ਕਠੂਆ ਬਲਾਤਕਾਰ ਮਾਮਲਾ : ਅਦਾਲਤ ਨੇ ਜੰਮੂ-ਕਸ਼ਮੀਰ ਬਾਰ ਇਕਾਈਆਂ ਦੀ ਹੜਤਾਲ 'ਤੇ ਮੰਗੇ ਸਾਰੇ ਰਿਕਾਰਡ
ਨਵੀਂ ਦਿੱਲੀ : ਸੁਪਰੀਮ ਕੋਰਟ ਨੇ ਇਕ ਵਕੀਲ ਨੂੰ ਕਿਹਾ ਕਿ ਜੰਮੂ ਖੇਤਰ ਵਿਚ ਅੱਠ ਸਾਲਾ ਬੱਚੀ ਨਾਲ ਸਮੂਹਕ ਬਲਾਤਕਾਰ ਅਤੇ ਉਸ ਦੀ ਹੱਤਿਆ ਦੇ ਮਾਮਲੇ ਵਿਚ ਕਠੂਆ ਅਤੇ ਜੰਮੂ-ਕਸ਼ਮੀਰ ਬਾਰ ਇਕਾਈਆਂ ਦੁਆਰਾ ਬੁਲਾਈ ਗਈ ਹੜਤਾਲ ਦੇ ਸਬੰਧ ਵਿਚ ਉਹ ਸਾਰੇ ਤੱਥ ਰਿਕਾਰਡ 'ਤੇ ਲਿਆਉਣ ਤਾਕਿ ਉਸ ਵਿਚ ਕਾਨੂੰਨ ਖ਼ੁਦ ਨੋਟਿਸ ਲੈ ਸਕੇ। ਮੁੱਖ ਜੱਜ ਦੀਪਕ ਮਿਸ਼ਰਾ, ਜਸਟਿਸ ਏ.ਐਮ. ਖਾਨਵਿਲਕਰ ਅਤੇ ਜਸਟਿਸ ਡੀ.ਵਾਈ. ਚੰਦਰਚੂੜ ਦੀ ਅਦਾਲਤ ਨੇ ਵਕੀਲ ਪੀ.ਵੀ. ਦਿਨੇਸ਼ ਨੂੰ ਬਾਰ ਇਕਾਈਆਂ ਦੀਆਂ ਗਤੀਵਿਧੀਆਂ 'ਤੇ ਕੁੱਝ ਸਮਗਰੀ ਉਪਲਬਧ ਕਰਾਉਣ ਲਈ ਕਿਹਾ ਤਾਕਿ ਉਹ ਹੜਤਾਲ ਮਾਮਲੇ ਵਿਚ ਖ਼ੁਦ ਕਾਨੂੰਨੀ ਨੋਟਿਸ ਲੈ ਸਕੇ।
ਦਿਨੇਸ਼ ਨੇ ਸਥਾਨਕ ਬਾਰ ਐਸੋਸੀਏਸ਼ਨ ਦੇ ਫ਼ੈਸਲੇ ਦਾ ਹਵਾਲਾ ਦਿਤਾ ਜੋ ਕਥਿਤ ਰੂਪ ਨਾਲ ਕਠੂਆ ਵਿਚ ਨਬਾਲਿਗ ਬੱਚੀ ਨਾਲ ਸਮੂਹਕ ਬਲਾਤਕਾਰ ਕਰਨ ਵਾਲਿਆਂ ਦਾ ਸਮਰਥਨ ਕਰ ਰਹੇ ਹਨ। ਅਦਾਲਤ ਨੇ ਕਿਹਾ, ‘‘ਰਿਕਾਰਡ 'ਤੇ ਕੁੱਝ ਤਾਂ ਹੋਣਾ ਚਾਹੀਦਾ ਹੈ। ਸਾਡੇ ਕੋਲ ਕੋਈ ਰਿਕਾਰਡ / ਸਮਗਰੀ ਨਹੀਂ ਹੈ।’’ ਉਸ ਨੇ ਵਕੀਲ ਨੂੰ ਕਿਹਾ ਕਿ ਉਹ ਅਪਣੀ ਅਪੀਲ ਦਾ ਸਮਰਥਨ ਕਰਨ ਲਈ ਕੁਝ ਸਮਗਰੀ ਤਾਂ ਪੇਸ਼ ਕਰਨ। ਅਦਾਲਤ ਨੇ ਵਕੀਲ ਨੂੰ ਭਰੋਸਾ ਦਿਤਾ ਕਿ ਜੇਕਰ ਉਸ ਦੇ ਸਾਹਮਣੇ ਸਮਰਥ ਸਮਗਰੀ ਆਈ ਤਾਂ ਉਸ 'ਤੇ ਵਿਚਾਰ ਕੀਤਾ ਜਾਵੇਗਾ।