰਤੀ ਜਾਂਦੀ ਭੋਜਨ ਡਿਲੀਵਰੀ ਐਪ ਵਿੱਚੋਂ ਇੱਕ ਹੈ। ਪਿਛਲੇ ਸਾਲ 2021-22 ਵਿਚ, ਕੰਪਨੀ ਦਾ ਫੂਡ ਆਰਡਰਿੰਗ ਅਤੇ ਡਿਲੀਵਰੀ ਕਾਰੋਬਾਰ ਦੇਸ਼ ਦੇ 1,000 ਤੋਂ ਵੱਧ ਸ਼ਹਿਰਾਂ ਵਿਚ ਚੱਲ ਰਿਹਾ ਸੀ। ਦੂਜੇ ਪਾਸੇ ਨਤੀਜੇ ਦੀ ਗੱਲ ਕਰੀਏ ਤਾਂ ਵਿੱਤੀ ਸਾਲ 2023 ਦੀ ਤੀਜੀ ਤਿਮਾਹੀ 'ਚ ਕੰਪਨੀ ਦਾ ਘਾਟਾ 5 ਗੁਣਾ ਵਧ ਕੇ 343 ਕਰੋੜ ਰੁਪਏ ਹੋ ਗਿਆ ਹੈ। ਹਾਲਾਂਕਿ, ਮਾਲੀਆ ਸਾਲਾਨਾ ਆਧਾਰ 'ਤੇ 1,112 ਕਰੋੜ ਰੁਪਏ ਤੋਂ 75% ਵਧ ਕੇ 1,948 ਕਰੋੜ ਰੁਪਏ ਹੋ ਗਿਆ।
ਇਹ ਕੰਪਨੀ 2008 ਵਿਚ ਗੁਰੂਗ੍ਰਾਮ, ਹਰਿਆਣਾ ਤੋਂ ਸ਼ੁਰੂ ਕੀਤੀ ਗਈ ਸੀ। ਉਦੋਂ ਇਸ ਦਾ ਨਾਂ Zomato ਨਹੀਂ ਬਲਕਿ Foodiebay ਸੀ, ਜੋ ebay ਤੋਂ ਪ੍ਰੇਰਿਤ ਸੀ। ਇਸ ਦੀ ਸਥਾਪਨਾ ਦੀਪਇੰਦਰ ਗੋਇਲ ਅਤੇ ਪੰਕਜ ਚੱਢਾ ਨੇ ਕੀਤੀ ਸੀ। 2008 ਵਿੱਚ, ਜ਼ੋਮੈਟੋ ਇੱਕ ਭੋਜਨ ਡਿਲੀਵਰੀ ਸੇਵਾ ਨਹੀਂ ਸੀ, ਸਗੋਂ ਇੱਕ ਰੈਸਟੋਰੈਂਟ ਖੋਜ ਸੇਵਾ ਸੀ, ਯਾਨੀ ਇਸ ਦਾ ਕੰਮ ਸ਼ਹਿਰ ਦੇ ਵੱਖ-ਵੱਖ ਰੈਸਟੋਰੈਂਟਾਂ ਬਾਰੇ ਜਾਣਕਾਰੀ ਪ੍ਰਦਾਨ ਕਰਨਾ ਸੀ।
Zomato
ਇਹ ਸੇਵਾ ਬਹੁਤ ਸਫ਼ਲ ਰਹੀ ਅਤੇ 2 ਸਾਲਾਂ ਤੋਂ ਵੀ ਘੱਟ ਸਮੇਂ ਵਿੱਚ, Foodiebay ਨੇ 2 ਮਿਲੀਅਨ ਗਾਹਕ ਅਤੇ 8,000 ਰੈਸਟੋਰੈਂਟਾਂ ਨੂੰ ਜੋੜਿਆ ਹੈ। 2010 ਦੇ ਅਖੀਰ ਵਿੱਚ, ਕੰਪਨੀ ਦੇ ਸੰਸਥਾਪਕ ਨੇ ਇਸਨੂੰ ਜ਼ੋਮੈਟੋ ਦੇ ਨਾਮ ਹੇਠ ਦੁਬਾਰਾ ਲਾਂਚ ਕੀਤਾ। ਇਸ ਦੇ ਨਾਲ ਹੀ ਕੰਪਨੀ ਨੇ ਫੂਡ ਡਿਲੀਵਰੀ ਸਰਵਿਸ ਵੀ ਸ਼ੁਰੂ ਕੀਤੀ ਹੈ।
