ਸੀਬੀਡੀਟੀ ਦੇ ਚੇਅਰਮੈਨ ਸੁਸ਼ੀਲ ਚੰਦਰਾ ਨੂੰ ਨਵਾਂ ਚੋਣ ਕਮਿਸ਼ਨਰ ਨਿਯੁਕਤ ਕੀਤਾ ਗਿਆ ਹੈ। ਉਨ੍ਹਾਂ ਦੀ ਨਿਯੁਕਤੀ ਨੂੰ
ਨਵੀਂ ਦਿੱਲੀ : ਸੀਬੀਡੀਟੀ ਦੇ ਚੇਅਰਮੈਨ ਸੁਸ਼ੀਲ ਚੰਦਰਾ ਨੂੰ ਨਵਾਂ ਚੋਣ ਕਮਿਸ਼ਨਰ ਨਿਯੁਕਤ ਕੀਤਾ ਗਿਆ ਹੈ। ਉਨ੍ਹਾਂ ਦੀ ਨਿਯੁਕਤੀ ਨੂੰ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਨੇ ਮਨਜ਼ੂਰੀ ਦਿਤੀ। ਸੀਬੀਡੀਟੀ ਦੇ ਚੇਅਰਮੈਨ ਦੇ ਤੌਰ ਉਤੇ ਉਨ੍ਹਾਂ ਦਾ ਕਾਰਜਕਾਲ ਇਸ ਸਾਲ ਮਈ ਵਿਚ ਖਤਮ ਹੋ ਰਿਹਾ ਸੀ। ਉਨ੍ਹਾਂ ਦਾ ਕਾਰਜਕਾਲ 2016 ਤੋਂ ਦੋ ਵਾਰ ਵਧਾਇਆ ਜਾ ਚੁੱਕਾ ਸੀ ।
Sushil chndra
ਚੰਦਰਾ ਆਈਆਈਟੀ ਗ੍ਰੈਜਏਟ ਅਤੇ 1980 ਬੈਚ ਦੇ ਇੰਡੀਅਨ ਰੈਵੀਨਿਊ ਸਰਵਿਸ (ਆਈਆਰਐਸ) ਅਧਿਕਾਰੀ ਹਨ। ਟੀਐਸ ਕ੍ਰਿਸ਼ਨਾ ਮੂਰਤੀ ਤੋਂ ਬਾਅਦ ਚੰਦਰਾ ਦੂਜੇ ਅਜਿਹੇ ਆਈਆਰਐਸ ਅਫ਼ਸਰ ਹਨ, ਜਿਨ੍ਹਾਂ ਨੂੰ ਚੋਣ ਕਮਿਸ਼ਨਰ ਬਣਾਇਆ ਗਿਆ ਹੈ। ਕ੍ਰਿਸ਼ਨਾ ਮੂਰਤੀ ਨੂੰ 2004 ਵਿਚ ਮੁੱਖ ਚੋਣ ਕਮਿਸ਼ਨਰ ਨਿਯੁਕਤ ਕੀਤਾ ਗਿਆ ਸੀ।
Sushil chandra
ਚੰਦਰਾ ਦੀ ਨਿਯੁਕਤੀ ਅਹੁਦਾ ਕਬੂਲ ਕਰਨ ਦੇ ਦਿਨ ਤੋਂ ਪ੍ਭਾਵੀ ਮੰਨੀ ਜਾਵੇਗੀ। ਉਹ ਓ.ਪੀ. ਰਾਵਤ ਦੀ ਜਗ੍ਹਾ ਲੈਣਗੇ, ਜੋ ਦਿਸੰਬਰ 2018 ਵਿਚ ਸੇਵਾਮੁਕਤ ਹੋਏ ਸਨ। ਇਸ ਤੋਂ ਬਾਅਦ ਸੁਨੀਲ ਅਰੋੜਾ ਨੂੰ ਮੁੱਖ ਚੋਣ ਕਮਿਸ਼ਨਰ ਬਣਾਏ ਜਾਣ ਤੋਂ ਬਾਅਦ ਤਿੰਨ ਮੈਂਬਰੀ ਚੋਣ ਕਮਿਸ਼ਨ ਵਿਚ ਇਕ ਅਹੁਦਾ ਖਾਲੀ ਸੀ । ਚੋਣ ਕਮਿਸ਼ਨ ਵਿਚ ਮੁੱਖ ਚੋਣ ਕਮਿਸ਼ਨਰ ਦੇ ਇਲਾਵਾ ਦੋ ਹੋਰ ਚੋਣ ਕਮਿਸ਼ਨਰ ਹੁੰਦੇ ਹਨ। ਚੰਦਰਾ ਤੋਂ ਇਲਾਵਾ ਅਸ਼ੋਕ ਲਵਾਸਾ ਵੀ ਚੋਣ ਕਮਿਸ਼ਨਰ ਹਨ।
