ਦੇਸ਼ ਵਿਚ ਕਰੋਨਾ ਵਾਇਰਸ ਦੇ ਮਾਮਲੇ ਵੱਧਣ ਤੋਂ ਬਾਅਦ ਇਹ ਹੁਣ ਭਾਰਤੀ ਸੈਨਾ ਵਿਚ ਵੀ ਫੈਲਣਾ ਸ਼ੁਰੂ ਹੋ ਗਿਆ ਸੀ।
ਨੋਇਡਾ : ਦੇਸ਼ ਵਿਚ ਕਰੋਨਾ ਵਾਇਰਸ ਦੇ ਮਾਮਲੇ ਵੱਧਣ ਤੋਂ ਬਾਅਦ ਇਹ ਹੁਣ ਭਾਰਤੀ ਸੈਨਾ ਵਿਚ ਵੀ ਫੈਲਣਾ ਸ਼ੁਰੂ ਹੋ ਗਿਆ ਸੀ, ਪਰ ਹੁਣ ਰਾਹਤ ਦੀ ਖ਼ਬਰ ਇਹ ਹੈ ਕਿ ਗ੍ਰੇਟਰ ਨੋਇਡਾ ਦੇ ਕੇਂਦਰੀ ਆਰਮਡ ਪੁਲਿਸ ਫੋਰਸਾਂ ਨੂੰ ਸਮਰਪਿਤ ਸੀਏਪੀਐੱਫ ਰਾਇਫ਼ਲ ਹਸਪਤਾਲ ਤੋਂ 20 ਜਾਵਨਾਂ ਨੂੰ ਕਰੋਨਾ ਵਾਇਰਸ ਨੂੰ ਮਾਤ ਦੇਣ ਤੋਂ ਬਾਅਦ ਛੁੱਟੀ ਦਿੱਤੀ ਗਈ ਹੈ।
photo
ਇੰਡੋ-ਤਿੱਬਤੀ ਬਾਰਡਰ ਪੁਲਿਸ ਫੋਰਸ (ਆਈਟੀਬੀਪੀ) ਦੇ ਡਾਇਰੈਕਟਰ ਜਨਰਲ ਐਸ. ਦੇਸਵਾਲ ਨੇ 17 ਆਈਟੀਬੀਪੀ ਅਤੇ 3 ਬੀਐਸਐਫ ਦੇ ਜਵਾਨਾਂ ਨੂੰ ਛੁੱਟੀ ਮਿਲਣ ਤੇ ਗੁਲਾਬ ਅਤੇ ਕੈਲੰਡਰ ਭੇਟ ਕੀਤੇ ਅਤੇ ਉਨ੍ਹਾਂ ਨੂੰ ਚੰਗੀ ਕਿਸਮਤ ਦੀ ਕਾਮਨਾ ਕੀਤੀ। ਸਮੂਹ ਸਿਹਤਮੰਦ ਸਿਪਾਹੀਆਂ ਦਾ ਤਾੜੀਆਂ ਮਾਰ ਕੇ ਸਵਾਗਤ ਕੀਤਾ ਗਿਆ। ਇਹ ਸੈਨਿਕ ਦਿੱਲੀ ਦੇ ਵੱਖ-ਵੱਖ ਇਲਾਕਿਆਂ ਵਿਚ ਡਿਊਟੀ ਕਰਨ ਵੇਲੇ ਕੋਰੋਨਾ ਨਾਲ ਸੰਕਰਮਿਤ ਹੋਏ ਸਨ।
Covid-19
ਦੇਸਵਾਲ ਨੇ ਹਸਪਤਾਲ ਦੇ ਕੋਰੋਨਾ ਵਾਰੀਅਰਜ਼, ਸੀਏਪੀਐਫ ਰੈਫ਼ਰਲ ਹਸਪਤਾਲ ਦੇ ਡਾਕਟਰਾਂ ਅਤੇ ਮੈਡੀਕਲ ਸਟਾਫ ਦੀ ਪ੍ਰਸ਼ੰਸਾ ਕੀਤੀ। ਦੇਸਵਾਲ ਨੇ ਕਿਹਾ ਕਿ ਇਸ ਚੁਣੌਤੀਪੂਰਨ ਦੌਰ ਵਿੱਚ, ਕੇਂਦਰੀ ਆਰਮਡ ਫੋਰਸਿਜ਼ ਦੇ ਇਸ ਹਸਪਤਾਲ ਨੇ ਆਪਣੇ ਸਾਰੇ ਸਰੋਤਾਂ ਨੂੰ ਆਪਣੀ ਕਾਬਲੀਅਤ ਦੀ ਸਰਵਉਤਮ ਵਰਤੋਂ ਲਈ ਵਰਤਿਆ ਹੈ। ਸੁਰੱਖਿਆ ਬਲਾਂ ਨੇ ਸੰਕਰਮਿਤ ਫੌਜੀਆਂ ਦੇ ਇਲਾਜ ਵਿਚ ਇਕ ਮਹੱਤਵਪੂਰਣ ਭੂਮਿਕਾ ਨਿਭਾਈ ਹੈ।
photo
ਆਈ.ਟੀ.ਬੀ.ਪੀ ਨੇ ਇਸ ਹਸਪਤਾਲ ਨੂੰ ਕੋਵਿਡ -19 ਹਸਪਤਾਲ ਵਿੱਚ ਤਬਦੀਲ ਕਰ ਦਿੱਤਾ ਹੈ। ਦੱਸ ਦੱਈਏ ਕਿ 200 ਬੈਡਾਂ ਵਾਲੇ ਹਸਪਤਾਲ ਵਿਚ ITBP,CRPF,BSF ਅਤੇ ਏਨਸੀਜ਼ੀ ਦੇ ਜਵਾਨਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਦਾ ਇਲਾਜ਼ ਚੱਲ ਰਿਹਾ ਹੈ। ਇਸ ਸਮੇਂ ਇਸ ਹਸਪਤਾਲ ਵਿਚ 170 ਕਰੋਨਾ ਪੌਜਟਿਵ ਮਰੀਜ਼ ਭਰਤੀ ਹਨ। ਹੁਣ ਤੱਕ ਕਰੋਨਾ ਤੋਂ ਠੀਕ ਹੋਣ ਵਾਲੇ 21 ਮਰੀਜ਼ਾਂ ਨੂੰ ਛੁੱਟੀ ਦਿੱਤੀ ਜਾ ਚੁੱਕੀ ਹੈ।
Corona Virus
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
