Advertisement

ਮਨਮੋਹਨ ਸਿੰਘ ਦਾ ਰਾਜ ਸਭਾ ਮੈਂਬਰ ਚੁਣਿਆ ਜਾਣਾ ਤੈਅ, ਭਾਜਪਾ ਨਹੀਂ ਲੜੇਗੀ ਚੋਣ

ਏਜੰਸੀ
Published Aug 14, 2019, 4:54 pm IST
Updated Aug 14, 2019, 5:42 pm IST
ਇਸ ਤੋਂ ਪਹਿਲਾਂ ਡਾ. ਮਨਮੋਹਨ ਸਿੰਘ ਅਸਾਮ ਤੋਂ ਰਾਜ ਸਭਾ ਲਈ ਚੁਣੇ ਜਾਂਦੇ ਰਹੇ ਹਨ।
Rajya Sabha polls: BJP decides not to field candidate against Manmohan Singh
 Rajya Sabha polls: BJP decides not to field candidate against Manmohan Singh

ਜੈਪੁਰ : ਰਾਜ ਸਭਾ ਉਪ ਚੋਣਾਂ 'ਚ ਕਾਂਗਰਸੀ ਉਮੀਦਵਾਰ ਸਾਬਕਾ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਦੇ ਬਗੈਰ ਵਿਰੋਧ ਚੁਣੇ ਜਾਣ ਦਾ ਰਸਤਾ ਸਾਫ਼ ਹੋ ਗਿਆ ਹੈ, ਕਿਉਂਕਿ ਭਾਜਪਾ ਇਨ੍ਹਾਂ ਚੋਣਾਂ 'ਚ ਆਪਣਾ ਉਮੀਦਵਾਰ ਨਹੀਂ ਉਤਾਰੇਗੀ। ਰਾਜ ਸਭਾ ਚੋਣਾਂ 'ਚ ਉਮੀਦਵਾਰ ਖੜਾ ਕੀਤੇ ਜਾਣ ਦਾ ਫ਼ੈਸਲਾ ਕਰਨ ਲਈ ਮੰਗਲਵਾਰ ਦੁਪਹਿਰ ਭਾਜਪਾ ਵਿਧਾਇਕ ਦਲ ਦੀ ਬੈਠਕ ਬੁਲਾਈ ਗਈ ਸੀ। ਵਿਧਾਇਕਾਂ ਦੀ ਇਸ ਮਾਮਲੇ 'ਤੇ ਇਕ ਰਾਏ ਨਾ ਹੋਣ ਕਾਰਨ ਸੂਬਾ ਸੰਗਠਨ ਨੇ ਕੇਂਦਰੀ ਸੰਗਠਨ 'ਤੇ ਇਸ ਦਾ ਫ਼ੈਸਲਾ ਛੱਡ ਦਿੱਤਾ ਸੀ। ਕੇਂਦਰੀ ਸੰਗਠਨ ਨੇ ਉਮੀਦਵਾਰ ਨਾ ਉਤਾਰੇ ਜਾਣ ਦਾ ਫ਼ੈਸਲਾ ਕੀਤਾ ਹੈ।

Manmohan SinghManmohan Singh

Advertisement

ਜ਼ਿਕਰਯੋਗ ਹੈ ਕਿ ਰਾਜ ਸਭਾ ਮੈਂਬਰ ਅਤੇ ਭਾਜਪਾ ਦੇ ਸੂਬਾ ਪ੍ਰਧਾਨ ਰਹੇ ਮਦਨ ਲਾਲ ਸੈਣੀ ਦੇ ਦੇਹਾਂਤ ਮਗਰੋਂ ਰਾਜਸਥਾਨ ਤੋਂ ਰਾਜ ਸਭਾ ਦੀ ਇਹ ਸੀਟ ਖਾਲੀ ਹੋਈ ਸੀ। ਇਸ ਤੋਂ ਪਹਿਲਾਂ ਡਾ. ਮਨਮੋਹਨ ਸਿੰਘ ਅਸਾਮ ਤੋਂ ਰਾਜ ਸਭਾ ਲਈ ਚੁਣੇ ਜਾਂਦੇ ਰਹੇ ਹਨ। ਬੀਤੇ ਮੰਗਲਵਾਰ ਨੂੰ ਜੈਪੁਰ 'ਚ ਮਨਮੋਹਨ ਸਿੰਘ ਨੇ ਰਾਜ ਸਭਾ ਦੀ ਮੈਂਬਰਸ਼ਿਪ ਲਈ ਆਪਣੇ ਨਾਮਜ਼ਦਗੀ ਕਾਗ਼ਜ਼ ਦਾਖ਼ਲ ਕੀਤੇ ਸਨ। ਇਸ ਸੀਟ ਲਈ ਉਪ ਚੋਣ 26 ਅਗਸਤ ਨੂੰ ਹੋਵੇਗੀ। ਨਾਮਜ਼ਦਗੀ ਕਾਗ਼ਜ਼ ਦਾਖ਼ਲ ਕਰਨ ਦੀ ਅੰਤਮ ਤਰੀਕ 14 ਅਗਸਤ ਅਤੇ ਨਾਂ ਵਾਪਸ ਲੈਣ ਦੀ ਅੰਤਮ ਤਰੀਕ 19 ਅਗਸਤ ਹੈ।

Manmohan Singh Manmohan Singh

ਜ਼ਿਕਰਯੋਗ ਹੈ ਕਿ ਰਾਜਸਥਾਨ 'ਚ 10 ਰਾਜ ਸਭਾ ਸੀਟਾਂ 'ਚੋਂ 9 ਭਾਜਪਾ ਕੋਲ ਹਨ। ਇਕ ਸੀਟ ਮਦਨ ਲਾਲ ਸੈਣੀ ਦੇ ਦੇਹਾਂਤ ਮਗਰੋਂ ਖਾਲੀ ਹੋਈ ਹੈ। ਵਿਧਾਨ ਸਭਾ 'ਚ 200 'ਚੋਂ 198 ਵਿਧਾਇਕ ਹਨ। ਇਨ੍ਹਾਂ 'ਚੋਂ ਬਹੁਮਤ ਫਿਲਹਾਲ ਕਾਂਗਰਸ ਦੇ ਪੱਖ 'ਚ ਹੈ। ਭਾਜਪ ਅਤੇ ਇਸ ਦੇ ਸਹਿਯੋਗੀ ਆਰਐਲਪੀ ਕੋਲ 74 ਵਿਧਾਇਕ ਹੀ ਹਨ।

Location: India, Rajasthan, Jaipur
Advertisement

 

Advertisement
Advertisement