ਕੁਦਰਤ ਦੀ ਕਰੋਪੀ : ਧਰਤੀ 'ਚ ਪਈਆਂ ਦਰਾੜਾਂ ਕਾਰਨ ਲੋਕਾਂ 'ਚ ਸਹਿਮ, ਕੁਦਰਤੀ ਆਫ਼ਤ ਦੇ ਮਿਲੇ ਸੰਕੇਤ!
Published : Jul 14, 2020, 6:12 pm IST
Updated : Jul 14, 2020, 6:12 pm IST
SHARE ARTICLE
Nature
Nature

ਧਰਤੀ ਹੇਠੋਂ ਅੰਨ੍ਹੇਵਾਹ ਕੱਢੇ ਜਾ ਰਹੇ ਪਾਣੀ ਨੂੰ ਮੰਨਿਆ ਜਾ ਰਿਹੈ ਕਾਰਨ

ਨਵੀਂ ਦਿੱਲੀ : ਮਨੁੱਖ ਨੇ ਕੁਦਰਤ ਨਾਲ ਹੱਦੋਂ ਵੱਧ ਛੇੜਛਾੜ ਕਰ ਕੇ ਖੁਦ ਲਈ ਮੁਸੀਬਤਾਂ ਸਹੇੜ ਲਈਆਂ ਹਨ। ਇਹੀ ਕਾਰਨ ਹੈ ਕਿ ਅੱਜ ਕਿਤੇ ਸੋਕਾ ਪੈ ਰਿਹਾ ਹੈ ਅਤੇ ਕਿਤੇ ਡੋਬੇ ਦੀ ਸਥਿਤੀ ਹੈ। ਮਨੁੱਖ ਨੇ ਕੁਦਰਤੀ ਵਸੀਲਿਆਂ 'ਤੇ ਇੰਨਾ ਜ਼ਿਆਦਾ ਬੋਝ ਪਾ ਦਿਤਾ ਹੈ ਕਿ ਹੁਣ ਕੁਦਰਤ ਨੇ ਇਸ ਦਾ ਮੋੜਵਾਂ ਜਵਾਬ ਦੇਣਾ ਸ਼ੁਰੂ ਕਰ ਦਿਤਾ ਹੈ। ਮਨੁੱਖ ਧਰਤੀ ਹੇਠੋਂ ਖਣਿਜ ਪਦਾਰਥਾਂ ਤੋਂ ਇਲਾਵਾ ਪਾਣੀ ਨੂੰ ਵੱਡੇ ਪੱਧਰ 'ਤੇ ਬਾਹਰ ਕੱਢ ਰਿਹਾ ਹੈ।

NatureNature

ਵਿਗਿਆਨੀਆਂ ਮੁਤਾਬਕ ਮਨੁੱਖ ਨੂੰ ਇਸ ਦੇ ਦੁਰਗਾਮੀ ਨਤੀਜੇ ਆਉਣ ਵਾਲੇ ਸਮੇਂ 'ਚ ਭੁਗਤਣੇ ਪੈ ਸਕਦੇ ਹਨ। ਹੁਣ ਕਿਤੇ ਕਿਤੇ ਕੁਦਰਤ ਨੇ ਇਸ ਜਵਾਬ ਦੇਣਾ ਸ਼ੁਰੂ ਕਰ ਦਿਤਾ ਹੈ, ਜਿਸ ਦੀ ਉਦਾਹਰਨ ਹਰਿਆਣਾ ਦੇ ਕਸਬਾ ਨਾਰਨੌਲ ਦੇ ਖੇੜੀ-ਕਾਂਟੀ ਪਿੰਡ 'ਚ ਸਾਹਮਣੇ ਆਈ ਹੈ, ਜਿੱਥੇ ਧਰਤੀ ਫਟਣ ਦੀ ਘਟਨਾ ਸਾਹਮਣੇ ਆਈ ਹੈ। ਸ਼ੁਰੂਆਤ 'ਚ ਭਾਵੇਂ ਇਹ ਇਕ ਹੈਰਾਨੀਜਨਕ ਘਟਨਾ ਜਾਪ ਰਹੀ ਹੈ, ਜਿਸ ਦੇ ਅਸਲ ਕਾਰਨਾਂ ਦਾ ਪਤਾ ਪੂਰੀ ਜਾਂਚ ਤੋਂ ਬਾਅਦ ਹੀ ਸਾਹਮਣੇ ਆਵੇਗਾ। ਪਰ ਮੁਢਲੀ ਜਾਂਚ ਦੌਰਾਨ ਇਸ ਪਿੱਛੇ ਕਾਰਨ ਧਰਤੀ ਹੇਠੋਂ ਵੱਡੀ ਮਾਤਰਾ 'ਚ ਕੱਢੇ ਜਾ ਰਹੇ ਪਾਣੀ ਨੂੰ ਮੰਨਿਆ ਜਾ ਰਿਹਾ ਹੈ।

NatureNature

ਕਾਬਲੇਗੌਰ ਹੈ ਕਿ ਪੰਜਾਬ ਤੇ ਹਰਿਆਣਾ ਅੰਦਰ ਝੋਨੇ ਦੀ ਖੇਤੀ ਅਤੇ ਹੋਰ ਕਾਰਜਾਂ ਲਈ ਵੱਡੀ ਮਾਤਰਾ 'ਚ ਪਾਣੀ ਧਰਤੀ ਹੇਠੋਂ ਖਿੱਚਿਆ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਪਿੰਡਾਂ ਅਤੇ ਸ਼ਹਿਰਾਂ 'ਚ ਲੱਗੇ ਸਬਮਰਸੀਬਲ ਪੰਪਾਂ ਰਾਹੀਂ ਵੀ ਲੱਖਾਂ ਲੀਟਰ ਪਾਣੀ ਕੱਢਿਆ ਜਾ ਰਿਹਾ ਹੈ। ਪਹਿਲਾਂ ਪਿੰਡਾਂ 'ਚ ਕੇਵਲ ਹੱਥ ਨਲਕੇ ਹੀ ਹੁੰਦੇ ਸਨ, ਜਿਸ ਨਾਲ ਜ਼ਰੂਰਤ ਮੁਤਾਬਕ ਪਾਣੀ ਹੀ ਬਾਹਰ ਕੱਢਿਆ ਜਾਂਦਾ ਸੀ। ਪਰ ਹੁਣ ਹਰ ਥਾਂ ਨਲਕਿਆਂ 'ਤੇ ਮੋਟਰਾਂ ਫਿੱਟ ਕਰ ਕੇ ਪਾਣੀ ਧੜਾਧੜ ਖਿੱਚਿਆ ਜਾ ਰਿਹਾ ਹੈ। ਪਹਿਲਾਂ ਪਿੰਡਾਂ ਅੰਦਰਲੇ ਟੋਭੇ ਪਹਿਲਾਂ ਕੇਵਲ ਬਰਸਾਤਾਂ ਦੌਰਾਨ ਹੀ ਭਰਦੇ ਸਨ, ਪਰ ਹੁਣ ਪੂਰਾ ਸਾਲ ਇਨ੍ਹਾਂ ਮੋਟਰਾਂ ਦੇ ਪਾਣੀ ਨਾਲ ਤੁੜੇ ਰਹਿੰਦੇ ਹਨ।

NatureNature

ਉਪਰੋਕਤ ਘਟਨਾ ਤੋਂ ਬਾਅਦ ਅਜਿਹੇ ਖੇਤਰਾਂ 'ਚ ਖ਼ਤਰਾ ਵਧੇਰੇ ਹੈ ਜਿੱਥੇ ਧਰਤੀ ਹੇਠਲਾਂ ਪਾਣੀ ਅੰਨ੍ਹੇਵਾਹ ਬਾਹਰ ਕੱਢਿਆ ਜਾ ਰਿਹਾ ਹੈ। ਜ਼ਮੀਨ ਫੱਟਣ ਦੀ ਇਸ ਘਟਨਾ ਨੂੰ ਆਉਣ ਵਾਲੇ ਸਮੇਂ 'ਚ ਵੱਡੇ ਖ਼ਤਰੇ ਦੇ ਸੰਕੇਤ ਵਜੋਂ ਵੀ ਵੇਖਿਆ ਜਾ ਰਿਹਾ ਹੈ। ਇਹ ਖ਼ਤਰਾ ਭੂਚਾਲ ਤੋਂ ਵੀ ਵਧੇਰੇ ਮਾਰੂ ਹੋ ਸਕਦਾ ਹੈ, ਕਿਉਂਕਿ ਜਿਸ ਹਿਸਾਬ ਨਾਲ ਧਰਤੀ ਹੇਠੋਂ ਪਾਣੀ ਖਿੱਚਿਆ ਜਾ ਰਿਹਾ ਹੈ, ਉਸ ਹਿਸਾਬ ਨਾਲ ਜੇਕਰ ਇਸ ਘਟਨਾ ਵਰਗੀਆਂ ਹੋਰ ਘਟਨਾ ਸਾਹਮਣੇ ਆਉਂਦੀਆਂ ਹਨ, ਤਾਂ ਮਾਮਲੇ ਦੀ ਗੰਭੀਰਤਾ ਦਾ ਅੰਦਾਜ਼ਾ ਸਹਿਜੇ ਹੀ ਲਗਾਇਆ ਜਾ ਸਕਦਾ ਹੈ। ਭੂਚਾਲ ਆਉਣ ਦੀ ਸੂਰਤ 'ਚ ਸਥਿਤੀ ਹੋਰ ਵੀ ਵਿਸਫ਼ੋਟਕ ਹੋ ਸਕਦੀ ਹੈ।

NatureNature

ਖੇੜੀ-ਕਾਂਟੀ ਪਿੰਡ 'ਚ ਜਿਥੇ ਇਕ ਤੋਂ ਤਿੰਨ ਫੁੱਟ ਚੌੜਾਈ ਅਤੇ ਤਕਰੀਬਨ ਇਕ ਕਿਲੋਮੀਟਰ ਲੰਬਾਈ 'ਚ ਜ਼ਮੀਨ ਫੱਟਣ ਦੀ ਘਟਨਾ ਵਾਪਰੀ ਹੈ, ਉੱਥੇ ਦੋ ਸਾਲਾਂ 'ਚ ਧਰਤੀ ਹੇਠਲੇ ਪਾਣੀ ਦਾ ਪੱਧਰ 20 ਫੁੱਟ ਤੋਂ ਵੀ ਵਧੇਰੇ ਹੇਠਾਂ ਚਲੇ ਗਿਆ ਹੈ। ਮਾਹਿਰਾਂ ਮੁਤਾਬਕ ਅਜਿਹਾ ਕਰਨ ਕਾਰਨ ਜ਼ਮੀਨ ਖੋਖਲੀ ਹੋ ਗਈ ਸੀ। 3 ਜੁਲਾਈ ਨੂੰ ਆਏ ਭੂਚਾਲ ਕਾਰਨ ਜਦੋਂ ਇੱਥੇ ਧਰਤੀ ਹੇਠਾਂ ਹਲਚਲ ਹੋਈ ਜੋ ਜ਼ਮੀਨ 'ਚ ਦਰਾਰ ਦੇ ਰੂਪ ਵਿਚ ਸਾਹਮਣੇ ਆਈ ਹੈ। ਉਸ ਤੋਂ ਬਾਅਦ ਹੋਈ ਬਾਰਸ਼ ਨੇ ਇਸ ਦਰਾਰ ਨੂੰ ਹੋਰ ਵਧਾ ਦਿਤਾ ਹੈ। ਅਰਾਵਲੀ ਖੇਤਰ 'ਚ ਕਿਤੇ ਵੀ, ਪਾਣੀ ਦੇ ਪੱਧਰ ਦਾ ਸਹੀ ਮੁਲਾਂਕਣ ਵੀ ਸੰਭਵ ਨਹੀਂ, ਕਿਉਂਕਿ ਧਰਤੀ ਹੇਠਲੇ ਪਾਣੀ ਦੀ ਬਜਾਏ, ਚਟਾਨਾਂ ਦੇ ਵਿਚਕਾਰ ਭਰਿਆ ਪਾਣੀ ਵੀ ਕਈ ਥਾਵਾਂ 'ਤੇ ਖੂਹਾਂ ਦੁਆਰਾ ਕੱਢਿਆ ਜਾ ਰਿਹਾ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।

Location: India, Delhi, New Delhi

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM

Punjabi Family ਨਾਲ Rajasthan ’ਚ ਹਾਦਸਾ, 2 ਮਹੀਨੇ ਪਹਿਲਾਂ ਵਿਆਹੇ ਪੁੱਤ-ਨੂੰਹ ਸਮੇਤ 4 ਜੀਆਂ ਦੀ ਮੌ*ਤ...

28 Mar 2024 10:22 AM

Sushil Rinku ਤੇ Sheetal Angural ਨੂੰ ਸਿੱਧੇ ਹੋ ਗਏ 'ਆਪ' ਵਿਧਾਇਕ Goldy Kamboj.. ਸਾਧਿਆ ਤਿੱਖਾ ਨਿਸ਼ਾਨਾ..

28 Mar 2024 9:45 AM

AAP ਵਿਧਾਇਕ ਨੂੰ ਭਾਜਪਾ ਦਾ ਆਇਆ ਫ਼ੋਨ, ਪਾਰਟੀ ਬਦਲਣ ਲਈ 20 ਤੋਂ 25 ਕਰੋੜ ਅਤੇ Y+ ਸਕਿਊਰਿਟੀ ਦਾ ਆਫ਼ਰ, MLA ਗੋਲਡੀ...

27 Mar 2024 4:51 PM
Advertisement