ਨਵੀਂ ਦਿੱਲੀ: ਅੱਜ ਸਰਕਾਰਾਂ ਭਾਵੇਂ ਸਿੱਖਾਂ ਨੂੰ ਦਬਾਉਣ ਦੀਆਂ ਲੱਖ ਕੋਸ਼ਿਸ਼ਾਂ ਕਰੀ ਜਾਣ ਪਰ ਸਿੱਖਾਂ ਨੇ ਅਪਣੀ ਨਿਸ਼ਕਾਮ ਸੇਵਾ ਸਦਕਾ ਲੋਕਾਂ ਦੇ ਦਿਲਾਂ ਵਿਚ ਵੱਖਰੀ ਥਾਂ ਬਣਾ ਲਈ ਹੈ। ਇਹ ਰੱਬ ਸੱਚੇ ਦੀ ਕ੍ਰਿਪਾ ਹੀ ਹੈ ਕਿ ਮੁਸੀਬਤ ਪੈਣ 'ਤੇ ਲੋਕ ਪੁਲਿਸ ਦੀ ਬਜਾਏ ਸਿੱਖਾਂ ਕੋਲ ਮਦਦ ਦੀ ਗੁਹਾਰ ਲਗਾਉਂਦੇ ਹਨ।
Rishi
ਜੀ ਹਾਂ, ਅਜਿਹੀ ਹੀ ਇਕ ਘਟਨਾ ਰਾਜਧਾਨੀ ਦਿੱਲੀ ਵਿਚ ਸਾਹਮਣੇ ਆਈ ਹੈ ਜਿੱਥੇ ਇਕ ਕੈਬ ਡਰਾਇਵਰ ਵੱਲੋਂ ਇਕ ਕਥਿਤ ਤੌਰ 'ਤੇ ਇਕ ਨੌਜਵਾਨ ਦੀ ਕੁੱਟਮਾਰ ਕੀਤੀ ਗਈ ਅਤੇ ਉਸ ਮਹਿਲਾ ਮਿੱਤਰ ਨਾਲ ਬਦਸਲੂਕੀ ਕੀਤੀ ਗਈ। ਇਸ ਤੋਂ ਬਾਅਦ ਉਸ ਨੌਜਵਾਨ ਨੇ 100 ਨੰਬਰ 'ਤੇ ਫ਼ੋਨ ਕੀਤਾ ਪਰ ਪੁਲਿਸ ਨਹੀਂ ਪੁੱਜੀ, ਫਿਰ ਉਸ ਨੇ ਰਾਹ ਜਾਂਦੇ ਇਕ ਸਿੱਖ ਸਰਦਾਰ ਮਨਜੀਤ ਸਿੰਘ ਕੋਲ ਮਦਦ ਦੀ ਗੁਹਾਰ ਲਗਾਈ ਜੋ ਅਪਣੇ ਇਕ ਦੋਸਤ ਜਸਵੰਤ ਸਿੰਘ ਨਾਲ ਸਾਈਕਲ 'ਤੇ ਜਾ ਰਹੇ ਸਨ।
Delhi
ਬਸ ਫਿਰ ਕੀ ਸੀ, ਸਰਦਾਰ ਸਾਹਿਬ ਨੇ ਸਬੰਧਤ ਡਰਾਇਵਰ ਨੂੰ ਝਿੜਕਿਆ ਅਤੇ ਪੀੜਤ ਨੌਜਵਾਨ ਦੀ ਮਦਦ ਕੀਤੀ। ਪੀੜਤ ਨੌਜਵਾਨ ਜਿਸ ਦਾ ਨਾਮ ਰਿਸ਼ੀ ਹੈ ਉਸ ਦਾ ਕਹਿਣਾ ਹੈ ਕਿ ਉਸ ਨੇ ਰਾਜਿੰਦਰ ਪਲੇਸ ਤੋਂ ਕੈਬ ਬੁੱਕ ਕੀਤੀ ਸੀ, ਉਸ ਨੇ ਕੈਬ ਵਾਲੇ ਨੂੰ ਉਸ ਨੇ ਫੋਨ ਕਰ ਕੇ ਦੱਸ ਦਿੱਤਾ ਸੀ ਕਿ ਉਸ ਕੋਲ ਇਕ ਕੁੱਤਾ ਵੀ ਹੈ। ਉਸ ਨੇ ਕਿਹਾ ਕਿ ਉਹ ਇਸ ਦੇ ਅਲੱਗ ਤੋਂ ਪੈਸੇ ਲਵੇਗਾ। ਨੌਜਵਾਨ ਨੇ ਕੈਬ ਵਾਲੇ ਨੂੰ ਕਿਹਾ ਕਿ ਉਹ ਉਸ ਨੂੰ ਦੂਜੇ ਰਸਤੇ ਤੋਂ ਲੈ ਕੇ ਜਾਣ।
Rishi
ਇੰਨਾ ਕਹਿਣ ਤੇ ਉਹ ਭੜਕ ਗਿਆ ਤੇ ਉਸ ਨੇ ਇਕ ਲੜਕੀ ਨੂੰ ਬਾਹਰ ਕੱਢਿਆ ਤੇ ਉਸ ਤੋਂ ਬਾਅਦ ਉਸ ਨੇ ਉਸ ਲੜਕੇ ਦਾ ਸਮਾਨ ਬਾਹਰ ਕੱਢਿਆ, ਫਿਰ ਉਸ ਨੂੰ ਕੁੱਟਣ ਦੀ ਕੋਸ਼ਿਸ਼ ਤਾਂ ਉਸ ਨੇ ਕੋਲੋਂ ਗੁਜ਼ਰ ਰਹੇ ਮਨਜੀਤ ਸਿੰਘ ਨੂੰ ਹਾਕ ਮਾਰੀ ਤੇ ਉਸ ਸਰਦਾਰ ਨੇ ਉਸ ਲੜਕੇ ਦੀ ਮਦਦ ਕੀਤੀ। ਡ੍ਰਾਈਵਰ ਉਸ ਨੂੰ ਅਪਣੇ ਮੁਹੱਲੇ ਵਿਚ ਲੈ ਕੇ ਜਾਣਾ ਚਾਹੁੰਦਾ ਸੀ ਪਰ ਉਸ ਸਿੱਖ ਨੇ ਉਸ ਦੀ ਅੱਗੇ ਆ ਕੇ ਮਦਦ ਕੀਤੀ।
Cab
ਇਹ ਤਾਂ ਮਹਿਜ਼ ਇਕ ਘਟਨਾ ਦਾ ਜ਼ਿਕਰ ਕੀਤਾ ਗਿਆ ਹੈ ਇਸ ਤੋਂ ਇਲਾਵਾ ਦੇਸ਼ ਭਰ ਵਿਚ ਪਤਾ ਨਹੀਂ ਕਿੰਨੀਆਂ ਕੁ ਅਜਿਹੀਆਂ ਘਟਨਾਵਾਂ ਵਾਪਰਦੀਆਂ ਨੇ, ਜਿੱਥੇ ਸਿੱਖ ਬਿਨਾਂ ਝਿਜਕ ਪੀੜਤਾਂ ਅਤੇ ਮਜ਼ਲੂਮਾਂ ਦੀ ਮਦਦ ਵਿਚ ਆ ਖੜ੍ਹੇ ਹੁੰਦੇ ਹਨ। ਕੋਰੋਨਾ ਮਹਾਂਮਾਰੀ ਦੌਰਾਨ ਵੱਖ-ਵੱਖ ਸਿੱਖ ਸੰਸਥਾਵਾਂ ਵੱਲੋਂ ਲੋੜਵੰਦਾਂ ਦੀ ਮਦਦ ਲਈ ਨਿਭਾਈ ਜਾ ਰਹੀ ਸੇਵਾ ਵੀ ਸਭ ਦੇ ਸਾਹਮਣੇ ਹਨ। ਕਈ ਥਾਵਾਂ 'ਤੇ ਸਿੱਖ ਸੰਸਥਾਵਾਂ ਨੇ ਸੇਵਾ ਦੇ ਮਾਮਲੇ ਵਿਚ ਸਰਕਾਰਾਂ ਤਕ ਨੂੰ ਵੀ ਪਛਾੜ ਕੇ ਰੱਖ ਦਿੱਤਾ।
Cab
ਦਿੱਲੀ ਦੀ ਉਕਤ ਘਟਨਾ ਵਿਚ ਮਨਜੀਤ ਸਿੰਘ ਨੇ ਪੀੜਤ ਨੌਜਵਾਨ ਦੀ ਮਦਦ ਹੀ ਨਹੀਂ ਕੀਤੀ ਬਲਕਿ ਮੁਲਜ਼ਮ ਕੈਬ ਡਰਾਇਵਰ ਨੂੰ ਪੁਲਿਸ ਦੇ ਹਵਾਲੇ ਵੀ ਕੀਤਾ ਜੋ ਬੇਵਜ੍ਹਾ ਨੌਜਵਾਨ ਅਤੇ ਉਸ ਦੀ ਮਹਿਲਾ ਮਿੱਤਰ ਨੂੰ ਤੰਗ ਪਰੇਸ਼ਾਨ ਕਰ ਰਿਹਾ ਸੀ। ਸੋ ਸਰਕਾਰਾਂ ਭਾਵੇਂ ਜਿੰਨਾ ਮਰਜ਼ੀ ਸਿੱਖਾਂ 'ਤੇ ਜ਼ੁਲਮ ਢਾਹ ਲੈਣ ਪਰ ਸਿੱਖ ਕਦੇ ਵੀ ਅਪਣੇ ਗੁਰੂ ਦੇ ਦਰਸਾਏ ਮਾਰਗ ਤੋਂ ਪਿੱਛੇ ਨਹੀਂ ਹਟਦੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
