ਕਰੀਬ 20 ਮਿੰਟ ਤੱਕ ਚੱਲੇ ਆਪ੍ਰੇਸ਼ਨ ਤੋਂ ਬਾਅਦ ਸਰੀਏ ਨੂੰ ਬਾਹਰ ਕੱਢਿਆ ਗਿਆ।
ਸ਼ਾਹਡੋਲ : ਮੱਧ ਪ੍ਰਦੇਸ਼ ਦੇ ਸ਼ਾਹਡੋਲ 'ਚ 10 ਸਾਲ ਦੇ ਬੱਚੇ ਦੀ ਅੱਖ ਕੋਣ ਇਕ ਤਿੱਖਾ ਸਰੀਆ ਵੜ ਗਿਆ। ਜਿਸ ਕਾਰਨ ਬੱਚਾ ਦਰਦ ਨਾਲ ਤੜਫ਼ ਰਿਹਾ ਸੀ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਉਸ ਦੇ ਰਿਸ਼ਤੇਦਾਰ ਬੱਚੇ ਨੂੰ ਨਾਜ਼ੁਕ ਹਾਲਤ 'ਚ ਆਟੋ ਰਾਹੀਂ 50 ਕਿਲੋਮੀਟਰ ਦੂਰ ਸ਼ਾਹਡੋਲ ਜ਼ਿਲ੍ਹਾ ਹਸਪਤਾਲ ਲੈ ਗਏ। ਜਿੱਥੇ ਕਰੀਬ 20 ਮਿੰਟ ਤੱਕ ਚੱਲੇ ਆਪ੍ਰੇਸ਼ਨ ਤੋਂ ਬਾਅਦ ਸਰੀਏ ਨੂੰ ਬਾਹਰ ਕੱਢਿਆ ਗਿਆ।
ਮਾਮਲਾ ਸ਼ਾਹਡੋਲ ਜ਼ਿਲ੍ਹੇ ਦੇ ਜੈਸਿੰਘ ਨਗਰ ਦੇ ਕੁਬਰਾ ਪਿੰਡ ਦਾ ਹੈ। ਜਿੱਥੇ 10 ਸਾਲਾ ਅਨਿਲ ਕੋਲ ਸ਼ੁੱਕਰਵਾਰ ਨੂੰ ਡਿਸ਼ ਟੀਵੀ ਦੀ ਛੱਤਰੀ 'ਚ ਸਿਗਨਲ ਸੈੱਟ ਕਰਨ ਲਈ ਆਪਣੇ ਘਰ ਦੀ ਛੱਤ 'ਤੇ ਚੜ੍ਹ ਗਿਆ। ਉਸ ਦੇ ਰਿਸ਼ਤੇਦਾਰਾਂ ਨੇ ਦਸਿਆ ਕਿ ਇਸ ਦੌਰਾਨ ਅਚਾਨਕ ਉਸ ਦੀ ਲੱਤ ਤਿਲਕ ਗਈ ਅਤੇ ਉਹ ਛੱਤ ਤੋਂ ਹੇਠਾਂ ਡਿੱਗ ਗਿਆ। ਜਿਸ ਕਾਰਨ ਉਸ ਦੀ ਸੱਜੀ ਅੱਖ ਦੇ ਕੋਲ ਉੱਥੇ ਰੱਖਿਆ ਨੋਕਦਾਰ ਲੋਹੇ ਦਾ ਸਰੀਆ ਵੜ ਗਿਆ। ਜਿਸ ਤੋਂ ਬਾਅਦ ਪਰਿਵਾਰ ਵਾਲੇ ਉਸ ਨੂੰ ਉਸੇ ਹਾਲਤ 'ਚ ਲੈ ਕੇ ਜੈਸਿੰਘ ਨਗਰ ਦੇ ਹਸਪਤਾਲ ਪਹੁੰਚੇ।
ਡਾਕਟਰਾਂ ਦੀਆਂ ਕਾਫੀ ਕੋਸ਼ਿਸ਼ਾਂ ਤੋਂ ਬਾਅਦ ਜਦੋਂ ਲੋਹੇ ਦਾ ਸਰੀਆ ਬਾਹਰ ਨਾ ਆ ਸਕਿਆ ਤਾਂ ਉਸ ਨੂੰ ਜ਼ਿਲ੍ਹਾ ਹਸਪਤਾਲ ਰੈਫਰ ਕਰ ਦਿਤਾ ਗਿਆ। ਜਿੱਥੇ ਉਸ ਨੂੰ ਛੋਟੇ ਆਪ੍ਰੇਸ਼ਨ ਤੋਂ ਬਾਅਦ ਰਾਹਤ ਮਿਲੀ।
ਸਿਵਲ ਸਰਜਨ ਡਾ.ਜੀ.ਐਸ.ਪਰਿਹਾਰ ਨੇ ਦਸਿਆ ਕਿ ਪੀੜਤਾ ਨੂੰ ਜੈਸਿੰਘ ਨਗਰ ਤੋਂ ਰੈਫ਼ਰ ਕਰਕੇ ਜ਼ਿਲ੍ਹਾ ਹਸਪਤਾਲ ਲਿਆਂਦਾ ਗਿਆ ਸੀ। ਇੱਥੇ ਡਾਕਟਰਾਂ ਨੇ ਉਸ ਦਾ ਸਫ਼ਲ ਆਪ੍ਰੇਸ਼ਨ ਕੀਤਾ। ਲਗਭਗ ਅੱਧੇ ਘੰਟੇ ਤੱਕ ਚੱਲੀ ਸਰਜਰੀ ਤੋਂ ਬਾਅਦ ਸਰੀਏ ਨੂੰ ਕਢਿਆ ਗਿਆ ਸੀ। ਫਿਲਹਾਲ ਉਸ ਦੀ ਹਾਲਤ ਖਤਰੇ ਤੋਂ ਬਾਹਰ ਹੈ।
