ਅਤਿਵਾਦੀ ‘ਮਨਾਨ ਵਾਨੀ’ ਦੀ ਮੌਤ ਤੋਂ ਬਾਅਦ, ਕਸ਼ਮੀਰੀ ਵਿਦਿਆਰਥੀਆਂ ਨੇ ਏਐਮਯੂ ਛੱਡਣ ਦੀ ਦਿਤੀ ਧਮਕੀ
Published : Oct 15, 2018, 12:50 pm IST
Updated : Oct 15, 2018, 12:50 pm IST
SHARE ARTICLE
Aligarh Muslim University
Aligarh Muslim University

ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ (ਏਐਮਯੂ) ਦਾ ਦੇਸ਼ ਹੀ ਨਹੀਂ, ਦੁਨੀਆਂ ‘ਚ ਵੀ ਕਾਫ਼ੀ ਨਾਮ ਹੈ। ਜਾਕਿਰ ਹੂਸੇਨ, ਹਾਮਿਦ ਅੰਸਾਰੀ

ਸ਼੍ਰੀਨਗਰ (ਭਾਸ਼ਾ) : ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ (ਏਐਮਯੂ) ਦਾ ਦੇਸ਼ ਹੀ ਨਹੀਂ, ਦੁਨੀਆਂ ‘ਚ ਵੀ ਕਾਫ਼ੀ ਨਾਮ ਹੈ। ਜਾਕਿਰ ਹੂਸੇਨ, ਹਾਮਿਦ ਅੰਸਾਰੀ, ਜਾਵੇਦ ਅਖ਼ਤਰ, ਨਸੀਰੂਦੀਨ ਸ਼ਾਹ ਵਰਗੇ ਮਸ਼ਹੂਰ ਲੋਕ ਦੇਸ਼ ਦੀ ਇਸ ਪ੍ਰਸਿੱਧ ਯੂਨੀਵਰਸਿਟੀ ਵਿਚ ਪੜ੍ਹੇ ਹਨ। ਇਹਨਾਂ ਲੋਕਾਂ ਨੇ ਏਐਮਯੂ ਦਾ ਨਾਮ ਰੋਸ਼ਨ ਕੀਤਾ ਹੈ। ਦੂਜੇ ਪਾਸੇ, ਮਨਾਨ ਵਾਨੀ ਵਰਗਾ ਵਿਦਿਆਰਥੀ ਹੈ, ਜਿਹੜਾ ਵਿਦਿਆਰਥੀ ਤੋਂ ਅਤਿਵਾਦੀ ਬਣ ਗਿਆ ਹੈ। ਵਾਨੀ ਨੂੰ ਲੈ ਕੇ 4 ਦਿਨ ਤੋਂ ਅਲੀਗੜ੍ਹ ਯੂਨੀਵਰਸਿਟੀ ਅੱਗ ਸੁਲਗ ਰਹੀ ਹੈ।

Manan WaniMannan Wani

ਨੌਬਤ ਇਹ ਆ ਗਈ ਹੈ ਕਿ ਇਥੇ ਪੜ੍ਹਨ ਵਾਲੇ 1200 ਕਸ਼ਮੀਰੀ ਵਿਦਿਆਰਥੀਆਂ ਨੇ ਯੂਨੀਵਰਸਿਟੀ ਛੱਡਣ ਦੀ ਧਮਕੀ ਦਿਤੀ ਹੈ। ਜ਼ਿਕਰਯੋਗ ਹੈ ਕਿ ਕਸ਼ਮੀਰ ਵਿਚ ਇਕ ਅਤਿਵਾਦੀ ਦਾ ਇਨਕਾਉਂਟਰ ਹੋਣ ਤੋਂ ਬਾਅਦ ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ ‘ਚ ਦੇਸ਼ ਧ੍ਰੋਹੀ ਨਾਅਰਿਆਂ ਦੀ ਗੂੰਜ ਸੁਣਾਈ ਦਿੰਦੀ ਹੈ। ਹੁਣ ਇਹ ਹੈ ਕਿ ਯੂਨੀਵਰਸਿਟੀ ਪ੍ਰਸ਼ਾਸ਼ਨ ਅਤੇ ਕਸ਼ਮੀਰੀ ਵਿਦਿਆਰਥੀ ਆਹਮੋ-ਸਾਹਮਣੇ ਹਨ। ਮਾਮਲਾ ਇਨ੍ਹਾ ਵਧ ਗਿਆ ਹੈ ਕਿ ਸਾਬਕਾ ਵਿਦਿਆਰਥੀ ਸੰਘ ਦੇ ਨੇਤਾ ਸਜ਼ਾਦ ਸੁਭਾਨ ਨੇ ਇਕ ਚਿੱਠੀ ਲਿਖ ਕੇ ਏਐਮਯੂ ਪ੍ਰਸ਼ਾਸ਼ਨ ਨੂੰ ਚਿਤਾਵਨੀ ਦਿਤੀ ਹੈ।

Aligarh Muslim UniversityAligarh Muslim University

ਕਿ ਉਹਨਾਂ ਦੀਆਂ ਮੰਗਾਂ ਜੇਕਰ ਨਹੀਂ ਸੁਣੀਆਂ ਗਈਆਂ ਤਾਂ 1200 ਕਸ਼ਮੀਰੀ ਵਿਦਿਆਰਥੀ ਅਪਣੀਆਂ ਡਿਗਰੀਆਂ ਛੱਡ ਦੇਣਗੇ। ਅਸਲੀਅਤ ‘ਚ ਇਹ ਮਾਮਲਾ ਅਤਿਵਾਦੀ ਮਨਾਨ ਵਾਨੀ ਦੇ ਇਨਕਾਉਂਟਰ ਨਾਲ ਜੁੜਿਆ ਹੋਇਆ ਹੈ। ਮਨਾਨ ਵਾਨੀ ਕਦੇ ਏਐਮਯੂ ਦਾ ਵਿਦਿਆਰਥੀ ਸੀ, ਪਰ ਪੜ੍ਹਾਈ ਛੱਡ ਕੇ ਅਤਿਵਾਦੀ ਬਣ ਗਿਆ ਅਤੇ ਇਸ ਵੀਰਵਾਰ ਨੂੰ ਕੁਪਵਾੜਾ ਇਨਕਾਉਂਟਰ ਵਿਚ ਮਾਰਿਆ ਗਿਆ। ਦੋਸ਼ ਹੈ ਕਿ ਉਸੇ ਦਿਨ ਏਐਮਯੂ ਦੇ ਕੈਨੇਡੀ ਹਾਲ ਵਿਚ ਕੁਝ ਕਸ਼ਮੀਰੀ ਵਿਦਿਆਰਥੀਆਂ ਨੇ ਮਨਾਨ ਵਾਨੀ ਲਈ ਸ਼ੋਕ ਸਭਾ ਰੱਖੀ ਸੀ।

Aligarh Muslim University StudentsAligarh Muslim University Students

ਪਤਾ ਲੱਗਣ ਤੇ ਵਿਦਿਆਰਥੀ ਸੰਘ ਦੇ ਸਾਬਕਾ ਪ੍ਰਧਾਨ ਅਤੇ ਯੂਨੀਵਰਸਿਟੀ ਸਟਾਫ਼ ਨੇ ਵਿਦਿਆਰਥੀਆਂ ਨੂੰ ਅਜਿਹਾ ਕੰਮ ਕਰਨ ਤੋਂ ਰੋਕਿਆ ਹੈ। ਇਸ ਨੂੰ ਲੈ ਕੇ ਉਥੇ ਬਹਿਸ ਹੋ ਗਈ। ਦੋਸ਼ ਇਹ ਵੀ ਹੈ ਕਿ ਸ਼ੋਕ ਸਭਾ ਵਿਚ ਦੇਸ਼ ਵਿਰੋਧੀ ਨਾਅਰੇ ਵੀ ਲਗਾਏ ਗਏ। ਜਿਸ ‘ਤੇ ਦੋ ਨਾਮਜ਼ਦ ਅਤੇ ਇਕ ਅਣਜਾਣ ਵਿਦਿਆਰਥੀ ਦੇ ਖ਼ਿਲਾਫ਼ ਦੇਸ਼ ਧ੍ਰੋਹ ਦਾ ਕੇਸ ਦਰਜ਼ ਹੋਇਆ ਹੈ। ਯੂਨੀਵਰਸਿਟੀ ਨੇ ਵੀ 9 ਵਿਦਿਆਰਥੀਆਂ ਨੂੰ ਨੋਟਿਸ ਭੇਜ ਕੇ ਜਵਾਬ ਮੰਗਿਆ ਹੈ। ਏਐਮਯੂ ਦੇ ਸਾਬਾਕਾ ਵਿਦਿਆਰਥੀ ਸੰਘ ਨੇਤਾ ਸਜ਼ਾਦ ਸੁਭਾਨ ਦਾ ਦਾਅਵਾ ਹੈ ਕਿ ਵਿਦਿਆਰਥੀ ਕਸ਼ਮੀਰ ‘ਚ ਹਾਲਾਤ ‘ਤੇ ਚਰਚਾ ਲਈ ਇੱਕਠਾ ਹੋਏ ਸੀ।

Aligarh Muslim University StudentsAligarh Muslim University Students

ਅਤੇ ਕੋਈ ਦੇਸ਼ ਧ੍ਰੋਹੀ ਨਾਅਰੇ ਨਹੀਂ ਲਗਾਏ ਗਏ। ਅਜਿਹੇ ਵਿਚ ਜਿਹੜੇ ਵਿਦਿਆਰਥੀਆਂ ਉਤੇ ਕੇਸ ਦਰਜ ਹੋਏ ਹਨ। ਉਹ ਵਾਪਿਸ ਲਏ ਜਾਣ। ਹਾਲਾਂਕਿ ਸਜ਼ਾਦ ਦੇ ਦਾਅਵੇ ਦੇ ਉਲਟ ਏਐਮਯੂ ਦੇ ਸਾਬਕਾ ਵਿਦਿਆਰਥੀ ਸੰਘ ਪ੍ਰਧਾਨ ਫੈਜੁਲ ਹਸਨ ਨੇ ਮੰਨਿਆ ਕਿ ਸ਼ੋਕ ਸਭਾ ਹੋਈ ਸੀ। ਯੂਨੀਵਰਸਿਟੀ ਪ੍ਰਸ਼ਾਸਨ ਅਤੇ ਪੁਲਿਸ ਦੋਵੇਂ ਅਪਣੇ ਪੱਧਰ ‘ਤੇ ਮਾਮਲੇ ਦੀ ਜਾਂਚ ਕਰ ਰਹੇ ਹਨ। ਯੂਨੀਵਰਸਿਟੀ ਵੱਲੋਂ ਇਕ ਟੀਮ ਦਾ ਗਠਨ ਕੀਤਾ ਗਿਆ ਹੈ। ਜਿਹੜੀ 72 ਘੰਟਿਆਂ ਵਿਚ ਅਪਣੀ ਰਿਪੋਰਟ ਦੇਵੇਗੀ। ਪੁਲਿਸ ਨੇ ਵੀ ਐਸਆਈਟੀ ਬਣਾਈ ਹੈ। ਇਕ ਪਾਸੇ ਤੇਜ਼ੀ ਨਾਲ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ। ਤਾਂ ਦੂਜੇ ਪਾਸੇ ਵਿਦਿਆਰਥੀਆਂ ਸੰਘ ਦੇ ਨੇਤਾ ਸਜ਼ਾਦ ਇਹ ਦਾਅਵਾ ਕਰ ਰਹੇ ਹਨ ਕਿ ਜੇਕਰ ਕੇਸ ਵਾਪਸ ਨਹੀਂ ਹੋਏ ਤਾਂ ਕਸ਼ਮੀਰੀ ਵਿਦਿਆਰਥੀ ਇਥੋਂ ਚਲੇ ਜਾਣਗੇ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 03/08/2025

03 Aug 2025 1:23 PM

ਸ: ਜੋਗਿੰਦਰ ਸਿੰਘ ਦੇ ਸ਼ਰਧਾਂਜਲੀ ਸਮਾਗਮ ਮੌਕੇ ਕੀਰਤਨ ਸਰਵਣ ਕਰ ਰਹੀਆਂ ਸੰਗਤਾਂ

03 Aug 2025 1:18 PM

Ranjit Singh Gill Home Live Raid :ਰਣਜੀਤ ਗਿੱਲ ਦੇ ਘਰ ਬਾਹਰ ਦੇਖੋ ਕਿੱਦਾਂ ਦਾ ਮਾਹੌਲ.. Vigilance raid Gillco

02 Aug 2025 3:20 PM

Pardhan Mantri Bajeke News : ਪ੍ਰਧਾਨਮੰਤਰੀ ਬਾਜੇਕੇ ਦੀ ਵੀਡੀਓ ਤੋਂ ਬਾਅਦ ਫਿਰ ਹੋਵੇਗੀ ਪੇਸ਼ੀ | Amritpal Singh

02 Aug 2025 3:21 PM

'ਤੇਰੀ ਬੁਲਟ ਪਰੂਫ਼ ਗੱਡੀ ਪਾੜਾਂਗੇ, ਜੇਲ੍ਹ ‘ਚੋਂ ਗੈਂਗਸਟਰ ਜੱਗੂ ਭਗਵਾਨਪੁਰੀਏ ਦੀ ਧਮਕੀ'

01 Aug 2025 6:37 PM
Advertisement