335.6 ਕਿਲੋਗ੍ਰਾਮ ਦੇ ਖੰਭਿਆਂ ਨੂੰ ਸਭ ਤੋਂ ਲੰਬੇ ਸਮੇਂ ਤਕ ਸੰਭਾਲਣ ਦਾ ਵਿਸ਼ਵ ਰਿਕਾਰਡ ਬਣਾਇਆ
ਭਾਰਤੀ ਤਾਕਤਵਰ ਵਿਸਪੀ ਖਰਾਰੀ ਨੇ ਹਰਕਿਊਲਿਸ ਥੰਮ੍ਹਾਂ ਨੂੰ 2 ਮਿੰਟ 10.75 ਸਕਿੰਟ ਲਈ ਫੜ ਕੇ ਗਿਨੀਜ਼ ਵਰਲਡ ਰਿਕਾਰਡ ਬਣਾਇਆ, ਜਿਸ ਵਿਚ ਹਰੇਕ ਥੰਮਹ ਦਾ ਭਾਰ ਲਗਭਗ 160 ਕਿਲੋਗ੍ਰਾਮ ਸੀ। ਉਸ ਦੀ ਸ਼ਾਨਦਾਰ ਪ੍ਰਾਪਤੀ ਦੀ ਐਲੋਨ ਮਸਕ ਨੇ ਪ੍ਰਸ਼ੰਸਾ ਕੀਤੀ ਅਤੇ ਉਸ ਨੇ ਗਿਨੀਜ਼ ਵਰਲਡ ਰਿਕਾਰਡ ਦੇ ਅਧਿਕਾਰਤ ‘ਐਕਸ’ ਹੈਂਡਲ ਤੋਂ ਸ਼ੇਅਰ ਕੀਤੇ ਵੀਡੀਉ ਨੂੰ ਰੀਟਵੀਟ ਕੀਤਾ।
ਭਾਰਤ ਦੇ ਮਸ਼ਹੂਰ ਤਾਕਤਵਰ ਵਿਸਪੀ ਖਰਾਰੀ ਨੇ ਇਕ ਵਾਰ ਫਿਰ ਆਪਣੀ ਅਦਭੁਤ ਤਾਕਤ ਦਾ ਪ੍ਰਦਰਸ਼ਨ ਕਰ ਕੇ ਗਿਨੀਜ਼ ਵਰਲਡ ਰਿਕਾਰਡ ਵਿਚ ਆਪਣਾ ਨਾਮ ਦਰਜ ਕਰਵਾਇਆ ਹੈ। ਉਸ ਨੇ ਹਰਕੂਲਸ ਪਿਲਰਸ ਹੋਲਡ ਵਿਚ 2 ਮਿੰਟ 10.75 ਸਕਿੰਟ ਲਈ ਭਾਰ ਫੜ ਕੇ ਇਕ ਨਵਾਂ ਰਿਕਾਰਡ ਬਣਾਇਆ। ਵਿਸਪੀ ਖਰਾਰੀ ਨੇ 335.6 ਕਿਲੋਗ੍ਰਾਮ ਭਾਰ ਵਾਲੇ ਹਰਕਿਊਲਿਸ ਪਿੱਲਰਜ਼ ਨੂੰ 2 ਮਿੰਟ 10.75 ਸਕਿੰਟ ਲਈ ਫੜ ਕੇ ਇਕ ਨਵਾਂ ਵਿਸ਼ਵ ਰਿਕਾਰਡ ਬਣਾਇਆ।
ਉਸ ਦੀ ਇਸ ਪ੍ਰਾਪਤੀ ਦੀ ਸ਼ਲਾਘਾ ਦੁਨੀਆ ਦੇ ਸਭ ਤੋਂ ਅਮੀਰ ਲੋਕਾਂ ਵਿਚੋਂ ਇਕ ਐਲੋਨ ਮਸਕ ਨੇ ਵੀ ਕੀਤੀ। ਉਸ ਨੇ ਗਿਨੀਜ਼ ਵਰਲਡ ਰਿਕਾਰਡ ਦੇ ਅਧਿਕਾਰਤ ‘ਐਕਸ’ (ਪਹਿਲਾਂ ਟਵਿੱਟਰ) ਹੈਂਡਲ ਦੁਆਰਾ ਸਾਂਝੇ ਕੀਤੇ ਗਏ ਵੀਡੀਉ ਨੂੰ ਰੀਟਵੀਟ ਕਰ ਕੇ ਇਸ ਕਾਰਨਾਮੇ ਨੂੰ ਸਵੀਕਾਰ ਕੀਤਾ। ਵੀਡੀਉ ਵਿਚ, ਵਿਸਪੀ ਖਰਾਰੀ ਨੂੰ ਭਾਰੀ ਥੰਮ੍ਹਾਂ ਨੂੰ ਮਜ਼ਬੂਤੀ ਨਾਲ ਫੜਿਆ ਹੋਇਆ ਦੇਖਿਆ ਜਾ ਸਕਦਾ ਹੈ।
ਵਿਸਪੀ ਖਰਾਰੀ ਭਾਰਤ ਦਾ ਇਕ ਮਸ਼ਹੂਰ ਤਾਕਤਵਰ ਤੇ ਮਾਰਸ਼ਲ ਆਰਟਸ ਮਾਹਰ ਹੈ। ਉਹ ਪਹਿਲਾਂ ਵੀ ਕਈ ਵਾਰ ਆਪਣੀ ਵਿਲੱਖਣ ਸਰੀਰਕ ਤਾਕਤ ਦਾ ਪ੍ਰਦਰਸ਼ਨ ਕਰ ਚੁੱਕਾ ਹੈ। ਉਸਦੀ ਤੰਦਰੁਸਤੀ ਤੇ ਤਾਕਤ ਦਾ ਇਹ ਰਿਕਾਰਡ ਉਸਦੀ ਸਖ਼ਤ ਸਿਖਲਾਈ ਅਤੇ ਸਮਰਪਣ ਨੂੰ ਦਰਸਾਉਂਦਾ ਹੈ।
