ਦਿੱਲੀ ਦੇ ਮੁੱਖ ਮੰਤਰੀ ਅਤੇ ਆਮ ਆਦਮੀ ਪਾਰਟੀ ਦੇ ਪ੍ਰਧਾਨ ਅਰਵਿੰਦ ਕੇਜਰੀਵਾਲ ਦੀ ਧੀ ਨੂੰ ਧਮਕੀ ਦੇਣ.....
ਨਵੀਂ ਦਿੱਲੀ : ਦਿੱਲੀ ਦੇ ਮੁੱਖ ਮੰਤਰੀ ਅਤੇ ਆਮ ਆਦਮੀ ਪਾਰਟੀ ਦੇ ਪ੍ਰਧਾਨ ਅਰਵਿੰਦ ਕੇਜਰੀਵਾਲ ਦੀ ਧੀ ਨੂੰ ਧਮਕੀ ਦੇਣ ਵਾਲੇ ਦੀ ਪਹਿਚਾਣ ਕਰ ਲਈ ਗਈ ਹੈ। ਦੋਸ਼ੀ ਨੇ ਸੀਐਮ ਕੇਜਰੀਵਾਲ ਦੇ ਆਫੀਸ਼ਿਅਲ ਈ-ਮੇਲ ਆਈਡੀ ਉਤੇ ਧਮਕੀ ਭਰਿਆ ਮੇਲ ਭੇਜਿਆ ਸੀ। ਇਸ ਈ-ਮੇਲ ਦੇ ਜਰੀਏ ਦੋਸ਼ੀ ਨੇ ਕੇਜਰੀਵਾਲ ਨੂੰ ਕਿਹਾ ਸੀ ਕਿ ਜੇਕਰ ਉਹ ਅਪਣੀ ਧੀ ਨੂੰ ਬਚਾ ਸਕਦੇ ਹਨ, ਤਾਂ ਬਚਾ ਲੈਣ। ਅਸੀਂ ਉਨ੍ਹਾਂ ਨੂੰ ਅਗਵਾਹ ਕਰ ਲੈਣਗੇ। ਸਪੈਸ਼ਲ ਸੈਲ ਦੀ ਸਾਇਬਰ ਯੂਨਿਟ ਦੇ ਮੁਤਾਬਕ ਦਿੱਲੀ ਦੇ ਮੁੱਖ ਮੰਤਰੀ ਕੇਜਰੀਵਾਲ ਦੀ ਧੀ ਨੂੰ ਜਿਸ ਸ਼ਖਸ ਨੇ ਧਮਕੀ ਦਿਤੀ ਹੈ,
ਉਸ ਦੀ ਪਹਿਚਾਣ ਬਿਹਾਰ ਦੇ ਮੋਤੀਹਾਰੀ ਨਿਵਾਸੀ ਵਿਕਾਸ ਦੇ ਰੂਪ ਵਿਚ ਹੋਈ ਹੈ। ਫਿਲਹਾਲ ਦੋਸ਼ੀ ਪੜ੍ਹਾਈ ਕਰ ਰਿਹਾ ਹੈ। ਸਪੈਸ਼ਲ ਸੈਲ ਨੇ ਉਸ ਨੂੰ ਹਿਰਾਸਤ ਵਿਚ ਲੈ ਲਿਆ ਹੈ ਅਤੇ ਬਿਹਾਰ ਵਿਚ ਪੁੱਛ-ਗਿੱਛ ਕਰ ਰਹੀ ਹੈ। ਸੂਤਰਾਂ ਦੇ ਮੁਤਾਬਕ ਦੋਸ਼ੀ ਨੂੰ ਦਿੱਲੀ ਲਿਆਇਆ ਜਾ ਸਕਦਾ ਹੈ। ਇਸ ਮਾਮਲੇ ਵਿਚ ਪੁਲਿਸ ਨੇ ਐਨਸੀਆਰ ਵੀ ਦਰਜ ਕੀਤੀ ਹੈ। ਤੁਹਾਨੂੰ ਦੱਸ ਦਈਏ ਕਿ 9 ਜੁਲਾਈ ਨੂੰ ਸੀਐਮ ਕੇਜਰੀਵਾਲ ਦੀ ਆਫੀਸ਼ਿਅਲ ਈ-ਮੇਲ ਆਈਡੀ ਉਤੇ ਇਕ ਮੇਲ ਭੇਜਿਆ ਗਿਆ ਸੀ, ਜਿਸ ਵਿਚ ਉਨ੍ਹਾਂ ਦੀ ਧੀ ਨੂੰ ਅਗਵਾਹ ਕਰਨ ਦੀ ਧਮਕੀ ਦਿਤੀ ਗਈ ਸੀ।
ਇਸ ਤੋਂ ਬਾਅਦ ਦਿੱਲੀ ਪੁਲਿਸ ਨੇ ਕੇਜਰੀਵਾਲ ਦੀ ਧੀ ਦੀ ਸੁਰੱਖਿਆ ਵਿਚ ਇਕ Protective Service Officer (PSO) ਨੂੰ ਤੈਨਾਤ ਕਰ ਦਿਤਾ ਅਤੇ ਨਾਲ ਹੀ ਮਾਮਲੇ ਦੀ ਜਾਂਚ ਸਾਇਬਰ ਸੈਲ ਨੂੰ ਸੌਂਪ ਦਿਤੀ। ਦਿੱਲੀ ਪੁਲਿਸ ਦੀ ਸਪੈਸ਼ਲ ਸੈਲ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਪਹਿਲਾਂ ਈ-ਮੇਲ ਉਤੇ ਸੀਐਮ ਕੇਜਰੀਵਾਲ ਦੀ ਧੀ ਨੂੰ ਧਮਕੀ ਦਿਤੀ ਗਈ ਅਤੇ ਫਿਰ ਦੂਜੇ ਈ-ਮੇਲ ਵਿਚ ਧਮਕੀਬਾਜ਼ ਨੇ ਕਿਹਾ ਕਿ ਉਸ ਨੇ ਮਜਾਕ ਵਿਚ ਧਮਕੀ ਭਰਿਆ ਈ-ਮੇਲ ਭੇਜਿਆ ਹੈ। ਇਸ ਮਾਮਲੇ ਵਿਚ ਸ਼ਿਕਾਇਤ ਮਿਲਣ ਤੋਂ ਬਾਅਦ ਹੀ ਸਾਇਬਰ ਸੈਲ ਦੋਸ਼ੀ ਦੀ ਤਲਾਸ਼ ਕਰ ਰਹੀ ਸੀ।
ਤੁਹਾਨੂੰ ਦੱਸ ਦਈਏ ਕਿ ਇਹ ਪਹਿਲੀ ਵਾਰ ਨਹੀਂ ਹੈ, ਜਦੋਂ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਈ-ਮੇਲ ਦੇ ਜਰੀਏ ਧਮਕੀ ਦਿਤੀ ਗਈ ਹੈ। ਇਸ ਤੋਂ ਪਹਿਲਾਂ ਸਾਲ 2017 ਵਿਚ ਸੀਐਮ ਕੇਜਰੀਵਾਲ ਦੇ ਆਫੀਸ਼ਿਅਲ ਈ-ਮੇਲ ਆਈਡੀ ਉਤੇ ਮੇਲ ਭੇਜ ਕੇ ਧਮਕੀ ਦਿਤੀ ਗਈ ਸੀ। ਇਸ ਵਿਚ ਕੇਜਰੀਵਾਲ ਨੂੰ ਜਾਨੋਂ ਮਾਰਨ ਦੀ ਧਮਕੀ ਮਿਲੀ ਸੀ।