Advertisement
  ਖ਼ਬਰਾਂ   ਰਾਸ਼ਟਰੀ  14 Aug 2020  ਥੋਕ ਮਹਿੰਗਾਈ ਦਰ ਜੁਲਾਈ ਵਿਚ ਸਿਫ਼ਰ ਤੋਂ 0.58 ਫ਼ੀ ਸਦੀ ਹੇਠਾਂ ਰਹੀ

ਥੋਕ ਮਹਿੰਗਾਈ ਦਰ ਜੁਲਾਈ ਵਿਚ ਸਿਫ਼ਰ ਤੋਂ 0.58 ਫ਼ੀ ਸਦੀ ਹੇਠਾਂ ਰਹੀ

ਏਜੰਸੀ
Published Aug 14, 2020, 9:19 pm IST
Updated Aug 14, 2020, 9:19 pm IST
ਖਾਣ-ਪੀਣ ਦੀਆਂ ਚੀਜ਼ਾਂ ਦੇ ਭਾਅ ਵਧੇ
 Inflation rate
  Inflation rate

ਨਵੀਂ ਦਿੱਲੀ : ਥੋਕ ਕੀਮਤਾਂ 'ਤੇ ਆਧਾਰਤ ਮਹਿੰਗਾਈ ਦਰ ਜੁਲਾਈ ਵਿਚ ਸਿਫ਼ਰ ਤੋਂ 0.58 ਫ਼ੀ ਸਦੀ ਹੇਠਾਂ ਰਹੀ। ਇਸ ਸਮੇਂ ਦੌਰਾਨ ਖਾਣ-ਪੀਣ ਦੀਆਂ ਚੀਜ਼ਾਂ ਦੀਆਂ ਕੀਮਤਾਂ ਵਿਚ ਵਾਧਾ ਵੇਖਿਆ ਗਿਆ ਜਿਸ ਨਾਲ ਥੋਕ ਮਹਿੰਗਾਈ ਪਿਛਲੇ ਮਹੀਨੇ ਨਾਲੋਂ ਉੱਚੀ ਰਹੀ। ਥੋਕ ਮਹਿੰਗਾਈ ਜੂਨ ਵਿਚ ਸਿਫ਼ਰ ਤੋਂ 1.81 ਫ਼ੀ ਸਦੀ ਹੇਠਾਂ ਜਦਕਿ ਮਈ ਅਤੇ ਅਪ੍ਰੈਲ ਵਿਚ ਇਹ ਕ੍ਰਮਵਾਰ ਸਿਫ਼ਰ ਤੋਂ 3.37 ਫ਼ੀ ਸਦੀ ਅਤੇ ਸਿਫ਼ਰ ਤੋਂ 1.57 ਫ਼ੀ ਸਦੀ ਹੇਠਾਂ ਸੀ। ਥੋਕ ਮੁੱਲ ਸੂਚਕ ਅੰਕ ਮਹਿੰਗਾਈ ਪਿਛਲੇ ਚਾਰ ਮਹੀਨਿਆਂ ਤੋਂ ਸਿਫ਼ਰ ਤੋਂ ਹੇਠਾਂ ਹੈ। ਇਸ ਦੇ ਸਿਫ਼ਰ ਤੋਂ ਹੇਠਾਂ ਹੋਣ ਦਾ ਅਰਥ ਹੈ ਕਿ ਆਮ ਕੀਮਤਾਂ ਪਿਛਲੇ ਸਾਲ ਦੀ ਤੁਲਨਾ ਵਿਚ ਘਟੀਆਂ ਹਨ।

inflation inflation

ਵਣਜ ਅਤੇ ਉਦਯੋਗ ਮੰਤਰਾਲੇ ਦੁਆਰਾ ਜਾਰੀ ਬਿਆਨ ਵਿਚ ਕਿਹਾ ਗਿਆ, 'ਮਹੀਨਾਵਾਰ ਡਬਲਿਊਪੀਆਈ 'ਤੇ ਆਧਾਰਤ ਮਹਿੰਗਾਈ ਦੀ ਸਾਲਾਨਾ ਦਰ ਜੁਲਾਈ 2020 ਵਿਚ ਸਿਫ਼ਰ ਤੋਂ 0.58 ਫ਼ੀ ਸਦੀ ਹੇਠਾਂ ਰਹੀ ਜੋ ਪਿਛਲੇ ਸਾਲ ਦੇ ਆਮ ਅਰਸੇ ਵਿਚ 1.17 ਫ਼ੀ ਸਦੀ ਸੀ।' ਖਾਧ ਵਸਤਾਂ ਦੀ ਮਹਿੰਗਾਈ ਜੁਲਾਈ ਦੌਰਾਨ 4.08 ਫ਼ੀ ਸਦੀ ਸੀ ਜੋ ਚਾਰ ਮਹੀਨਿਆਂ ਦਾ ਉਚਤਮ ਪੱਧਰ ਹੈ।

InflationInflation

ਇਸ ਦੌਰਾਨ ਖ਼ਾਸਕਰ ਸਬਜ਼ੀਆਂ ਦੀ ਕੀਮਤ ਵਿਚ ਤੇਜ਼ੀ ਵੇਖਣ ਨੂੰ ਮਿਲੀ। ਸਬਜ਼ੀਆਂ ਦੀ ਮਹਿੰਗਾਈ ਦਰ ਜੁਲਾਈ ਵਿਚ 8.20 ਫ਼ੀ ਸਦੀ ਸੀ ਜਦਕਿ ਜੂਨ ਵਿਚ ਸਬਜ਼ੀਆਂ ਦਾ ਭਾਅ ਇਕ ਸਾਲ ਪਹਿਲਾਂ ਦੀ ਤੁਲਨਾ ਵਿਚ 9.21 ਫ਼ੀ ਸਦੀ ਹੇਠਾਂ ਸੀ।

Possibility of Softening the Currency Policy to Stop InflationPossibility of Softening the Currency Policy to Stop Inflation

ਇਸ ਦੌਰਾਨ ਦਾਲਾਂ 10.24 ਫ਼ੀ ਸਦੀ ਮਹਿੰਗੀਆਂ ਹੋਈਆਂ ਜਦਕਿ ਆਲੂ ਜੁਲਾਈ ਵਿਚ69.07 ਫ਼ੀ ਸਦੀ ਮਹਿੰਗਾ ਹੋਇਆ।

InflationInflation

ਪ੍ਰੋਟੀਨ ਦੀ ਬਹੁਤਾਤ ਵਾਲੇ ਖਾਧ ਪਦਾਰਥਾਂ ਜਿਵੇਂ ਆਂਡਾ, ਮੀਟ ਅਤੇ ਮੱਛੀ ਦੀਆਂ ਕੀਮਤਾਂ ਵਿਚ 5.27 ਫ਼ੀ ਸਦੀ ਦਾ ਵਾਧਾ ਹੋਇਆ ਹਾਲਾਂਕਿ ਪਿਆਜ਼ ਅਤੇ ਫੱਲ ਸਸਤੇ ਹੋਏ। ਜੁਲਾਈ ਵਿਚ ਤੇਲ ਅਤੇ ਬਿਜਲੀ ਦੀ ਮਹਿੰਗਾਈ ਮਨਫ਼ੀ 9.84 ਫ਼ੀ ਸਦੀ ਰਹਿ ਗਈ ਜੋ ਇਸ ਤੋਂ ਪਿਛਲੇ ਮਹੀਨੇ ਵਿਚ ਸਿਫ਼ਰ ਤੋਂ 13.60 ਫ਼ੀ ਸਦੀ ਹੇਠਾਂ ਸੀ। ਟਮਾਟਰ ਦੀਆਂ ਕੀਮਤਾਂ ਵਿਚ ਵਧਾ ਦੋ ਅੰਕਾਂ ਵਿਚ ਰਿਹਾ ਜਦਕਿ ਅਨਾਜ ਦੀ ਮਹਿੰਗਾਈ ਵਿਚ ਨਰਮੀ ਵੇਖਣ ਨੂੰ ਮਿਲੀ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।

Location: India, Delhi, New Delhi
Advertisement
Advertisement

 

Advertisement
Advertisement